|
يكذب من يقول ان السفر للتعرف على الثقافة والحضارات خصوصا الى دبي والمنامة وخصوصا شريحة الشباب أتمنى من المسؤولين منع الشباب من السفر دون زوجاتهم وردي على من سخر وتهكم هو: درء المفسدة خير من جلب المنفعة حصنوا انفسكم بعدين فكروا في السفر |
^ انت الحين اتهمتني اني انا كذآب ارجع واقول يجب عدم التعميم ، الحين انا شآب ابي اسافر لدبي و انت الحين بكلامك هذا اتهمت كل الشباب بأنهم رآيحين هنآك للفسق و الدشره ، و كلن ادرى بنفسه و اذا هي على الفسقه و الفجور و غيرها عندك هنا في السعودية تلقآ العن من هنآك صدقني العن ب١٠٠ مره من الي في دبي او المنآمة او غيرها لكن كلن مقتنع ان دولته احسن من غيرها |
اللي يبا أو ناوي يخترب بيخترب في بيته حتى لو ما كان حوله احد أنا اماراتيه و عايشة في العين و بين فترة و اثانية اروح دبي دبي على الرغم من انفتاحها و على كثرة أجانبها بالمقابل دبي تييب و تستضيف أشهر مشايخ الدين و خاصة من المملكة العربية السعوديه إذا هي سالفة أخلاق فأكيد الاخلاق تغرسة الاسرة في البيت إذا الولد او البنت علموه ووجهوه في البيت شو الصح و شو الخطأ مستحيل يطلع برى و ما يميز بين الصح و الخطأ .. بخصوص تطور أبوظبي .. خطة بوظبي 2030 تطور بطراز اسلامي انا بنزل ملف كامل عن تطور بوظبي .. الحمدلله انفتاح دبي و ابوظبي و الشارقة لا يعني ترك الإماراتيين دينهم و عاداتهم و تقاليدهم أنا انصح كل سعودي يزور دبي بعد دبي يزور العين و بتعرف ليش قلت لك زور العين .. (( التطور عندنا في الدرجة الأولى معناها حياة كريمة و عيش رغيد للمواطنين)) انا احترم كل شخص و رأيه في هالموضوع و خاصة صاحب الموضوع بس الرمسه اللي يقولون منعو السفر لدبي مب للدرجة هاذي يا أخويه الفسق و الفساد موجود في كل مكان حتى و انت في بيتك .. !! و السموحه منكم الحديث مطول و انا ماعندي وقت و رايه امتحانات فاينل هههههه :d لي عوده في اقرب فرصه |
إقتباس:
ومايبقى بالعالم الا البنات..درء للمفاسد وسد للذرائع. لاتخليك وصي علي الناس دع الخلق للخالق |
انا احترم دبي لبنيتها التحتية فقط .. لان مو معقول مدينة في خلال 20 سنة تحولت تحول جذري من صحراء الى مدينة سكانية كبيرة ومتطورة .. لكن اللي يحز في خاطري انتشار الخمور والبارات والملاهي وبنات الاجانب ولبسهم الفاضح .. |
بخصوص اللي يقول ان الشباب اللي يبي يسافر ماراح يكون هدفه الاستمتاع بالسفر، اللي يبغى الخراب بيحصله هنا ياحبيبي مايحتاج يسافر ويتعب نفسه الخراب والدشارة موجوده بكل مكان ، لكن المشكلة بالتعميم .. امنيتي اسكن بدبي ولا اي مدينة بالامارات :laugh: |
انا احترم كل شخص و رأيه في هالموضوع و خاصة صاحب الموضوع انا اكرر ان كل واحد يعتقد ان وجهة نظره صح وفي الختام اشكر كل من تواجد هنا |
يالربع وش فيها جيزان وعرعر وربي تهبل |
وجهة نظر وبصدق لو فيه اهتمام بتكون رائعة اشكرك |
إقتباس:
|
شكرا لتواجدك..................... |
في البدايه .. اشكرك على الموضوع اللي يخص الامارات قبل دبي .. :rose: ثاني شي .. مثل ما قالو اخوانك السعوديين .. انك اتشوف الجانب السلبي لدبي .. وانا اهني احترم اللي قلته عن دبي .. من كاسيات وعاريااات وغيره وغيره .. :yes: بس أبقولك شي واحد .. اذا جيه الموضوع .. لا تسافر أي دولة ثانية .. وخاصه ان كانت أوروبيه.. لانه الكاسيات والعاريات .. هناك اتحصلهم ابيزه .. وعيب عيالك يشوفونهم .. لازم اتخليهم بس بحدود السعوديه .. وما يتعدونها .. :yes: و بالنسبه لعيالكم .. علموهم انه العاريات هم أجانب .. وهذا لبسهم .. سواء في الامارات أو في الخارج .. :yes: لكن اهني ماخذين حريتهم .. ومحد يقدر يتكلم عن حرية حد .. ورغم كل شي .. أكثر دولة خليجية متمسكه بعاداتها وتقاليدها هم أهل الامارات .. وهالشي واضح للاعيان .. وما يحتاج اقوله .. والحمدلله انه اللي صاير في دبي .. مب من اهل الامارات .. تذكر هالشي .. ومثل ما قالت العضوة امبراطورة الامارات .. دبي كثر الفسق اللي ع قولتك فيها .. فيها المحاضرات الدينيه في كل المساجد بعد صلاة المغرب .. ايبون فيها أشهر العلماء المسلمين .. والبرامج اللي تبث في القنوات .. مثل العريفي والمغامسي ووووو ويمكن هالشي نفتقده في الامارات الثانيه اذا تعرفون هالشي وله لا :yes: لكن اللي يدور الشي اللي يباه .. بيلقاه حتى في بلاده .. وبيلقاه بدون ما يتعب نفسه .. اسأل بس وبيدلونك ع المان اللي تباه .. واذا دبي مسويه بالعلن .. في دول اتسوي بالخش والدس .. (( بمفهوم من تحت لتحت )) او (( ما خفي كان أعظم )) .. همسه : حبي للسعودية وربي مثل حبي للامارات :smilie47:.. فمهما اتحاولون تنزعونه ما تقدرون :s3s::naughty: موضوعك .. ما سوا شي فيني بس حرق دمي .. :alzaeem: |
بس أبقولك شي واحد .. اذا جيه الموضوع .. لا تسافر أي دولة ثانية .. وخاصه ان كانت أوروبيه.. لانه الكاسيات والعاريات .. هناك اتحصلهم ابيزه .. وعيب عيالك يشوفونهم .. لازم اتخليهم بس بحدود السعوديه .. وما يتعدونها .. بالعكس مرتاح ولا احتاج اخرج و بالنسبه لعيالكم .. علموهم انه العاريات هم أجانب .. وهذا لبسهم .. سواء في الامارات أو في الخارج .. :yes: لكن اهني ماخذين حريتهم .. شيء اكيد نسبة الاجانب 80 في المائة لكن اهني ماخذين حريتهم .. ومحد يقدر يتكلم عن حرية حد .. معليش الامارات دولة لها دستور يجب تطبيقه وعلى فكرة فرنسا تعاقب المحجبات ام اهل الامارات فنعم لكن اللي ما يحترم دستور الدوله ومنهجها حدود الامارات تفوت طائرات ولا تأخذ الموضوع بتعصب وانما منطق ليش ما دبي مثل الشارقة قلي ليش |
طول عمري تشربت معلومات وقناعات ان دبي مدينه غير ملتزمه بالدين وتشجع وتحث على الدمار والفساد والكاسيات العاريات ,, وان الكويت بلد الالتزام لان الخمر فيها ممنووع ؟؟!! ولكن اذا في دبي كاسيات عاريات فـ في بلادنا سرقة اموال شعب وميزانية مشاريع اذا في دبي خمر ومراقص فـ في بلادنا ناس تاكل بملعقه من ذهب وناس مو لاقيه لقمة عيش اذا في دبي الاجانب اكثر من المواطنين فـ في بلادنا المواطنين غير مرتاحين من كثرتهم ! احنا ماعندنا كاسيات عاريات ولا خمر ولا شي من هذا كله ولكن بالمقابل وين موقعنا الحين بين دول العالم المتقدم ؟؟ الحقيقه اللي محد يبي يصدقها ولا يقتنع فيها ان دبي عدتنا بمراحل كثيره كثيره وتميزت عنه .. يكفي ان عندهم لو المشروع كلف مليار ياخذونه ويصرفونه كلللللله على هالمشروع فقط :) حـقـيـقـه ... اكثر بنات محافظين على عاداتهم وتقال ولبسهم التقلديدي بالخليج هم الاماراتيات سواء خارج بلدهم او داخلها غيرهم تخلى عن اللبس التقليدي داخل بلده وغيرهم تخلى عنه اول ماتقلع الطياره ! الله يبارك لهم في تنميتهم ويزيدهم من خيره شكرا عالموضوع :rose: |
بل الشكر لك وبالفعل الفساد بكل انواعه مرفووووووووووووووض |
| الوقت المعتمد في المنتدى بتوقيت جرينتش +3.
الوقت الان » 07:36 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd