|
هذا الواقع كم بلنتي تسبب فيه المرشدي انا اشوف انه مستواه عادي جدا مايستحق انه يلعب في الهلال خلاص والله صبرنا عليه كثير اقسم بالله اذا جاء لاعب يراوغه اني احط يدي على قلبي وكثير من جمهور الهلال كذا لاعب طفشنا منه خلاص بعدين هذا مدافع يعني اغلاطه فادحة ويكون اخر لاعب بعض الاحيان الفريدي والشلهوب زي المرشدي اجل المرشدي سنتر يعني يااسود يا ابيض وسلامتك |
إقتباس:
ياخي الكريم لاتحاول تثبت كلامك بطريقه غير منطقيه !! المرشدي مرض في الخط الخلفي الفريدي يجي يوم وينقلب ميسي .. ويجي يوم ويجيب العيد العابد نفس الوضع ويلي هامسون نفس الوضع الشلهوب الدوسري ... كل اللاعبين تجيهم ايام يبدعون وايام يجيبون العيد لكن جب لي اخر مباراه ابدع فيها ماجد بدون اخطاء !! الرجال كل مباراه يجيب فيها العيد مثال ... نايف هزازي لاعب ليس مهاري والاعمى يعرف ذلك جر المرشدي على خشته من الجناح الين وصل داخل الـ 6 والاخ ماجد جالس يلحقه عن اي قلب دفاع تتكلم انت !! هوساوي وربي له اجرين ... شايل هم المرشدي وهم الفاهي الثاني الزوري ... وشايل هم مركزه بدون لغة دفاع ... حنا نشوف اللاعب له اكثر من موسمين جايب العيد وانت جاي تمدحه على ايش مدري !! المرشدي + الزوري + نامي ... وجودهم في الهلال اكبر غلط بصراحه كلاعبين اساسين ع الاقل .. احتياط ممكن |
إقتباس:
بصراحه المرشدي قريب لك او شي من هالنوع وشلون اللاعب رقم واحد ارحم عقولنا تكفى تكلم بالمنطق انا من اكثر الجماهير حظور في الملعب هالموسم ولا مباراة فوتها في الرياض وانا من النوع اللي اهتم بالمستوى يعني احضر ما يهمني تشجيع اهم شي اشوف لعب صح قدامي وانا والاغلبيه نشوف المرشدي انه عنده برود على ثقه في مناولاته وهذا الشي اللي يخليه يضيع بعدين مره ثانيه ركز بالموضوع حنا قلنا انه يخطئ بتمريراته وتكون خطره على الفريق ما تكلمنا عن مستواه كمدافع لانه الحين يعتبر افضل الموجودين والمرشدي ماهو المرشدي قبل مستواه كل ماله ينزل وبقوه |
بلا عآطفيه يـ عشاق الهلال موسمين او ثلاثه المرشدي مابدع الا مباراتين من اصل جميع المباريات فيها يعني تخيل موسمين ومابدع الا مباراتين شلون نتحمله ياناس بغض النظر عن الاخطاء المتكرره والارتباك الحاصل امام الخصوم واخص بالذكر مباراة الاتحاد وتخبطاته الزائده امام المهاجمين لاعب ماينفع للهلال ابد وسكتنا بما فيه الكفايه وماعندنا امل من جديد للصمود .. |
اخوي هلالي المرشدي صابرين عليه سنين مو على مباراه ولا على مباراتين الله على مستواه على ايام كاس الخليج خلنا واقعيين اذا انت تشوف انه كويس هذي وجهة نظرك الحين لو تسئل اصغر مشجع هلالي تقوله وش ضعف الهلال يقولك المرشدي اتمنى من المرشدي انه يعيد حساباته وهذا كلامي ومو حقد على المرشدي والله اني ابي مصلحة الهلال ومصلحته وانت من جدك تقارن باصات الشلهوب بالمرشدي الشلهوب فيه اخطا هالموسم من هالمدرب كل مباره يحطه في مكان شوف مستواه ايام جرتش والحين مع دول (مع دول خذ لك حبة بنادول) اماا الفريدي هو لاعب مزاجي مدري وش الحل معاه لكن في مباره يبدع مباره مايبدع على حساب المزاج هههه شوف هالمقطع واحكم ( ماضيع الهلال الا التطبيل ) وبالتوفيق للجميع http://www.youtube.com/watch?feature...v=okz_u5UH48U#! |
تمريرة واحدة بس أنت متأكد او يقرب لك او معطيك نسبه هههههههههههه شوف المقطع هــــــــــــــــــــــــــــذا |
مع احترامي لراْيك مافي مقارنه بكل اللي ذكرتهم بالمرشدي.. ناس حتى وان اخطات مره عوضت مره ومرتين وعشره بس المرشدي يخطي مره ومرتين وعشره بدون تعويض.. في تصريح للامير عبدالرحمن يقول ان المرشدي مايعرف يبنى الهجمه ووقتها خيرات" على مااظن" كان هو الاساسي قبل سنتين او ثلاث.. والى الان مايعرف يبنى هجمه ولايسلم كوره صح حتى الكرات الطويله تذكرني " بضربة اكيله فوووووق" الشي اللي يميزه ان حماسي بس. ولا فنيا نحتاج افضل منه بكثير..:yes: اذا اعطيت الفرصه لفواز فلاته باذن الله بينسينا المرشدي وبقعاته..:ba: |
إقتباس:
ولاننسى كم مره نكبنا اسامة هوساوي ولم يجد التجريح كما وجده ماجد المرشدي |
اتفق معك من ناحية القسوه على المرشدي لكن اللاعب الله يهديه اخطائه مع الشباب بالذات كانت بدائيه وبالنسبه للشلهوب والفريدي والدوسري والله انهم عبء على الفريق بنفس المباراه وينافسون الهجوم على الاهداف، نتفق جميعاً فيه مشكله بالفريق فيه اخطاء ولاندري من نلوم المدرب والا اللاعبين، |
للأسف الكثير صار يطالب بالتغير وراحت منه فكرة التعديل وكأن ادارة النادي نايمه على بنك كل يوم والثاني منزلين لنا موضوع غيرو فلان وجيبو فلانتان ياناس ارحمونا وخلو اللاعبين يركزون اكثر محد ذبح لاعبين الهلال غير هالجماهير الي والله ماتدري وين موقعها بالرياضه معاهم معاهم عليهم عليهم الا من رحم الله |
كلامك سليم فيه تحامل كبييير على المرشدي |
إقتباس:
شكرا لمرورك اخوي:rose: |
الله يبرد على قلبك على هالكلام ،، يعطيك العافية عالعقلية المميزة ،، |
على كلامك يا حبيبي ,, تبي العدل بين اللعيبة , لكن انا اقولك ان الشلهوب والعابد والفريدي ,, يضيعون كذا كورة لكن يصنعون بدالها كور كثيرة للمهاجمين . لكن ابي تجيب لي لقطة للمرشدي منقذ مرمى الهلال من هجمة خطيرة ,, يا رجال ورب البيت انه نكبة الدفاع عندنا بس جالس يتمكيج ويتمحلس عشان يطلع يخقق !! حرام واحد مثله يلعب للزعيم وربي حراااام . |
اتفق معك فيما ذكرت تماما للاسف بعض الجمهور اذا حط الاعب في مخهم ما يقصرون فيه |
| الوقت المعتمد في المنتدى بتوقيت جرينتش +3.
الوقت الان » 04:52 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd