وبعد أن هدأت أعصابي ..
فكرت جدياً بمباراة الهلال والتعاون .
وجدت أن الحكم قد سلب منا المباراة بعدم إحتسابه لضربة جزاء قد تسجل وقد لا تسجل .. وزع علينا كروت بالهبل فيه ما نستحقه وفيه ما لانستحقه ...

الحقيقه قبل كل هالكلام .. ما كان هناك هلال يقنع بأدائه .. أغلب اللاعبين كان هابط مستواهم ..وكأن الهلال لا يعنيهم .. عدا اللاعب المميز ( الفرج ) ..

تخيل :
( الشلهوب , الفريدي , المحياني , الزوري , هوساوي , المرشدي , البيشي , الفرج ,حسن العتيبي, زيزو )
لوعرضت إدارة الهلال واحداً من هؤلاء اللاعبين لبيع عقده
كم سيكون قيمة شراء عقده المتوقعه .. لا يقل عن 5 ملايين في الموسم الواحد ...
ولا تهافتت الأنديه على الظفر بخدماتهم ....
ولو كانوا في نادي آخر لسعت إدارة الهلال ودفعت عشرات الملايين لجلب الواحد فيهم ...
هؤلاء النجوم كلهم سبقوا وإن مثلوا المنتخب ..
يعني نجوم ..لكن للأسف
بقيادة دووووووووووووول لا أرى لهم أي نجوميه وإن برز في مباراة أو مبارتين
وضياع في أغلب المباريات .. يلعب دقائق معدوده ويتوقف عن الركض ..
وكأنه ضعيف لياقياً ..
عدم القدره على الإلتحام مع الخصم ..وإن إلتحم جاب العيد بفاول وقد يتحصل على كرت ..

اين مستوى هؤلاء اللعيبة عندما كان مدربهم جريتس ...

يعني البلاء في هالمدرب
وإدارتنا الموقره غير مصدقه .. بما يقوله الجمهور الكريم ..
ياإدارة ولو مره صدقونا وفكونا من هالمدرب ...

مباراة الأهلي يبي لها من الآن إستعداد وبتدريبات صباحيه ومسائية ..
ويبي لها الضغط على اللاعبين ..
وأرى أن يدعم الفريق بكم لاعب من الفريق الأولمبي
كسالم الدوسري , والصانع , ورضوان


المباراة إنتهت ..إنسوها ولنفكر بالقادم مدام الأمر لا يزال بأيدينا .. وقبل لا تروح منا البطوله ...

سمو الأمير عبد الرحمن بن مساعد
المثاليه في دوريينا ولت من زمان
وربعنا ما ينفع معهم الا العين الحمراء


أيه الزعماء
الهلال مو ناقص فعلتكم بالملعب ..ليست من صالحنا
وهذه فرصه ولقوها والله ما يرحمونا

ومطرف ( شلت أطرافه ) لم يحصل له شيء غير إنه سجلت الملاحظات وإستفزكم وأن جيتوا على طول
تمنين إن لاحقته له نعله أكرمك الله على خشته ..
أو فاقعين عينه ..
لكن لا هذي حصلت ..ولا حنا سلمنا ...

يعطيك العافيه
مافي شي يقنع في المباره لا مدرب ولا من لاعبين .. اشك ان المدرج الهلالي لم يقنعني
ايضا الكره لم تقنعني
بصراحة ماتدري وش تقول هذا زعيم ولا خيال زعيم؟

بسم الله الرحمن الرحيم


انا اقول الفريق من الحارس الى راس الحربه متعالين وشايفين ارواحهم

والمدرب جيد بس اللاعبين شكلهم ما يبونهم

والكوري يبي له صبر شوي ويلعب له كم مباراة كامله ويطلع اكه

وبالنسبه لسعد اقوله الله يوفقك

المدرب لازم يرحلونه على اقرب طياره غير كذا لن ترا الهلال مطلقا بوجوده ويبدوا ان الاداره للان مقتنعه فيه على ايش الله العالم بالتوفيق للزعيم << تتحسر لما تقول زعيم وهذا مستواه وتتحسر اكثر لما تشوف دول مدرب له يعطيك العافيه

إقتباس الرسالة الأصلية كتبت بواسطة هلاليه زي القمر المدرب لازم يرحلونه على اقرب طياره غير كذا لن ترا الهلال مطلقا بوجوده ويبدوا ان الاداره للان مقتنعه فيه على ايش الله العالم بالتوفيق للزعيم << تتحسر لما تقول زعيم وهذا مستواه وتتحسر اكثر لما تشوف دول مدرب له يعطيك العافيه

المدرب خليه عندنا بس جيبوا مدرب كود نوماس دول يعرف التدريب نسوي له خير خخخخخخخخخ

والله خلال المواسم الاخيره المفروض نحط اكاديمه للتدريب المدربين
دول كالدي بيسيرو سيريزو .. الخ
باشراف باكيتا وكوزمن جريتس