الهلال بطلا لدوري زين لهذا الموسم

نعم وباذن الله هذا ما احسسته بعد مباراة التعاون
خضنا مباراة سيئه في الشوط الاول
لكن الشوط الثاني كن الفريق جيد وتفعلت الاطراف
وخاصه الجهه اليسرى
ولو فعلت الجهه اليمنى
لكانت النتيجه بدون ادنى شك فوز وبعدد وافر
لان فريق التعاون كثف تواجده في الجهه اليسرى
ولاحظنا كيف كانت فرصه البيشي في اواخر الشوط الثاني
عموما انا ارى الهلال بعد عودة وليهامسون
بيكون شكل اخر
اعجبني المدرب كثيرا عندما اخرج الفريدي بعد المستوى المتعالي والهزيل
وهذا يعطي انطباع للاعبين ان لا تهاون في اللعب((وهذا لايلغي مطالبتي ومطالبت الجماهير الهلاليه بان يستبدل المدرب))
لكن لاحقاق الحق كان قوي واحازم في هذه النقطه وهي تحسب له

وشفنا العابد قدم مستوى حماسي وممتاز رغم انه ماوصل الى مستواه المعتاد
عموما الحكم سيء واخذ المسئله عنتريه
حتى لايقال من الاعلام الاخر انه كان مع الهلال وهذي ضغوط نفسيه تعرض لها الحكم
قبل بدايه المباراة
كذا هي حالة جميع الحكام المهزوزي الثقه
امثال مطرف ومنهم على شاكلته
اتمنى انها عقد اللاعب الكوري باسرع وقت
حتى لو ماتعاقدت الاداره مع لاعب اخر
سعد و المحياني وفهد الجهني والعربي بعد فراغه من المشاركه سيوفون بالغرض
انا متفائل كثيرا فالعمل الجبار من قبل الاداره لن يذهب باذن الله سدا
من الان لا اتمنى ان يلعب الهلال بلاعب واحد في محور الارتكاز
واتمنى يكون محمد القرني اساسي والبقيه ياتون من بعده
فاللاعب كبير في مستواه ويلعب من قلب وكورته حلوه جدا فقط الاستمرار وزيادة الثقه ونصنع
نجم لايشق له غبار
وفالاخير انا اراهن على الهلال هذا الموسم باذن الله فمن يريد ان يتحدى..؟؟؟
انا ومن معي حتما وباذن الله سنكسب الرهان

انا اول المتحدين واراهنك
اذا حقق الهلال الدوري وتوماس دول مدرب للهلال
والعتيبي والغنام لاعبين اساسيين فيه

عودة ويلهامسون ايجابية نعم ولكن الدوري هلالي ؟؟ ماقدرت استوعبها الى الان خاصة بهالمستوى مايمديها بالمرررررررررررررة ... إلى اذا شاءالله

الله يســـــــمع منك انا عن نفسي مااستغربها حتى لو بذا المستوى

المراهنه حرام
انا واثقه ان الدوري هلالي
والايام تثبت

انا من اللي يتحدونك الهلال السنة هذي حتى البطولة مستحيله عليه وراح تكون مباراة النصر فرصة لهم يفرحون باخراجنا من كأس ولي العهد .. الله يستر بس من ٢٠١٢ .. سقوط الهلاااااااال وبعدها راح تستقيل الادارة .. واتمنى ان يأتي بندر بن محمد ليعدل الفريق ..

لاتجوز المراهنات

و بنظره فنيه الفريق لن يحقق الدوري بسبب وجود لاعبين سيئين بالفريق و الفريق يحتاج الى سلخ جلد

والله ودي اتفائل زيكم لكن مقدر. ...على ذا المستوى صعبه
احس اني بشطح لو براهنك

انا عن نفسي ماعمري تشائمت بمستقبل الهلال واثق انه بيكون خير باذن الله

والله وانا معك وعندك مثال منتخب
اسبانيا بداية كاس العالم هزايم وكان اسوء فريق
تقريبا في المستوى لاكن حقق كاس العالم في النهايه

لا اعتقد ان الهلال يحقق الدوري ومباراة الهلال والاهلي هي الحكم والفيصل النهائي
ان كسبها الهلال فلربما يحقق الدوري وان لم يكسبها اعتقد على الدوري السلام

اذا الهلال ما صحح الاخطاء ورجع كل لاعبين الوسط في مركزهم ورجع اللعب السريع واللمسه والواحده يعني شغل مدرب واضح مو يدخل المباراه ويلعب فقط على اخطاء الفريق المنافس وعلى امكانية لاعبين الهلال في مركز محدد وكل مره بتشكيله فالهلال لن ياخذ الدوري واتمنى العمل بجد فمباراة الاهلى هي المفصل فالشباب لعبنا معه وبقي لنا الاهلى المنافس الحقيقي في الدوري ثم الاتفاق ان شاء الله لو فزنا الدوري هلالي لان الاتحاد من المنافسي لكن اخر مباراة في الدور وقبل قبل الاخيره الاتفاق اهم شيئ الاهلي مباراة حيا او موت في الدوري والاهلي مباراته مع الشباب والاتحاد اقرب وقويه اذا الهلال الدوري مازال يسير في صالحه

انا اقولك الدوري هلالي
المستوي زفت

لايجوز الرهان

ان شاء الله ماحصل للهلال هو كبوة جواد

بإذن الله سنحقق الدوري بتوفيق من الله عز وجل إذا ماتخطينا المباراة القادمة فهذا سيعطي دفعة كبيرة جداً للتمسك بالصدارة حتى النهاية

أقول للجميع .. نبي الاسبوع هذا بإذن الله تكون كل المواضيع تفاؤل ( الدوري لنا .. سنحقق المركز الأول .. الهلال قادم ) ومن هالمواضيع اللي تشرح الصدر وتعطي دافع قوي للفريق انه يكون قد الكلام اللي يكتب

إقتباس الرسالة الأصلية كتبت بواسطة جوهر 2005 انا اول المتحدين واراهنك اذا حقق الهلال الدوري وتوماس دول مدرب للهلال والعتيبي والغنام لاعبين اساسيين فيه

سنرى من سيكسب ياجوهر

اما وجهة نظرك عن المدرب والعتيبي انا معك فيها خاصه المدرب

والعتيبي لازم يريح عشان يراجع حساباته

الغنام جيد لكن الاصابات اهلكته