نادي الهلال السعودي - شبكة الزعيم - الموقع الرسمي - تبون تعرفون منهو دول؟؟ هاتوا لي كابتن

- منتدى الجمهور الهلالي (http://vb.alhilal.com/forumdisplay.php?f=28)

- - تبون تعرفون منهو دول؟؟ هاتوا لي كابتن (http://vb.alhilal.com/showthread.php?t=1071648)

تبون تعرفون منهو دول؟؟ هاتوا لي كابتن

السلام عليكم ورحمه الله وبركاته

اخواني من النادر جدا كتابه موضوع لي بس هالمره تحملوني>>> تصبروا خلوني انفض الغبار عن الكيبورد :$

بقولك نقاط عن مقارنه دول وقيرتس بس

حكمنا على فشل دول مقارنه بهلال قيرتس رغم انه فرق كبير بين عناصر هلال قيرتس بهلال دول وخاصه بعناصر اللاعبين وبذكر لكم اللاعبين اللي طلعوا وبس الاساسسين بوقت دول ( الدعيع - الكوري لي يونق - رادوي - ويلهامسون - تياقو نيفيز - ياسر القحطاني) = 6 لاعبين اساسيين يعني باقي 5 لاعبين
يعني اكثر من النص مو موجودين ومتغيرين وكانوا هم الدعامة الاساسية بقوة الفريق والحين نجي ونقارن بين اللي راحوا واللي بدالهم

وهذي من وجه نظري كل اللي راحوا احسن من الموجودين وخاصه بالحماس والجديه ما عدا يوسف العربي هو الوحيد اللي يلعب بجديه ضد الفرق الكبيرة والصغيره اما الباقين فكلهم يلعبون بمزاجهم وضد الفرق الصغيره يلعبون تأديه واجب

وودي اقولكم واذكركم برادوي شلون يلعب قدام الفرق الصغيره وحماسه وقدامه ويلهامسون وحماسه والكوري اللي تحس عمره 20 من حماسه وهذولا اللي افتقدناهم مو قيرتس ولا تظلمون دول بمزاجيه اللاعبين اللي بكل صراحه اقولها شايفين انفسهم ولا يلعبون لين يسجل فيهم هدف واخر المباراه اذا حسوا ان المباراه بتروح من ايديهم وبذكركم تصريح ماجد المرشدي في المباراه اللي قبل هذا ويقول ان زملاه اللاعبين لا يطبقون كلام المدرب..... وسامي الشديد نص المباريات اللي راحت خلى المدرب وراح لاوروبا وظل المدرب الحاله يقاتل ويطالب اللاعبين بالجديه..... وبذكركم تصريح الرئيس وسامي اول ما جلسوا مع المدرب وطلعوا بتصريح قوي يقولون ذكرنا بقيرتس وقالوا هذا قيرتس الجديد

باختصار اقولها لكم المدرب لا يتحمل شي ولا تقارنونه بالمدرب قيرتس اللي كان معاه سامي طول الموسم بدون انقطاع ابد وكلنا نعرف ( وجود سامي = وجود الادارة ) والفريق محتااااااج كابتن داخل الملعب يشد من عزم اللاعبين ويحمسهم من اول دقيقه لأخر دقيقه من المباراه

مع وجود كابتن حازم وقوي داخل الملعب سينجح المدرب (قيرتس الجديد) بهؤلاء اللاعبين السته الجديدين بالتشكيلة الاساسية :)

تبون تعرفون منهو دول ؟؟ يقول الرئيس ويقول سامي انه قيرتس ثاني بس هاتوا له هلال اول او هاتوا له كابتن يوقف فوق روس مزاجيه وغطرسه لاعبين الهلال الحاليين

* مو مرتب بس قبل النوم شي بالخاطر :mad::ranting:<< راعي حركات انا

أتفق معك ان الاجانب اللي راحوا احسن من هذولا بس معليش دول ليش بمستوى جريتس لا قراءة ولا تكتيك

مشكور عالموضوعالرائع لكن غطرسه انا ما اشوف انه في لاعب متغطرس الا ايمانا وافتكينا منه الحمدلله

إقتباس:

الرسالة الأصلية كتبت بواسطة azzoooz_1988 (مشاركة 19467597)

أتفق معك ان الاجانب اللي راحوا احسن من هذولا بس معليش دول ليش بمستوى جريتس لا قراءة ولا تكتيك

اخوووي انا ما قلت انه بمستوى قيرتس.... سامي والرئيس قالوا كذا انا اقولك ما جلست معاه ولا عرفت تكتيكه بس اللي اعرفه ان تكتيكه ما يلعبون فيه اللاعبين وهذا من كلام ماجد المرشدي ويسند كلام ماجد المرشدي ان الفريق ييطلع بصوره حلوه قدام الفرق الكبيره وينام قدام الفرق الصغيره ويطلع اخر الوقت قدام الفرق الصغيره هذي تدل على صدق كلام المرشدي وان احتمال تهاون لاعبين اقرب تفسير لهذا الكلام واليوم المدرب يقول بالمؤتمر الصحفي ان لاعبينه ما يقاتلون يعني يلعبون على الواقف ويبون الفوز يجي وهم على الواقف... وعن رأيي بدول انا اجد انه ما لقى لاعبين جديين حتى الان الا قدام الفرق الكبيرة وبس .
.
.
.
.
واخوي اللي يقول ما فيه غطرسه الا من ايمانا اقول له انا اسف مو غطرسه بل مطرسه اقرب لتوضيح فكرتي وشكرا لكم

عواااااااااااااااااااااافي اخوي
على الطرح ولكن قرتس ليس له مثييييييل

إقتباس:

الرسالة الأصلية كتبت بواسطة ملكه بعشق الهلال (مشاركة 19467632)

عواااااااااااااااااااااافي اخوي
على الطرح ولكن قرتس ليس له مثييييييل

والفريق اللي كان يملكه قيرتس ما له مثيل

والادارة هي من قالت انه مثيل قيرتس انا بس للتذكير :) وشكرا

انا معك ومع كيبوردك المغبر :) بكل حرف نطقت به

وياليت كل هلالي كيبورده مغبر .. لو كان بيخرج منه هالحروف ..

سلمت يداك .. وفكرك الراقي

اشكرك اخوي

قريتس صنع فريق خورافي ماننكرر
بس صراحه مدربنا حالي توماس دول حظه سيء
1- اصابات 2-غياب لاعبين للمشاركه مع منتخباتهم 3-توقف الدوري عشان منتخب 4-غياب اكثر من لاعب كان له ثقله بالفريق
لكن اكبر مشاكل دول هي انه مايثبت على تشكيله

إقتباس:

الرسالة الأصلية كتبت بواسطة HiLaLy 4 EvA (مشاركة 19467655)

بعذره ما يثبت على تشكيله........ اسبابك الاربعه كلهم او نصفهم او واحد فيهم كفيل انه يخربط اي تشكيله والمقصود من كلامي مو عذر لدول بكثر ما يكون احقاق حق فلا تظلموه واعتقد نهايه الموسم هو الحل المناسب وتقييم بشكل عادل

قيرتس جديد ههههههههههههههههههههههههههههههههههههههههههههههههههههه ياخي انت نكته

إقتباس:

الرسالة الأصلية كتبت بواسطة بدر خالد الشريف (مشاركة 19467742)

قيرتس جديد ههههههههههههههههههههههههههههههههههههههههههههههههههههه ياخي انت نكته

وضح لي بطئ استيعابك ومثلك عارف الناس تختلف ناس تقرا وتفهم وناس بقرا ولا تفهر اسف قصدي تقرا ولا تفهم....... ومن هذا المنطق برد عليك شكرا

معليش اخوي شفتنا كوزمن وش سوا بالهلال
وشفنا قيرتس وش سوا بالهلال
وشفنا كالديرون وش سوا بالهلال

دول علمني وش سوا ؟ خلى الانديـه الي مالها حس اول تنفش ريشها
كنت احضر المباراه وانا عارف اني فايز بس احضر للمتعه الهلال

ولاكن الحين !!!!!!!
عساك تطلع متعادل التعاون , الاتفاق , الشباب !!!!!!

إقتباس:

الرسالة الأصلية كتبت بواسطة FaisalfO (مشاركة 19467898)

اول شي اتمنى انك ما تكون فهمتني اني ادافع عن دول بساقولكم المقارنه غلط
وعن وش سوا بالهلال اقولك العناصر بالهلال الحين بعد مهيب ذيك الزود مع احترامي لهم وفوق هذا كله مستهترين واذا عنصارك مهيب ذيك الزود وفوقه استهتار فاكيد بتتعادل مع التعاول والاتفاق والشباب....... وهلال كوزمن كان الهلال صحيح يفوز بس بهدف وقفل دفاع وهلال قيرتس ممتاز وكانت فيه عناصر تساعده وهلال كاليدرون ما فيه اصلا هلال لكالدرون لأن خطته خطه القديمين واحد هناك بالهجوم وارفعوا له والمهاجم من نمونه احمد علي اللي قشر له كورة وبالراس ولا له بصمه بالفريق ابد كالدرون.... ودول ترى لعب الدوري وانتصف الدوري وهو ما درب لاعب واحد لمده اسبوع او اسبوعين كامله يدربه بعدين يروح اللاعب يا الومبي او منتخب اول طبعا غير اللاعبين الاجانب هم الوحيدين اللي استمروا معاه بس....... انا ما ادافع عن دول انا ابين لكم فيه فرق بين الهلاللين وفرق كبيرررررر جدا جدا جدا والجود من الموجود يادول

اعطوا الكابتنية هرماش ولن تندمون

لان المحور بامكانة ان يتواصل مع الفريق كامل

احسن من هوساوي

وهرماش لاعب حماسي

إقتباس:

الرسالة الأصلية كتبت بواسطة ALHILAL.PING (مشاركة 19468054)

وجة نظر احترمها جدا جدا جدا وكلامك عين الصواب فعلا ما ضيعنا الا الكابتن اللي ناوي يسحب ويضيع فلوس الهلال عشان ياخذ عقد اقل من قيمه الهلال ولا يقارن بعرض الهلال وماسك الكابتينه ولاعبين يتمشون بوسط الملعب ولا يهش ولا ينش..... ولا ما فيه قائد للفريق يقودهم ويحمسهم ويحاسب اللي يتمشى بالملعب وبعدهابتشوف فريق ثاني الهلال