|
قريبا ( بيان ) متوقع من ادارة الهلال لجماهيره بسم الله الرحمن الرحيم السلام عليكم ورحمة الله وبركاته اخواني اليوم دخلت الفتره الثانيه لتسجيل اللاعبين المحترفين السعوديين والغير سعوديين وستنتهي خلال اسابيع قليله والهلال يحتاج لتجديد بعض دمائه المحليه والاجنبيه والفنيه حتى يكون جاهزا لكل الاحتمالات القادمه والصعبه لان هذا الموسم ليس كسابقيه انا لست متشائم ولكن الامور كأنها بدأت في الوضوح لكل الجماهير الهلاليه واتوقع ان الفريق لن يكون فيه جديد ابدا في الفتره القادمه واتوقع ان تصدر ادارة الهلال بيانا في اخر يوم لتسجيل اللاعبين مفاده الاتي جمهور الهلال الكريم نحن نعلم انكم كنتم تنتظرون اخبارا ساره وتغييرات للافضل من ناحيه استقدام لاعبين محليين واجانب وجهاز فني لكن واجهتنا صعوبات كثيره في تحقيق امالكم وطموحاتكم وسنكشف لكم جميع خطواتنا لاجل لا تزعلون علينا نحن كان املنا في مبلغ اللاعب تياقو نيفيز لنبدأ في الصفقات تعرفون الخزنه خاويه لا يوجد فيها غير رواتب اللاعبين الشهريه وانتم تعرفون ان ادارة الفريق البرازيلي فلامنجو تمسكت في اللاعب وقسطت المبلغ على 3 دفعات الدفعه الاولى تبدأ اول الموسم القادم نصرفها على المعسكر بيننا وبينكم وهقونا هذولا البرازيليين ايضا حاولنا ان نسوق اللاعب ايمانا في الامارات فرفضو الا بالاعاره ونحن نريد بيع عقده علشان ماعندنا فلوس نبدأ منها في شراء عقود لاعبين محليين ولاعب بديل لايمانا حاولنا تسويق ايمانا في قطر لكن لم يتقدم احد وفي الاخير بلشنا الله المستعان بالنسبه لموضوع اللاعب ياسر الشهراني رئيس القادسيه طلق بالثلاث ما ينتقل للهلال قلنا يالله ننتظره حتى ينتهي عقده مع فريقه نحن نعلم ان الفريق محتاج تدعيم بعض الخانات بلاعبين احتياط حاولنا وحاولنا وكل الانديه متمسكه في لعيبتها وش تبغون نسوي لكم بالله اجتمعنا وقررنا الاتي ان نعطي الفرصه للاعبين الهلال الشباب والاولمبيين للمشاركه في المسابقات المحليه والاسيويه ونوفر فلوسنا للموسم القادم ونعدكم الموسم القادم اننا سنجعل الهلال فريق استثنائي ونعرف اننا وعدناكم هذا الموسم لكن الظروف وانتم تعلمون مامعنى الظروف بالنسبه للمدرب نحن نعلم انه يوجد الكثير غير راضي عليه ومانخفي عليكم حاولنا في اكثر من مدرب من المكسيك والارجنتين لكن لا نعلم لماذا يتركوننا ويوقعون مع غيرنا ومن فين نجيب لكم مدرب هل نجيبه من المريخ فكرنا وقلنا هل نحن قليلين حيله نبحث عن مدرب والكابتن سامي الجابر عندنا ومتخرج من بريطانيا وجاهز لتدريب وهو يعرف الفريق زين قررنا ان نسلمه الفريق ولا يحتاج منكم الا الدعاء له ودعمه والدولار الذي كان بياخذه الخواجه اولى به ابن الوطن سامي الجابر اصبروا علينا الله لا يوفق فلامنجو الذي خرب كل مخططاتنا وهذا ما استطعنا ان نفعله لكم وللهلال سوى التعاقد مع الحارثي وفلاته وانتم كمان لا تكونون طماعين اذا اخذنا الدوري هذا السنه فالحمدلله واذا لم ناخذه فلا تنسون ان الهلال بطل لموسمين اثنين متتاليين اما اسيا فبيننا وبينكم نوعدكم الموسم القادم اذا ماناخذ اسيا فسنقدم استقالتنا هذا وعد منا والسلام عليكم اداره الهلال تحياتي |
يسلموا اخوي على الموضوع. بس يطيرون إيمانا ويجبون ويلي أو نفز |
والله صدقت شكلها تبي تصير كذا والله العالم الله يعين بس |
ماهي معقوله خزينه الهلال فاضيه . ياخي بيعو ايمانا العاله على الفريق ماهي معقوله ولا نادي بالعالم ما رح ياخذ لاعب مثل ايماناا . دراهم ايمانا راح تخلينا نجيب افضل الاعبين المحليين . لكن الظاهر مافيه الا سعد وفلاته اللي راااح تسجلون . |
يالله تعين ليس خطأ أن يقترب العبد من ربه في أيام الاختبارات، لكن الخطأ أن يبتعد عن ربه وعن فروضه عند انتهائها. |
سينااااااااريوا مزعج ,,,, اتمنى ان لايحدث ,,,, |
اللي محيرني انو اللاعبين لما تعاقدنا معاهم كان مستواهم حلو لكن لعبهم اختلف لما جو هنا ما أدري الخلل فين الله يكتب الخير لهلالنا إن شاء الله نتعاقد مع لاعبين أفضل |
صدقني راح تكون هنااك فيه تغيرات كثيره بالفتره الثانيه بس تفآئل بالخير . . :):rose: |
خخخخخ شكــل هذا الي بيصـير ,, الأعذار جاهزه ,, والله الفريق نـــــاقصه كثير أشياء ,,بس ننتظر الاداره وش راح تسوي ,, يا رئيسنا نبي ترجع هيبة الزعـــيم هيبتـه الي ماشفنــاها هالسنــه ,,الله يعين .. |
أتممنى مآيصير هـ الششي ونشوف لـآعبين محلين وأچآنب ع مسستوى s13s وإن گنت اظن إنةة رآح يصير نفسس الشيئ اللي قلت عليةة ،، ننتظر ونشوف ، وعسسآ خير :d إن شآءالله الععآلةة إيممآنآ نصرفه بـ أي طريقةة وبـ درآهم گويسسةة :yes: يععطيگ الععآآفيةة ع طرحگ الـمميز :ba: |
الله لايقولها ويتحقق كلامك قسم بالله بديت اتشأم حرام عليك جاني انواع التحطيم وبأذن الله يروح ايمانا ويجي ويلي ويسوقها دول المنحط حتى لو سامي درب الهلال |
الله يكتب اللي فيه الخير بالتوفيق للهلال في التسجيل الاعبين الجدد |
انسى صفقات المحليه..! خلاص زهقنا وملينا ومانبي صفقات محليه منهم لايقومون يجيبون لنا لاعيبه من نوعية الجيزاني ،،الخالدي ،،الكعبي ،،الجمعان،،بندر العنزي..! الشهراني سنه يفاوضونه وماقدرو يجيبونه ..! على بالهم حسم الصفقات يكون في تويتر وفي الاعلام..! |
الله يعطيك العافيه اخوي بس الاهم ان شاء الله ويلي يرجع للهلال بدال ايمانا |
اتوقع ولي هو اللي بيرجع والمدرب بيجلس بناءاً على رغبة سامي !! وعبدالرحمن بن مساعد !! الله يكتب اللي فيه الخير للهلال |
| الوقت المعتمد في المنتدى بتوقيت جرينتش +3.
الوقت الان » 02:12 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd