|
عبدالرحمن بن مساعد .. تقدر تحمي الهلال ولا ما تقدر ؟؟ الأمير عبدالرحمن بن مساعد أحدث فرق وتغيير في الرياضة السعودية وعزز الكثير من الثقافات اللتي كانت مغيبه وأقدر اقول انه شكل نقله مميزه في كرة القدم السعودية بشكل عام .. نعرف إيجابيات هذا الأمير جيداً لكن تبقى سلبيته أنه في عهده أصبح الهلال جدار قصير ومن الكثير !! ياسر القحطاني وهتافات الجماهير ضده وأدري إدارة الهلال حاولت حمايته لكن ما قدرت أو اكتفت بأن الاتحاد السعودي لم يصدر عقاب !!! وطلعت والله حنا ارسلنا خطاب للاتحاد السعودي وقدمنا شكوى !! طيب وبعدين وش صار ؟؟ الهتافات مستمره لدرجة انها اصبحت عاديه تسمعها في كل ملعب وتستغرب ملا تحضر مباراه فيها جمهور منافس كثير ولا تردد هذه الهتافات !! رادوي كلنا نعرف انه رفض يستمر بسبب المضايقات اللتي يتعرض لها !! وإدارة الهلال ما قدرت تحميه !! قضية اصبع إيمانا وصحيفة هاتريك !! وش صار على الشكوى ضد الصحيفة ؟؟ آخر ما نعرفه ان المحامي بيرفع عليهم قضية أو شكوى في وزارة الاعلام !! طيب وش صار على الشكوى ؟؟ هل فعلا تقدم محامي الهلال بشكوى رسمية ضد الصحيفة ؟؟ حنا جمهور من حقنا نعرف ونتابع اخبار القضية !! ليش الشفافيه هنا معدومة !! وبسبب هالشيء طلعت الاتهامات ضد الهلال بأنه خلف هروب المصور وبأنه خلف اغلاق القضية من الاتحاد السعودي !! طيب ليش نحط أنفسنا في هالموقف ؟؟ ياخي سامحتهم عادي علمنا قدمت الشكوى رسميا في الوزارة علمنا بعد !! الآن صحيفه سبق تتهم لاعبين الهلال بالسكر وانه هو سبب الحادث !! وكل ما أخشاهـ يطلع لنا ابوفيصل ويقول المحامي بيرفع عليهم شكوى ثم ينتهي كل شيء !! ما يصلح الكلام فقط لازم يتبعه فعل وتطبيق لما قلته ، بتقدم شكوى يعني خلاص رح قدم شكوى ثم اعلن انه اليوم تم تقديم الشكوى وان الجلسة في موعد كذا وكذا .. الشفافيه هذه تعطيك اصلا قوة وتخلي الاعلام اللي يتطاول على الهلال يبلع لسانه ولا ينشر اي خبر ما يعرف صحته !! لكن للاسف ما فيه أي حمايه وحتى الاعلام الهلالي نايم إلا من رحم ربي وحتى اغلب من رحم ربي تحصله زابن في زاويته الاسبوعيه ما يطلع منها !! يا ابن الحلال تراك في عام 2012 لازم تطلع في برامج فضائيه لازم تتعايش مع النقلة الاعلاميه !! طيب من بيدافع عن حقوق الهلال اعلاميا ؟؟ رجل واحد من الاعلاميين الهلاليين هو اللي ما يندرج اسمه فقط وتخيل شخص واحد فقط من الاعلام الهلالي كله وهو عادل التويجري وإن كان العتب عليه بأنه حصر نفسه في برنامج أكشن فقط !! كنت اتمنى اشوفه في كورة وفي الملعب وفي مساء الرياضية بدال خلف ملفي اللي ما تتناسب حياديته مع تعصب الضيوف الآخرين ارجع لبداية كلامي يجب على الأمير عبدالرحمن بن مساعد أن يفكر في حماية حقوق الهلال بشكل فعلي ونشوفه على أرض الواقع !! ما نبي تطلع وتقول سوف نشتكي !! شكرا الله يجزاك خير نبي بعد ما يروح المحامي ويقدم شكوى رسمية في وزارة الاعلام تطلع بيان من المركز الاعلامي وتقول اليوم قدمنا شكوى ضد الصحيفه الفلانيه لانها قامت بـ كيت وكيت !! اما سوف نفعل ومجرد امتصاص غضب لا أكثر ولا اقل ثم يعود صحفي آخر يتطاول على الهلال ويخرج صحفي آخر بعده وانت في كل مره سوف وسوف !! نبي نشوف تحرك فعلي لحماية الهلال ونجومه من أي تطاول !! |
محمد بن فيصل ,,,,, بندر محمد اصوات حرة لاتحب الا الحق وحب جماهيرها عكس ابو فيصل مثالي وزيااااااااااادة |
عندما تعمل في أي مكان لا تجد من يحميك تكرة العمل فية مهما كان و اللعيبة في زمن ابن مساعد تعرضوا لانواع المشاكل إذا كنت انت لا تهتم لمثل هذه الامور و عندك الثقة في نفسة فاللعيبة ليس مثلك فالاختلافات كثيرة ولا تنسى ان لهم أهل و لهم سمعة يحاولون الحفاظ عليها و قد يمنعون أنفسهم من أشياء كثيرة مقابل المحافظة على سمعتهم ولكن دوركم معدوم جدا في هذا المجال فالمسأله ليست دفع فلوس و رواتب فقط الادارة أكبر بكثيرة |
آه يعلم الله كم احب هذا الرجل لما قدمه للزعيم ولكن لاول مره اتمنى ان يرحل اذا لم يكن قادراً على حمايته وادراة شؤونه اتمنى ان يرحل قبل ان يخسر حبنا وتقديرنا لهذا الرجل العظيم ابوفيصل شخص انظف من ان يعمل في وسطنا الرياضي القذر فلا تلوموه على سكوته |
اتفق معك في هالشيء من طرف ومن طرف آخر اذا الاتحاد السعودي وجميع الانديه وبـ الاعلام والكم الهائل من الجماهير ضد الهلال كيف الطريقه اذاً ! مالنا الا نؤمن بـ ( الكثره تغلب الشجاعه ) وخير خبر اليوم ( قرار ) الظلم من لجنة الانحطاط واجمل غرامه ماليه تسجل على الهلال . عهد عبدالرحمن بن مساعد عهد بطولات وامجاد ومن ناحية اخرى يعتبر اكبر نادي تعرض للظلم ليس معناه ضعفاً في الشخصيه لكن معناه انه رئيس ناجح ومتواضع لذلك الناجحون دائماً محاربون . شكراً ع الموضوع |
ياخي الله يسمع منك من جد ملأنا شعور ان نادينا طوفه هبيطه وكل واحد يقدر ينط من فوقها أحنا ما نطالب بإعلام مثل إعلامهم المريض واللي نقول الله يشفيهم ولا يبلانا لا نطالب بإعلام أجوف يملأ جميع القنوات والبرامج ويثير التعصب والفتن والحساسيات في المجتمع الرياضي ... لكن على الأقل في مثل هذه القضايا اللي تتسبب في تشتيت فكر اللاعبين وتسيء بشكل مباشر لسمعة النادي ومنسوبيه يكون هناك تصرفات حاسمة وترى حتى الحليم يغضب ... يا ليت نشوف غضب إدارتنا واضح في مثل هذه القضايا الحساسة وأن تكون حازمة في مثل هذه الأمور وإلا لن يقف هؤلاء الأقزام عن مماراستهم المشينة ضد زعيمنا .. يعطيك الف عافية اخوي |
ااااااااااااااااااااااه والله كررهت الكووره والهلااال من مثاااليتك يابن مسااااعد اعلاام نجران والتعااون اقوى منك يااخي عييييب |
| الوقت المعتمد في المنتدى بتوقيت جرينتش +3.
الوقت الان » 12:06 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd