14/01/2012, 08:31 PM
|
 | زعيــم فعــال | | تاريخ التسجيل: 26/05/2007 المكان: الرياض
مشاركات: 473
| |
رسائل متواضعه
السلام عليكم ورحمة الله وبركاته مساءالخير ,, صباح الخير حدخل في الموضوع على طول , كلنا نعرف انو هلالنا و زعيمهم  يمر بأزمه حاليا وناس كثير فرحانه بالهزه المؤقته { بإذن الله } , وناس أكثر حزينه , بس لازم نعرف كلنا كجماهير واعيه وفاهمه انو هذا حال عالم المستديره , مافي شي يستمر على حاله فيه هبوط و فيه ارتفاع , وهذا حال الفرق الكبيره مثل هلالنا وزعيمهم , وحصلت مع فرق عالميه اوربيه وغيرها , بس ما نيئس ولا نتخبط في احكامنا ولا نفتح ابواب للتجريح والإهانات لأي جهه لأن مو وقته احنا في مفترق طرق وفي عز الموسم ما نقدر نجيب مدرب او غيره , ودول ياناس خلانا في الوصافه يعني مش بطال يمشي الحال لحد ما ينتهي الموسم , حاليا لازم نفكر في الجاي , الي راح خلاص نطويه وما نعطيه اهميه لأنه حيوترنا على الفاضي في وقت احنا محتاجين نكون اكثر تركيز على فريقنا وعلى وضعه وعلى لاعبيه القادمين والمغادرين رساله للاعبين المغادرين :  كفيتوا و وفيتوا ما راح ننساكم لأن كل واحد فيكم كان له بصمة في الهلال اتمنى ما تخربونها في ايامكم الأخيره مع الزعيم >> وحده عصبت تكسلون وتتهاونون وما تبالون بالمباريات الي باقيه لكم مع الزعيم وتقولون في نفسكم خلاص ما عاد يهمنا ,,, نستنى بس ننتقل للفرق الجديده وماله داعي تجينا إصابه وأحنا طالعين الي راحوا بسلامتهم الله معاهم بس بعضهم كان فيهم عيب طنشوا مبارياتهم الأخيره وما اهتموا وبصراحه ما نحب نتذكر ايامهم , اما انتو الي حتطلعون هالفتره اتمنى منكم كهلاليه محبه لكم وللكيان انكم تطلعوا بصوره مشرفه لنا كجمهور ولشعار الفريق ولإدارة الفريق الي ماقصرت معاكم بأي شي نبغى نشوف احلى مباريات لكم قبل ما تغادرون الزعيم علشان نذكركم بالخير , لا تنسون الجمهور وكيف كانت وقفاته معاكم وحبه لكم حتى لو في يوم احد غلط عليكم فهذا من عشمه فيكم وهذي ضريبة الزعامه والي ينتمون لها أما رسالتي للاعبين القادمين : يااااااهلا وسهلا , اسفرت وأنورت , حياكم الله في بيتكم الثاني هلا وسهلا بالمروحه السويديه , بالأشقر , ويلي  هذا الي اعرف انو رسميا خلاص معانا ورسالتي للإداره : لا تزعل يا شبيه الريح , لا تزعل يا نواف بن سعد , لا تزعلون يا أعضاء الشرف , احنا معاكم ومع هلالنا وزعيمهم في الحلوه والمره والزعيم يمرض ,,,,,, لكن ما يموت وحيرجع بحول الله وقوته احسن من اول ولكل جواد كبوه . رسالتي للاعبين الموجودين الي ما يستغنون عن الزعيم ولا هو يستغني عنهم طالما انهم محبين للكيان , وللاعبين الي حيرجعون ان شاءالله مثل ياسر القناص شدوا حيلكم وأعذرونا لو قسينا عليكم احيانا بس هذا من حبنا لكم وللفريق الي شعاره على الجهه اليسار يعني جهة القلب  , قدروا تعب الإداره , حرقة أعصابهم وأعصابنا وان شاءالله انكم كفو وقدها . اللهم وفق الزعيم فوق كل ارض ,,, وتحت كل سماء |
الوضع العادي
