|
تخيل انك مريض من عشر سنوات !؟ هذا اللي صاير بالهلال ! السلام عليكم ورحمة الله وبركاته في البدايه اتمنى التوفيق لعميد لاعبي العالم في حياته الخاصه :( ماحصل في مباراة الامس اشبه بالحلم او مزحه من اليوفي !؟ صحيح انها مباراة اعتزال ... وديه .. حبيه ... خيريه ... اي شي الا انها تكون رسميه نتيجة 7 كبيره جدا في حق الهلال .. لكنها امتداد للي جالس يصير في النادي وهذا الكلام بشهادة مدير المركز الاعلامي بنادي الهلال الاستاذ عبدالكريم الجاسر عبدالكريم الجاسر بيّن انه متضايق من النتيجه وفعلا النتيجه بايخه حتى لو هي مباراه خيريه مو اعتزال حتى !! http://img851.imageshack.us/img851/2695/60863194.png المشكله مو في دول ولا في اللي قبل دول لاقيريتس ولا كوزمن ولا باكيتا ولا ولا المشكله في اللاعبين ... المشكله نفسيه لو دول مو كفو ... ليه لعبنا كويس قدام الاهلي والنصر والاتحاد ؟؟ لان اللاعبين ركزوا صح في المباراه هذي وطبقوا التعليمات حرفيا هذا اللي نقصده دول يقول شي واللاعبين يطبقون شي اخر .. واللي زاد الطين بله في دول بالذات مقارنه بقيريتس وكوزمن وباكيتا .... انه شخصيته مهزوزه ... طيب بزياده .. والطيب ذا ينقلب لنا في الملعب الي استهتار من اللاعبين ... لانه مافيه مدرب وراهم يحاسبهم الحزم والشده مو انك تحرم لاعب مستهتر من اللعب مثل ايمانا الحزم هو التوبيخ ... لانك اذا مالعبته تضر الفريق ماتضر اللاعب !! كالديرون كان يفوز في الدوري بـ الاربعه .. وفي المباراه اللي بعدها في الاسيويه ينهزم 2 وبلعب اقل من باهت !! عموما الاداره كل سنه ترتكب نفس اخطاء الادارات السابقه الاعداد النفسي سيييييء جدا في الهلال والا الاتحاد وش يوصله لنهائي اسيا غير الروح ؟ السد وش وصله لنهائي اسيا .... والله مايوصلون نص مستوى لعيبة الهلال ... وحتى مدربهم فوساتي وربي انه خواف ومن النوع اللي يلعب 3 محاور ويجيب المرض تكتيكه .. لكن الروح كانت عاليه جدا لدرجة انها اكلت " تكتيك" جيونبوك الاجدر في البطوله " ورقيا" والا الامنيات والدعوات راحت للسد ويستاهلون تعلموا من السد ومن الاتحاد ومن حتى النصر في مسألة الروح .. ماهو عيب نعترف بخطانا لكن العيب انا نحط اخطائنا على الغير ... مره المدرب مره سامي مو موجود ومره ابوفيصل كان مسافر ومره ومره !! يابوي اعدوهم اعداد نفسي وبتشوفون فريق جامد وصلوا صوتنا لابوفيصل او اي عضو في ادارة ابوفيصل :cry: حنا صايرين مثل اللي يبني بيت .. اساساته جامده ... وشكله رهيب ... بس بدون تلييص ..اذا جاء وقت البيع ماحد يبيه !! وش الفايده نجيب جهاز تدريبي قوي ولاعبين ممتازين هذا غير لاعبينا المحليين الممتازين جدا ... والاعداد النفسي زيرو ؟؟ اذكر في لقاء كان مع مدرب قديم .. كان يقول انه 40% من نجاح المدرب ... هو تعامله النفسي مع اللاعبين لدرجة انه كارلوس البرتو باريرا مدرب البرازيل سابقا اللي جاب معهم كاس العالم ... كان يقول السر في الفوز بكاس العالم انه قبل كل مباراه لمنتخب البرازيل ... كان يشغل لهم النشيد الوطني البرازيلي ويخلي اللاعبين يسمعونه قبل يدخلون اللقاء بخمس دقايق ويخليهم مولعين نار من الغيره على بلدهم... والنتيجه انهم حصدوا كاس العالم !! مثال اخر اكثر اللاعبين شغباً في الوقت الحاضر .. ابراهيموفيتش كان يقول " كنت مستعداً للقتل من اجل مورينيو " !! قصده طبعا مو حباً في مورينيو ... قصده انه مورينيو افضل مدرب في العالم يعد الفريق نفسيا وهذي حقيقه وهذا سر نجاح مورينيو ... طبعا كاريزما مورينيو قويه جدا والسبب بسيط بحكم انه زوجته دكتوره في علم النفس .. والكلام لك ياجاره :yes: فمان الله |
احسنت والمباراة ضيعت سمعة الزعيم ما تدون هذي المباريات حتى لو كانت تكريمية تؤثر في تقييم الفريق دولياااا واحنا جالسين نضحك على أنفسنا ياناس هذي مباراة تكريمية وش فيكم ...؟ هذا كلام ما له قيمة الحقيقة النتيجة مؤثرة حتى في نفسية اللاعبين والجمهور، والمباراة محسوبة على متصدر الدوري السعودي ..؟؟؟ |
أولا هل تعلم كم حارس لعب : { محمد الدعيع - خالد شراحيلي - بدر الدعيع } هل تعلم كم قلب دفاع لعب: { أسامة هوساوي - أسامة المولد - خيرات - المرشدي - فلاتة } هل تعلم كم ظهير ايمن لعب : { الشهراني - الدوخي - الياس - سلطان البيشي } هل تعلم كم ظهير ايسر لعب : { الفرج - الزوري - شافي } ان شاء الله ما اكون نسيت احد او زدت احد بالتالي ياعزيزي الفريق حتى لا يعتبر ادى مباراة واحدة ، فكلما يتغير اللاعبين يبدأ الفريق مباراة جديدة ؛ وكلما يبدأون في الانسجام تتغير التشكيلة . ثم انك ياعزيزي تلعب امام اليوفي متصدر الدوري الايطالي الذي لو جلبنا خامسه او سادسه او حتى المركز الاخير فيه لفاز على الهلال ؛ فكيف بمتصدره والذي يعيش ابهى ايامه . فلندع كبرياء الفوز جانبا ليس كل فريق نريد الفوز عليه . نفسيات اللاعبين هي من تقودنا للمستويات الجيدة ، المشكلة أن اللاعبين يتخذون لأنفسهم حججاً تمنعهم من تقديم المستوى المبهر ، لست اعمل في تدريبات الهلال حتى أرى مايتكلم دول عنه ، ربما يحفز اللاعبين وربما لا ..!! ، من يدري ..؟!! |
^^ ياحبيبي انا مااتكلم عن مباراه امس فقط اقرا الموضوع كامل انا اتكلم من ايام باكيتا .. العنوان اصلا يتكلم عن الهلال من 10 سنوات وليس الان فقط !!! |
محلل صاحب فكر ,,,, مااااابعد كلامكـ كلامـ ,,,,,,,,,, |
المشكله توقيت المباراة جاء بعد مباراة الشباب بيوم واحد !! ولعبنا أمام يوفنتس بدون أجانب ومدرب سيئ وأجسام لاعبينا قصار القامه .. أنا متأكد لو لاعبين يوفنتس مغطين عيونهم كان فازوا علينا :cry: لاعبين يستلمون ويسلمون كور بطريقه صحيحه يسددون على المرمى بدون مايشاهدونه !! تأسيس اللاعب عندنا خطأ يجيك من الحاره للنادي مباشره عكس الأوربي من سن صغير وهو في الأكاديميه تحت إشراف مدربين متخصصين ويتدربون بالقليل 6 ساعات يوميا .. هذا الفرق بين اللاعب العربي والأوربي . |
اللي ينقص الهلال لاعب له شخصيه قويه على الفريق وعلى اللعبين يلعب من قلب ماابي اتكلم عن لاعب بس في العشر سنوات لاحظت تفاريس يلعب من كل قلبه والحين مع الشباااب الرووووووووووووووووووووووووووووووح هي اللي تقودك للفوز |
الروح في المباريات مطلوبة بقوة وهي احد اسباب الفوز بعد الله ...... لكن المدرب ماهو في طموح فريق بحجم الهلال ...................,...,..,..,..,..,.., |
إقتباس:
ااااه ياتفاريس:cry: تبي تعرف ليه لاعبين الهلال مافيهم روح لانه مافي الا لاعبين اثنين متصعدين من فئات السنيه (الشلهوب-العتيبي) البقيه كلهم جاين من انديه ثانيه |
إقتباس:
بس والله السالفه واضحه مايبي لها تفكير ... نبي مختص نفسي في الفريق :( |
| الوقت المعتمد في المنتدى بتوقيت جرينتش +3.
الوقت الان » 09:10 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd