غدآ سوف يحدث كالأتي
 

السلام عليكم ورحمة الله وبركاته

هارد لكم جميعآ على التعادل بصراحه على اللعب الشوط الأول اعتقد انهم يستحقون الخساره
والحمد لله رجعو الشوط الثاني بأفضل من ماكانو بالشوط الأول لو لا التحكيم الفاشل لخرجنا بفوز

بصراحه ردودي ومشاركاتي قليله جدآ احب الاستطلاع اكثر من الكتابه ولكن حكم المبارات اليوم بالعاميه رفففع ضغطي وشب تسبدي

ومثل ماهو مكتوب في عنوان الموضوع

( غدآ سوف يحدث كالأتي )

1- حسن العتيبي غرامة مالية + منعه من اللعب كم مباراة لأنه رمى الحكم بالكوره

2- فريق الهلال كالعادة يلعب مباراته خارج ارضه عقاباً على جمهوره + غرامة مالية < شكلهم داجيين ربعنا

3- الامير عبدالرحمن بن مساعد غرامة مالية ليش يستخف بالحكم مع انه مادحه على ادائه الأكثر من رائع < احلى شيء تصريح ابن مساعد برد تسبدي

ملاحضه : الي يحس انه فيه عقوبه على الهلال ياليت يضيفه < ولاتنسون الهلال محبوب من قبل الحكام < يتشمت

وبالأخير الحكم يطلع منها بارد مبرد لا ضربة جزاء حسبه ولا هم يحزنون ولو اجيب جدتي الله يحفضه بتحسبه وزود كرت أحمر < جالس يتخيل جدته <3 <3<3

ويا ليت ماتنسون الأوتات والفاولات والركنيات < لاتعليق :S

وكالعادة الهلال غير مظلوم والهلال اكل الأخضر و اليابس والتحكيم والاتحاد السعودي معه وليس ضده

وشسمه عادي تدخلون معهم الاتحاد الاسيوي والفيفا والصحفات الاجنبيه لانهم يمدحون الهلال

اخخخ بس أنني شخص مقهور >:O >:O

ههههههههههههه
في الصصصميم وربي>>سلمـآن الفرج راح يتوقف وغرامه
ماليه على المرشدي لانه اعترض
وغرامه ماليه على دول >>لانه عارض الحكم
لجنه التبن فاتحه اعيونها على الهلال
عن اي شي راح يعتبرونه غرامه
يعطيك العافيه

لا والله الله يكرم جدتك عن هالمتطرف الأصفر
لا بارك الله فيه ولا من حطه حكم ولا من وصاه حسبي الله عليه

ياخووووووووي حتى لو ماصار شي وعطس او كح واحد من الجمهور حطو عليه غرامه وقالو فيه اللي ماينقال
والله ياهالجنه متري وش تبي
الحمدلله والشكر
تخلف وجهل وحقد على نادي الهلال
لكن المثل يقول القافله تمر والكلااااااب تنبح

ياخي يبون يستيفدون
اجل يعاقبون الفقر وهو حتى ريال م عندهم
قالو مافيه غير الهلال بنستفيد منه
بس ان شاء الله كل ريال يخذونه حريقه لهم

اقووول يجب على الهلال الاهتمام باسيا اكثر لان دوري واضح انهم لا يريدون ان ياخذه الهلال ولهذا وضعوا نظام حتى المظلوم لا يتكلم عن التحكيم حتى يصل فريقهم الى تحقيق البطوله
والله اعلم

الله لا يوفقه ان كان قاصد كل اللي صار حسبنى الله ونعم الوكيل

بالعكس الحكم ادى مباراة رائعة جداً بجميع المقاييس

والمفترض طرد المحياني لانه سجل هدف من غير ما يتشاور مع الحكم

وايضاً فرض عقوبة على حسن العتيبي لانه صد كورة

وايقاف اسامة هوساوي مباراتين لانه وقف سيارته جنب مطعم بعد المباراة يشتري عشاء والمفروض يروح بيته مباشرة

وسلامتكم

طبيعي يصير هذا بكره
لحد يستغرب عااادي ايش ترجون من لجان الاصصصصصصفرين

فيه عقوبه ناسيها اخوي
مباريات الهلال القادمه بدون احذيه اعزكم الله
بس نبيهم يوفرون صناديق مثل اللي عند المساجد
وبارقام توزع للجمهور عند الدخول
تنويه
الاداره غير مسئوله عن فقدانها

حسبي الله على كل شخص ظلم الهلال

وفيه عقوبه على الفودة والمطلق .. لاعترافهم بركة الجزاء

عيب عليك ياصاحب الموضوع

من حسن الاخلاق عدم انتقاد الاسياد

لاعبينا اخطو

وعبد الرحمن بن مساعد يجب ان يبعد من رئاسة الهلال

وجمهور الهلال جمهور عنصري

ومدرب الهلال يبي له جلد

حتى الحارس يبي له عقوبه وشو له يصد اهداف الخصم

اما المحياني هذا يبي له اعدام ليش يسجل

وكله كوم وسامي هذا كوم نوديه غوانتنامو عشان نفتك

ومنتدى الهلال لازم يقفل

وبالمره نقفل النادي او ندمجه مع اي فريق

هذه بعض قرارات لجنة الانحطاط

مين يزود

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

والمشكله مافي إعلام يدافع عن الهلال

ومدير المركز الأعلامي
غير متواجد

من يوم صار في تويتر