السلام عليكم يامعشر الزعماااء
مبروك التعادل البارح
طبعا اقول مبرووك لان الفريق اساسا سيئ سيئ سيئ من بدايه الموسم
والحمدلله التعادل يرضينا على هذا المستوى والاداء
عندي نقطه بس

امس الجماهير وش تحسون فيه وانتم ترمون القاورير والجزم على الحكم
تراها كلها مباره نقاااط خسرنا نقطتين وش صار يعني انهدت الدنيا
ياما خسرنا نقاااط بالظلم وياما ضاعت علينا بطولات
وطلعنا من النهائي بسبب الحكاام يعني موب شي غريب
مدري ليه انتم مقهورين ومستغربين
انتم تدرون ان الكل ضدنا الحرب الموسميه تبدء من هالوقت
وقت حسم البطولات ولا نسيتو كوزمين والنعيمه انطردو في اوقات حسم بطولات
تدورن انهم يدورن الزله على الهلال في اي شي
والله لو قطوه دخلت الملعب وقت مباره الهلال وفريق ثاني اشتغلت الانضباط
وتطلع القرارات السريعه ياجماعه اذا حضرتو المباريات
ارجوووووووووووكم لاتهورون لاتهورون لاتهورون
انا ادري ان مباره الهلال والشعله والشغب الي صار فيها
لا من جماهير الهلال ولا الشعله هذولا جماهير الاتحاد ويبون يشووهون سمعت الهلال
ويبون الانضباط تعاقب الهلال وفعلا حققو مرادهم
فـ انتم لاتخلونهم يمسكون علينا شي تكفووون
اعجبني رد رئيس الهلال امس وربي اعجبني
رد منطقي ومحترف ياليت تمسكون اعصابكم مثله ولا تخلون هالحثاله تدور الزله علينا
حتى هالهراج ماقدر يحصل شي عليه ويقلبها يمين وشمال ومالقى شي على سمو الرئيس
واتمنى من رئيس الهلال ان يعدل مايمكن تعديله قبل نهايه الموسم
كنت اتمنى يا رئيس الهلال في بدايه الموسم ماقلت ان الموسم هذا غير
لاننا ضنينا انه غير للافضل وماتوقعنا انه غير للاسوء
اتمنى التوفيق للهلال

صحيح كلامك .. ربما جزمه واحدة من التي حذفت عليه أنفع منه ..

لكن تذكر :

الأنسان العاقل لا يرضى القهر ,,

إقتباس الرسالة الأصلية كتبت بواسطة الذرفي صحيح كلامك .. ربما جزمه واحدة من التي حذفت عليه أنفع منه .. لكن تذكر : الأنسان العاقل لا يرضى القهر ,,

انا معاك الانسان ينقهر
لكن الرسول اللهم صل عليه نهى عن الغضب او القهر
وبعدين وش الفايده من القهر
يبي يرجع لنا ثلاث نقاط ولا يرجع لنا سلمان الفرج اساسي في مباره الاهلي

شاكره تواجدك اخوي

............
...........

الله يعطيكم الف عافيه
اللهم وفق الزعماء في كل مكان

اول يعطيك العافيه صراح ماني زعلان مره مو مكتوب لنا خلاص التوفيق من عند الله اهم شي عندي رجوع ويلي

ياا ناس الهلال امس لعب بنقص كبير والادراه والمدرب لم يتعللو بذالك
..نامي
..هرماش
..ايمانا
..العربي
..اضافه الى الكوري الي كانه مو في المباره

وعليكم السلام

الرسول صلى الله عليه وسلم نهى عن قهر الرجال


وماأعتقد انك تشوفين اللي البارح مافيه شي يقهر ، الا يقهر ويغبن ويحمد ربه جت على جزم هالجزمه
بعدين الشغب ماوقف على جمهور الهلال غيرهم تكلم بكلام قبيح ورمى جزم ونعول وعلب مياه مااحد عاقبهم وهذا يزيد جمهور الزعيم قهر واحتقان من هاللجان
اذا يبون يضبطون الغضب واحتقان الجماهير عليهم ان يضبطوا اللجان أول شي

إقتباس الرسالة الأصلية كتبت بواسطة ابو سالم عيسى الله يعطيكم الف عافيه اللهم وفق الزعماء في كل مكان

آآآآمين
شاكره تواجدك اخوي

.....
....

إقتباس الرسالة الأصلية كتبت بواسطة mjooode3 اول يعطيك العافيه صراح ماني زعلان مره مو مكتوب لنا خلاص التوفيق من عند الله اهم شي عندي رجوع ويلي

هذا اهم شي ويلي يرجع
اساسا ويلي ليه الاداره تفرط فيه
صرنا شوارع قدام الي يسوى والي مايسوى
يعافيك ربي اخوي شاكره لك تواجدك

إقتباس الرسالة الأصلية كتبت بواسطة ال مستور ياا ناس الهلال امس لعب بنقص كبير والادراه والمدرب لم يتعللو بذالك ..نامي ..هرماش ..ايمانا ..العربي ..اضافه الى الكوري الي كانه مو في المباره

الله اكبر عاد من زين لعب الي ذكرتهم
وربي وجودهم زي عدمه ماعدا نامي احيانا يكون مقنع

عموما
شاكره لك تواجدك اخوي

لأن انفجرت اعصاب جماهير الزعيم على الجهاز الفني و الاداري
والاعبين اهاكذا يلعب نادي القرن او العقد او الملكي
هم الصاحين يا ليت كل مباراة كذا مو عشاني اكره الزعيم
بل عشاني اريد ان تتصحح اوضاع الفريق
والله يعافيكي على الجهود التي بدلتيها
وشكرا

إقتباس الرسالة الأصلية كتبت بواسطة بعيوني أضمك وعليكم السلام الرسول صلى الله عليه وسلم نهى عن قهر الرجال وماأعتقد انك تشوفين اللي البارح مافيه شي يقهر ، الا يقهر ويغبن ويحمد ربه جت على جزم هالجزمه بعدين الشغب ماوقف على جمهور الهلال غيرهم تكلم بكلام قبيح ورمى جزم ونعول وعلب مياه مااحد عاقبهم وهذا يزيد جمهور الزعيم قهر واحتقان من هاللجان اذا يبون يضبطون الغضب واحتقان الجماهير عليهم ان يضبطوا اللجان أول شي

احنا عارفين ان لجنه الخيااس ماتقوم الا على الهلال
وماتاخذ زكاتها وصدقاتها الا من الهلال
كل مااحتاجو صارو يطروون ويطلعون عقوبات على الهلال مالها داعي
فـ ليه نحقق لهم مرادهم ونخليهم يعاقبون وياخذون منا 90 الف
عشان علبه مويه بريال موب حراام
وبعدين تقولي قهر الرجال
يعني رئيس النادي ماينقهر
هذاه يدفع الملاييين وساكت
والله هو الي ينقهر اكثر منا
من اللاعبين والمدرب الي خيبوو ظنه
ومن اللجنه اللي كل يوم معطينه عقووبه
الله يكون بعونه بس

اشكرك اخوي على تعليقك وتواجدك