08/01/2012, 04:57 PM
|
| زعيــم مميــز | | تاريخ التسجيل: 27/01/2002 المكان: الاحساء
مشاركات: 1,605
| |
| السلام عليكم
انا بصراحه ابقول رايي بكل اريحية واتمنى ما يحذف واتمنى من ادارة الموقع ما تجمد عضويتي ولا تقولون مندس ما اتوقع فيه مندس عضويته عشر سنوات
المهم
انا ارى ان العقوبه هذه بسبب تبلد وسوء ادارة ادارة عبدالرحمن بن مساعد والا لو كان هنالك صوت قوي للادارة لما تجراْ بن داخل وباقي جوقته الاعلاميه على نادي الهلال والمطالبة بعقوبات ضده ، نسينا اهزوجه الكاف و سنتين من التدمير النفسي للاعب ياسر القحطاني وحتى في مباراة المنتخب الوديه ردد القرني عليه من الله ما يستحق تلك الاهزوجه .
نسينا يالجنة الانحطاط ترديد جماهير النصر لذات الاهزوجه ، انا ضد التمييز العنصري بكافة اشكاله ، ولكن تلك الغيره على اللحمة الوطنية ما تطلع الا على حساب الهلال وجماهيره ، عموما لجنة الانحطاط والاتحاد السعودي بكبره ما همهم الا تجميع دراهم بس من حقوق ورعايه وبس ما همهم مستوى الكره بستين داهية .
ارجع لموضوعي عن الادارة الهلاليه المثاليه الي غثتنا بمثاليتها ، اولى تلك المثالب الحين ساكتين وتمادت عليكم لجان الاتحاد السعودي بداية من تسلطها على رادوي الين طفشوه وخلوه يروح غنيمه باردة مبردة للعين الاماراتي مرورا بالتضحيه بياسر القحطاني لعيون مدرج اصفر ، ولا ننسى تدليع نيفيز و رضوخهم الحالي لمطالب نيفيز بعدم العودة ورضوخهم للمبلغ الي بيدفعه الفريق البرازيلي .
اقترح على المدرج الازرق عدم الحضور لاي مباراة للفريق الهلالي خصوصا في الرياض وعموم مناطق المملكه حتى تتخلى الادارة المثاليه عن مثاليتها الزايده ، وبعدين نحضر ليش عشان نشوف تخبيصات دول وتخبطاته والا عشان يرتفع ضغطنا مليون من تمريرات المرشدي الكارثيه والا نحضر لعيون العتيبي الي تدخل عليه اهداف اغبى من الغبيه والا والا والا والا
من جد الهلال من دون طعم ولا رائحه ، الناس تحضر تستمتع وحنا نحضر ننغث واخرتها عشان ثله ما تتجاوز العشرات رددت اهزوجة عنصريه نرفضها جميعا انتفضت لجنة الانحطاط واللجنة الفنيه وما باقي الا الامم المتحده وعاقبت النادي .
بصراحه لا شيئ يشجع على الحضور ،، فلا خدمات متوفره ولا هلال يبدع ويمتع ولا تعامل راقي من الامن ولا ملاعب تبيض الوجه .
والسلام ختام |
...؟
الوضع العادي
