آلسلآآم عليكمُ

يآ شباب هل صحيح الفريدي ما حضر التدربياتُ آليومُ و آنه مقفل جواله
ما يبي يرد على الادارة صراحة مصيبة في انتظارنا لو كان الخبرُ صحيح


و قبل شوي شفت صور تدريباتُ آليوم و ما شفت الفريديُ


ياليييييييييييييييييييييييييييييييييت احد يفيدني

ذهاب اللاعب او بقاؤه شي راجع له
لكن انا انتقد الكابتن احمد بالاسلوب في التعامل مع ادارة راقية
وثانيا لازم الادارة تعرف وش السبب اللي طلع فجاة خاصة لو تتابعون تعابير وجه احمد بعد اهداف
الهلال وخاصة فرحته بهدف هرماش بالاتحاد واهدف عيسى بالاتفاق
يعني ال موضوع فيه شي فلا نتسرع حتى يصدر شي رسمي
واذا صحيح الاعب يبي يترك الفريق اتمنى من الادارة عدم السماح له وتركه في البدلاء
اهم شي لا احد يساوم الهلال زمن الهواية انتهى نحن في عصر الاحتراف

اللي يبيع النادي مانبيه بلعنه الهلال مومتوقف عليه

لا تعليق

الحقيقه ، انا متعجب ومستغرب ، معقولة الفريدي يسويها

؟؟؟؟؟؟؟؟؟؟؟؟؟؟؟

علامة استفهام كبرى

افاااااا يا ذا العلم

لييييييييييييه مع انه انسان مزااااااااااااجي الا انه احيانا ينفع

ويحرك الملعب , هذي حقيقه ما ننساها ,, بس ايش الي صاير في زعيمنا ؟؟!!!

ليه هالحوسه الي نشوفها !! ايش السالفه تكفووووووووون :"(

وعلى فكره ,,, كل اللاعبين الي طلعوا من الهلال انطفوا وماعاد لهم ذكر او مجد مثل ما كانوا مع الهلال

الهلال هو صانع النجوم والمدربين , ولو طلع بسلامته مصيره دكة الأحتياط او الإعتزال

الله يكتب الي فيه الخير لهلالنا

ابيات شعريه وصلتني في البي بي قلت انقلها لكم
موجهه للاعب احمد الفريدي


لا تلوي ذراع الغضب واحتقانه
ولا اتنشف عروق الجماهير بالسوم

اهلالنا ما يرتضي بالمهانه
لو كانوا عياله ولو كانو خصوم

فان كان يا فريدي نويت الخيانه
اذلف وتوكل وانقلع وفارق اليوم

انت بمكان اللي فقدنا مكانه
وماهو حسافه عقب يوسف من نجوم

للشاعر عبدالله الخاتم

اخواني الزعماء السلام عليكم ورحمة الله وبركاتة كلنا عرفنا الان بشكل رسمي غياب الفريدي عن التدريبات يومي الخميس والسبت
انا ضد تصرف اللاعب لانك يالفريدي لاعب محترف وتصرفك غير احترافي ياخي عندك مشكله روح اجلس مع المدرب واشرحها ماحصلت سنع

روح الى مدير الكره اذا ماحلت مشكلتك روح لرئيس النادي
كذلك المدرب الان وصلنا لقناعة ان اللاعبين غير مرتاحين لطريقته اوو اسلوبه

الان احتواء الموقف وقطع الطريق على اصحاب الشوشره واظن الان وصلنا لقناعة ان يجب التضحية بالمدرب لانه اتوقع في المستقبل راح تلووح في الافق اكثر من مشكلة وشكرا ودمتم بخير

إقتباس الرسالة الأصلية كتبت بواسطة teva4ever ياخوي ازعجت امنا انت والفريدي حقك .. حتى توقيعك ع الفريدي يابوي خالد عزيز طرده الهلال ... وفي الاخير طردة الشباب ... وش تبي نبوس رجليه ؟؟ ياسر هو يبي يطلع وصرّح بنفسه رادوي مايبي يجلس هوساوي قال بلسانه يبي يحترف والا بيبقى في الهلال ياحبيبي نظامك ذا مو عندنا هذا عند الاتحاد اللي مستعبدهم نور .. وشوف وش صار فيهم الحين ياعمي روحه بلا رجعه ... الهلال هو اللي طلعه ... وبتشوف انه الفريدي بدون الهلال مصيره الدكه

ياحبيبي الفريدي اساسي بالمنتخب طول المباراة ، ومع الهلال احتياط او يلعب شوط ؟ سلامات ، الهلال مايعرف قيمة النجوم في الوقت الحاضر

أعتقد الصورة أبلغ من الكلام...

المصدر...تويتر فيصل المطرفي..

https://twitter.com/#!/fmatrafi

يا حسسافه الرقم اللي ع ظهره بس !

كيف يبي ينتقل ولا زال عقده ساري مع الهلال ؟؟؟؟؟؟؟
جهل ؟؟
على كيفه ينتقل وعقده مانتهى ؟؟؟؟؟
ولا يبي يرفع سعره ؟؟؟؟
صراحه اذا كذا اتمنى طرده حتى لو مانتهى عقده ..
لايوجد لاعب سعودي يستحق اكثر من 4 مليون ريال ..
وايضا اذا هوساوي يتفلسف علينا ويتعب نفسه ويطلع موئتمر صحفي يقول يا انتقل للخارج او ابقى في الهلال واخرتها يروح للطحالب ؟؟؟؟
عيب عيب كلمة الرجال وحده خلك واضح من البدايه ..

حسبي الله ونعم الوكيل فيك يالفريدي اخذت كل شئ من الهلال !!! ... الشهره والبطولات

اللي كنت تحلممم فيها لكككن قسممما بالله منت كككفو للآسسسف اقولها ارررحل غير مأسوف عليككك .!

الادارة يجب ان تكون صريحة وشفافه قدام الجمهور .. وتتكلم بكل اللي سواه اللاعب !!
خايف الادارة تطلع بيان ضعيف ينفي اللي صار للتقرّب للاعب


أجل طقة برأسي .. خلاص معاد أبيكم شوفوا لي عرض ؟!

اليوم يوم ان الهلال ناقص أجانبه + طرد سلمان الفرج + وضع الفريق الحالي + مقبل على مباراتين مصيريتين .. يقوم الفريدي ويلوي ذراع النادي بهالشكل ؟!
فيه أحد له وجه يدافع عنه بالله ؟!