اول شي نقول هاردلك للامه الزرقاء تعادل غير مرضي سوا مع التعاون او اي فريق بالدوري

مباراة الاهلي وهي منعطف هام بالدوري اذا انتصر الهلال اجزم ان الدوري هلالالالالالي وانا متفاءل في هاذي المباراه

اذا لعبنا بهالتشكيله

العتيبي

الزوري فواز فلاته اسامه هوساوي سلطان البيشي

القرني
الفريدي

ويلي الدوسري

الشلهوب

سعد الحارثي

علمااا بأن ويلي قادم يوم 14 يناير اي يومين من الان

الهلال ماتصلح له الا هالتشكيله مع تقدم الاطراف ويلي + الدوسري راح نحرم اطراف الاهلي التقدم لاعبين مهاريين وسرعين والفريدي يجيد قطع الكوره من المنافس بدون خطا وشلهوب يهتم بتزويع الكور للاطراف وكما نعرف دقة الضرب برأس للكبتن سعد الحارثي اما بنسبيه
للدفاع خبرة الزوري في المباريات المهمه + فواز فلاته لان المرشدي ثقيل انواع الارتباك سوء التغطيه + اسامه هوساوي ركن اساسي بالدفاع + سلطان الكل شاف وش قدم في مباراة التعاون ومبارايات غيرها اثبت نفسه وبقوه بعد اصابة نامي

في الاخير هاذي التشكيله اجزم راح نحقق الدوري فيها وللمعلوميه اجنبي واحد فيها فقط الي هو ويلي
الهلال يملك لاعبين محليين على مستوى عالي لاكن يريد اجنبيين على مستوى اعلى مثل العام الماضي

وفي الاخير سلام مني لكم على أمل القى بكم

تعجبني .. روحك المعنويه العاليه


بس

الوضع مايبشر بخير ..

تشكيلة حلوة
بس خذ ببالك سعد وفواز توهم مستجدين
وصعب تبدا فيهم بمباراة مهمة زي هذي خصوصا فواز

انت يا الي فوقي ليه كذا متشائم .,.,.لا حض ان الهلال ما لعب بمحترفيه .,.,.,.,.,.وتعاون كان قوي فل مباراه .,.,.,.,.,.؟؟؟؟؟؟؟؟

فا يعني تفائل وخل الباقي عل ربك

ياخي انت شف اداء الاهلي
وشوف ادائنا حالياً
خلينا نكون واقعيين
الشي الوحيد الي ممكن يفوزنا وهي : الروح, الروح, الروح

إقتباس الرسالة الأصلية كتبت بواسطة عبداللهــ تعجبني .. روحك المعنويه العاليه بس الوضع مايبشر بخير ..

+100000

الله يوفق الهلااال

الناقد الصريح كتب موضوع قال فيه احلق شنبي اذا الهلال اخذ الدوري

وانا اقولك احلق حواجبي اذا الهلال اخذ الدوري

الوضع وانا اخوك ما يبشر بالخير هي مو مسئلة مباراة التعاون لا المسئلة تدور حول الاتحاد

السعودي الي يبغى فريق جديد بطل للدوري بمعنى انهم ملو من الهلال كوش على البطولات

وهالشي ما يبغونه وما العقوبات الي تصدر بحق الهلال بشكل متتالي ومستوى التحكيم اكبر

دليل انا ما اتمنى ان نوصل لمستوى جماهير الجار ولاكن هذا الي قاعد يصير من ابطال الاتحاد

السعودي ولجانها

الفريدي والدوسري عليهم مراجعة حساباتهم مستواهم نازل والدوسري تمريراته اغلبها غلط

افضل تشكيلة بعد جلب مدافع اجنبي في الحراسة خالد شراحيلي و في الدفاع شافي و ساشا و هوساوي و البيشي في الوسط محمد القرني و عزوز و شلهوب و نواف و ولي في الهجزم عيسى او سعد

افضضضضضل تشكيله هي : انه النكبه العتيبي مايحررررررررررس
يآ جماعه متى بتقتنعون انه هالحارس دجه ماعنده سآآآآآآآلفه

عندكم شراحيلي , قسم بالله مستواه يفوق مستوى العتيبي بألف مره
العتيبي مزآجي ’ مرآت يجيك مااحد قده ومرات يجي قسم بالله ولا حارس عماره
ياجماعه خلنا نكون واقعيين ونقول شراحيلي لازم يلعب اساسي بكل المباريات

بالنسبه لي اتمنى ان المحياني يكون ع الدكه لأنه دايم الشوط الثاني يكون متحمس ومستواه احسن
الفريدي بعد اذا كان احتياط بعد ماينزل يكون مستواه حلو
بس المشكله ماعندك احد تلعبه مكانه إلا اذا رجعت الشلهوب ورا ودخلت العابد
فواز فلاته : للحين مااخذ الثقه ف ماااحد يقدر يعتمد عليه بمباراه مفصليه مثل هاذي

اذا فزنا على الاهلي , يصير نجي ونتكلم ونقول الدوري هلالي
شكرا اخوي

إقتباس الرسالة الأصلية كتبت بواسطة A S Z 4444

++++++++++++++1
انت من اقنعني

والكوري وينه من تشكيلتك ؟

ياناس قسم بالله الكوري هداف بالكور الرأسيه وبسسس

يعني يبيله ناس ترفع له كور صح

وإن شاء الله محد راح يفهمه الا ويلي وبس

ههههههههههههههههههههههههههه اقول لاتحلم زياده وانا اخوك الهلاااااااااال خسراااااااااان بالخمسه وخذها مني