|
تضحكون على جمهور النصر وصرتوا زيهم (شماعة التحكيم) أول مرة أكتب.. بسم الله الرحمن الرحيم يقول نبينا صلى الله عليه وسلم(كل المسلم على المسلم حرام دمه وماله وعرضه ) او كمال قال صلى الله عليه وسلم. أخواني الزعماء الاعزاء كنتم مضرب المثل بالاخلاق والهدوء والتشجيع الحضاري وفريقكم كان فريقاً لايقهر ولا يؤثر عليه خطأ تحكيمي بل يتجاوز الاخطاء ويفوز بقوة وإصرار لاعبيه وحماسهم.. إخواني كنتم تقولون لجماهير الاندية الاخرى لا تعلقون أخفاق لاعبيكم على الحكام وفريقكم فاشل ..أليس هذا ما كنتم تقولونه.. وما حصل البارحة لا يبشر بخير لا من اللاعبين ولا الجمهور ولا حتى رئيس النادي مع أحترامي وتقديري للجميع.. فاللاعبين كانوا أشباه لاعبين ولم يقدموا ما يشفع لهم ويغطي على أخطاء التحكيم.. أما الجمهور فأني استغرب ما حصل منهم وهم الذين كانوا ينتقدون الجماهير التي ترمي المياه والاحذية أعزكم الله ويصفونهم بأنهم جمهور متخلف وجمهور فشلنا عند الدول الأخرى فما موقفكم الآن مما حصل البارحة وخصوصأ التهجم على منزل الحكم... أما حبيبنا وفخرنا وبطولتنا الغالية سمو الامير عبدالرحمن بن مساعد شبيه الريح فقد استغربت منه ما حصل البارحة وهو من يدعوا إلى تهدئة الشارع الرياضي ومقت التعصب وأحتقان الشارع الرياضي فبدل من أن يشن هجومه على أشباه اللاعبين الذين يأخذون الملايين ولا يقدمون ما يسر الجماهير فكل المباريات الماضية كان الفوز بالحظ وبالبركة سوى مباراة أو أثنتين.. وفي الختام يظل الحكم مطرف القحطاني بشر والبشر ليس معصوم عن الخطأ ولا يبرر ما حصل من أخطاء أن نسيئ له بأي شكل من الأشكال. وسامحوني على الإطالة وإن أصبت فمن الله وإن اخطات فمن نفسي والشيطان.. والسلام عليكم ورحمة الله وبركاته |
اي والله انك صادق 90 دقيقة وين الهلال فيها عشان بلنتي واحد واخطاء صغيرة الهلال مايستاهل الفوز خلونا صادقين مع انفسنا قبل غيرنا امس الهلال فاشل واخاف نصير مثل النصر كل اخفاق نقول الحكم الحكم معرض للخطاء |
اول مره تكتب وليتك ما كتبت بالنسبه للظلم اللي تعرض له الهلال كان واضح للجميع مو اوهام نصراويه |
ياليت قومي يسمعون :) متشكر |
ولو يالغالي .. مو معناته مادمنا مستوى ماينفع نفوز .. جاتنا هجمات ضاعت .. وبلنتي مفروض ومية بالمية .. وآعلم اخي الكريم حتى لو فزنا ماحنا براضين .. مانبي ننزف النقاط وهذ الامر اللي ماحد يبيه يقعدون بدون مستوى بس فيه نقاط .. مانبي نخسر الثنتين |
ياليتك ماكتبت خطاء يطير عليك الصدارة وبوقت حساس نقول علية خطاء عادي ومن حكم فقراوي متعصب مايطلع من مبارياات الفقر اللي يحكمها الا بزفة من الجمهور الفقراوي وتبينا ناخذها بحسن نية |
حتى لو ما قدمنا مستوى بس الحق حق .. حكم فاشل .. |
صدقت الكوره اخطا وسوء تقدير الفريق مايقدم مستوى الفوز يجي بشق الانفس الفريق سئ مره والتحكيم ماله علاقه واذا كل مباراه مانقدم شي ونطلع نتكلم في التحكيم مشكله |
طيب انت شفت احد من الجمهور الهلالي قال ان الهلال كان الافضل بالمباراة , الهلال كان سئ فنياً خصوصاً الشوط الاول لكن الشوط الثاني كان الهلال افضل نوعاً ماء من الشوط الاول بس سببب االتعاادل اولاً الحكم ثم مستوى الهلال وراجاءً لاتشبه جمهور الهلال بالنصر الا اذا انت تقبل انك تشبه نفسك بجمهور النصر فهذا شيء رااجع لك والفرق بين جمهور الهلال والنصر ان الهلال يحمل الحكم جزء من الخسارة او التعادل لكن جمهور النصر يحمل الحكام انهم سبب ابتعاد النصر عن البطولات وسبب ايتعادهم ان الفووز وان الحكام فقط هم السبب الوحيد في ابتعاد النصر عن البطولات والالقاب |
عزيزي ضربتين بالراس توجع قبل كم يوم عوقب الهلال بخمسين الف وتجاهلوا الاتحاد اليوم ضربه جزاء وطرد بالاضافه التعاون يضيع وقت بشكل مو طبيعي كل... كل الاحداث باقل من اسبوع ’، للافاده ابن مساعد مدح التحكيم السعودي واتحداك تثبت غير الشي :P الا اذا انك بتدخل بالنوايا فهذا شي ثاني ... ’، عزيزي تعتقد سكوتنا بيجيب نتيجه ؟ اخيراً الهلال مو جداره قصير كلن ياخذ راحته ... |
اكيد رمي الاخطاء على التحكيم لتغطية اخطائهم يعطيك العافيه:rose: |
جمهور النصر عـلـتـه واضحة وضجيجه على التحكيم من زمااااان ومسكوت عنه وبرعاية ملكية أميـريـة أما نحن فسكتنا كثير احتراماً لأنفسنا وعدم تعليقنا على شماعات غيرنا ولجنة الإنضباط كانت تنتقي بالعقوبات وكأنها تستفز الجمهور الهلالي يعني تعاقبني وغيري يخطأ مثلي ولا يعاقب !! أنا ضايق من تصرف الجمهور البارحــة ..... لكن أرى أنه صار يستخدم الجمهور كوسيلة ضغط على الإدارة والفريق تبقى المشكلة فنية ولا يجب إخراجها عن حجمها الحقيقي ووضع المسؤولية على الكـل جماهير وإدارة ولاعبين أخطأ الحكم أو تعمد فالنتيجة واحـدة والأمير سكت عن التحكيم ..... غيرنا صرح كثير ومع ذلك تمشي والآن تحاولون تصفون الأمير عبدالرحمن بن مساعد بأنه يهرب ويعلق شماعة التحكيم ذكرتني بمقالات الصحفيين عندما قالوا الأمير يتجرأون على الهلال لابد أن ينتبه الجمهور أن لا يجر لإحداث مشاكـل كبيرة تضر النادي والفريــق |
كلامك عين الصوااااااااب اتمنى تفكروا في مباراة الاهلي |
والله ان الهلال ما ينلام وين يلاقيها منه انت شايف قرارات العقوبة من الجان كل شوي عقوبة وكأن ما عندهم الا الهلال .... وبعدين اللي يصير في الجااان فضايح اغلب اداراتنا الحكومية كلها لعب في لعب صدقني لو ان النظام اللي يتطبق النظام الرياضي اللي محطوط بالورق عندهم ما زعل احد من الناااس بس هذاولا يطبقون نظاام اللي على هواهم .... بعدين اذا ما سئل الهلال عن حق ضربة جزاء ( وهي بوجهة نظري حق صغير) راح يضيع على الهلال حقوقه الكبيره |
اتمنى تفكروووووووووا في مبارااااااااااة الاهلي القادمة نبي مأزرتكم للفرررررررريق .... |
| الوقت المعتمد في المنتدى بتوقيت جرينتش +3.
الوقت الان » 07:27 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd