|
مقولة الهلال كيان ولن يتأثر برحيل أحد هل هي فعلا صحيحه بسم الله الرحمن الرحيم السلام عليكم ورحمة الله وبركاته ..........أخواني المشرفين انا شخص صريح وكبير في السن (مشجع مخضرم جدا) ارجو منكم فتح النقاش بهذا الموضوع الذي يتلون فيه البعض يعني احيانا يرمي بعضهم هالكلمه عندما يرحل احد النجوم اوالرموز البارزه المؤثره في مسيرة الهلال وعندما نصادقهم على مقولتهم ونستسلم سبحان الله لاتطبق هذه المقوله الا على اللاعبين والمدربين اما الادارييين وغيرهم فهالمقوله تختفي اولا / اللاعب هو اساس الابداع والنجم البارز هو من يرفع مستوى الفريق وليس الاداري فلو استقدمت لاعبين عاديين باداريين على اعلى مستوى لن يرتفع مستوى الفريق ......بعكس اذا كان لاعبوك مميزون وادارتك عاديه فاللاعبون هم من يرفع مستوى الفريق ثانيا / المدرب مهما كانت قدراته باشباه لاعبين لن يستطيع عمل شئ الان الهلال دربه جريتس ,وثم كالديرون بلاعبيه الاجانب المعروفين وادارته ولم يتغيرشئ بطولات محليه فقط اما الاسيويه لم نحصل عليها ....الاداره غيرت الاجانب والمدرب والان بالكاد نزحف هذا العام ببطئ نحو بطولة الدوري مالقاسم المشترك في الهلال منذ قدوم جريتس الى الان لم يتغير ؟؟؟؟؟؟ الاداره ممكن تعرفون ان الهلال فيه من الكفاءات الاداريه لايعدون ولا يحصون وقد كانت لبعضهم نجاحات سابقه كالاخ منصور الاحمد والمصيبيح والبطي والتويجري وغيرهم الكثير ممن يستطيعوا النجاح كفيصل ابوثنين وممن لم يعملوا بالهلال ومستعدين لتسجيل نجاحات في الهلال فالاداره الحاليه اخذت فرصتها كثيرا ولم يتغير بالامرشيئا والهلال كما تقولون لايتوقف على شخص معين |
اخي الكريم.. الفريق الكبير قصت انو ماتأثر برحيل لاعب مؤثر هذي كذبه ونفاق في الاعلام لكـــــــــــــن نوعيه التاثير تصل من 6 الى 14 مباراه للفريق وبعد ذلك تظهر هذي الحاله بالاختفاء لبروز موهبه جديده بدأت تتأقلم مع المجموعه..... |
حبيبي هم ضايقوا ياسر حتى زهق ورحل لانهم يعلمون انه سيصبح الابرز في تاريخ الهلال ولكن الجماهير واعيه وتعرف الان الحضور الجماهيري قل واستقدموا ايمانا وعملوا له ضجه ولانجحت الخطه والان تعاقدوا مع الحارثي لعلهم يعوضوا غياب جماهير الهلال الزعلانه بغياب ياسر ولكن لن ينجحوا فياسر حفراسمه في قلوب الجماهيرالهلاليه واصبح له عهد معروف ( هلال ياسر من 2005_2011بطولتان كل عام ) لم يصل لرقمه اي لاعب بوقت قياسي |
الي حابه اقوووله انو الهلال مَ يتأثر بِ الغياب سواءً كان لاعب او إداري ... و مشكووور عَ الطرح .... و بِ التوووفيق لِ الزعيييييم .... |
اهنئك على هذا الطرح القيم الا شبيه الريح احضر لنا هو واخية افضل الاجانب وافضل مدرب وجاءت معهم البطولات المحلية الامر الثاني بالنسبة للاسيوية الهلال قادر عليها ان شاء الله ولعل في الامر خيرة اضافة الى ان الفرق تطورت كثيرا اقصد الفرق الاسيوية وان شاء الله تتحق في السنوات القريبة القادمة بالنسبة ان الهلال يتأثر برحيل لاعب نعم يتأثر ان كان اللاعب له ثقلة كالثنيان والنعيمة وسامي وابو اثنين والتيماوي وابناء التمياط في عصر الاحتراف تقدر تجيب اي لاعب بشرط موافقته يلعب للنادي |
إقتباس:
والهلال سنده بعد الله لاعبين مؤثرين فياسر القحطاني يظل تأثيره كبيرا على الهلال وبعد اللاعبين هم اعضاء الشرف ....فما يميز الهلال وجود اعضاء شرف بقامة الامير بندر بن محمد وليس بقامة عبدالله بن مساعد الذي يقول انا اكبر من ارأس الهلال فهذه النوعيه لايهمها الهلال بل همها انفسها فقط وسامي الجابر يقول اطمح بالتدريب الخارجي فطموحه ليس الهلال همه مجده الشخصي نحن نريد من يجري الهلال مجرى الدم في عروقه كالامير بندربن محمد الله يخليه لعياله ولنا فهو الاب الروحي للهلاليين ونريد ياسر القحطاني الذي ضحى بأكثر من 20 مليون من اجل الهلال ......هؤلاء من يستطيعوا رفع راية الهلال والسير به نحو الامجاد وليس من همهم انفسهم وهناك شخص اتمنى يبقى في الهلال على طول وهو الامير نواف وهو كفؤ ان يتولى رئاسة الهلال رجل على قدر كبير من احترام النفس والاحلاق العاليه والعمل الدؤوب والمثمر |
إقتباس:
طيب ممكن تقول لنا وين بندر بن محمد الحين كم مباراة حضرها للنادي كم تدريب حضره وآزر الفريق كم اجتماع عمله لاعضاء الشرف وكم جمع مبالغ للنادي بحكم انه رئيس اعضاء الشرف وين دوره في الاعلام ورده على من يسيء للهلال من يحب الهلال يخدمه من اي موقع مو شرط اصير رئيس النادي ولا ماعلي منه وشلون وهو رئيس اعضاء الشرف والمفروض يجمع كلمتهم ويحثهم على دعم النادي لكن للاسف لا حياة لمن تنادي |
الحمدلله الهلال بخير رغم معاناة دول والاداره والجماهير واعضاء الشرف ماقصروا والتوفيق بيد الله ورغم ان الفريق يتاثر من غياب العناصر المهمه لكن الهلال لديه نجوم بكل المراكز يستطيعون التفوق على اي فريق اذا وجدوا مدربا خبيرا تكتيكيا لك احترامي |
الهلال كانت مشكلته في راس الحربه بس كان مفرض يجيبو راس حربه بجوار ياسر وعدم ترك ياسر يذهب للعين وولي مفروض مايمشونه لانه يسرع لعب الهلال فالادارة اخذت مقلب ان المدرب هو كل شي والاساس هو ان الهلال في المواسم الي راحت قوه الاعبين الاجانب تجعل اي تكتيك للهلال يمشي |
إقتباس:
طبعا حبيبنا ابومحمد لايمكن يخرج للاعلام ويقول انا ضد الاداره وتصرفاتها فهو اكبر من هالكلام هو رجل حكيم وخبير ويحمل قلب كبير محب للكيان ولايريده ان يتزعزع .....وتبغاه يدعم الهلال طيب الهلال جاب لاعبين بالملايين وش سووا او يحط امواله بقربه مخرومه |
إقتباس:
كلام غير مقنع ابداً الهلال كيان كبير مو ياسر ولا سامي ولا الثنيان ولاغيرهم اكبر منه حنا حبينا هالنجوم لانهم خدموا الزعيم و قدرنا بندر بن محمد من حبه للهلال لكن مافي اي عذر لعدم القيام بادوار عضو الشرف الفعّال ليش الناقور قدر يثبت نفسه وخلا الجمهور تهتف باسمه وبعدين اي مضايقة تتكلم عنها لياسر ياسر نجم هلالي قل مستواه فكان الخيار الافضل ابتعاده الكيان اولاً |
كلام سليم الاداره اخذت فرصتها وزياده.المشكله ان في بعض الجماهير يتوقعون النادي بينتهي بعد ماتمشي الاداره ياخي صدقني شراكه زعيمنا مع موبايلي تغني النادي عن اعضاء الشرف اذا حصل تقصير منهم في المستقبل بعدين اذا عندك مال من دون فكر ماراح تستفيد شيء في انديه تعمل البلاوي بمبلغ موبايلي الي هو تقريبا 60 مليون بس شوف الاداره الحاليه في قبل موسم او موسمين دفعت فوووق 120 مليون طيب وين وصلنا ؟... ولاشيء اتكلم عن اسيا طبعا. مع احترامي الكبير للاداره الحاليه ..مال بدون فكر= صفر تحياتي:rose: |
إقتباس:
يعني تصرفهم بتطفيش ياسر يجعل عضو الشرف راضي ويدعم زين منه ساكت ولا اثار اي بلبله ابو محمد لايجود الزمان بمثله لوحده يساوي اعضاء شرف الهلال مجتمعين مرتين او ثلاث .....لو كان ابن سعيد على قيد الحياه عندما اعاروا ياسر لاقام الدنيا ابن سعيد وغير الاداره بلحظات .........تصرف طائش وارعن ويدل على نرجسيه كبيره من اناس لاتعرف معنى الهلال ولاتقدر جماهيره وتسمع لصغار المشجعين الناقور / شاب جاء للهلال جديد وجاي يثبت وجوده وش جاب بندر بن محمد للناقور حب الهلال يسري في عروق ابو محمد قبل لايولد ابو الناقور ياسر انخفض مستواه وهو لاعب بالمنتخب ...........اجل كيف يستقدمون سعد مع حبي واحترامي له وهو ملفوظ من ناديه وله سنتين مالعب ...فسرها لي يالذهين |
نعم المقولة صحيحة مائة بالمائة وانا ارى ان الهجوم تحسن بعد اعارة قناص الفلاشات الى العين الاماراتي .. لكن لازال الفريق يعاني من تخبطات المدرب !! |
إقتباس:
لان من اتى بياسرشخصيه اخرى .....ونحن وش ذنبنا |
| الوقت المعتمد في المنتدى بتوقيت جرينتش +3.
الوقت الان » 05:45 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd