بسم الله الرحمن الرحيم
مالكم في الطويله بخش في الموضوع دغري
هجومنا سئ جميعهم مستوياتهم سيئه هجوم بطئ ماعندهم قدره على التحكم في الكوره نقطة ضعف في الفريق والادهى والامر عندما يشاركون مهاجمين تشوف الرتم بطئ واثنين واقفين منظر ديكور لايساندون هجمه ولا يعرفون يمررون ولا حتى عندهم ضربات راسيه كضربات راس هزازي تبارك الله عليه صرت احيانا اتمنى العنبر موجود على الاقل ينهي الهجمه براسه لكن هجومنا مدري وش اقول احسن السئيين العربي هو الي تحس مستواه متوسط الباقي اتمنى يطورون مستواهم ولا ماراح يستمرون في النادي الحل يجلسون في الاحتياط كلهم مانبيهم يشاركون الحل في نواف العابد هذا الاعب قلق سريع عنده تسديدات قويه وعنده ضربات راسيه وارتقاء اقوى من هجومنا الي اتحدى اذا كان يقدرون يرتقون زي العابد كلهم وزنهم زايد لنا عبره في ذلك عندما حول مدرب النصر زينقا سعود حمود مهاجم صراحه سوى مشاكل في دفاع الفرق اربشهم بسرعته
اكيد في واحد منكم سال وش تبي توصله انا الي ابي اوصله هذي التشكيله
العتيبي
الزوري -المرشدي - هوساوي - البيشي
القرني
فيلهامسون -الشلهوب -الفريدي - الدوسري
العابد
العابد مهاجم وهمي
اتحدى اذا مدربنا طبقها لانه الماني ماعنده ابتكارات يعتقد ان عندنا مهاجمين زي كلوزه ولا جانكير لكن تخيلوا لو مدربنا قوارديولا تتوقعون بيلعب برتم بطئ وهو الي حول ميسي مهاجم في العمق وتخلص من ابراهيموفتش المهاجم الكبير

و شكرا انتظر ردودكم اصدقائي