نادي الهلال السعودي - شبكة الزعيم - الموقع الرسمي - أمي الأغلى // من قصايد البوم احساس ناس 2012

ّّ
أمّي الأغلى
//
جيت اكتبك فابيات شعري قصيده
ياللي غلاك اغلى من اغلى القصايد
إذا كتبت البيت ياامّي اعيده
خايف يجيك البيت مبلي وبايد
ياامّي ولو بكتب قصيده جديده
مهيب صعبه لكن القدر زايد
ينزل قصيدي لك وذكرك يزيده
يكفيني اسمك في قصيدي وحايد
يااقرب قريبه لو تكوني بعيده
صورتك في عيني تجيني عوايد
انتي غلا الدّنيا لقلبي وعيده
أنتي تراك من امّهاتٍ فرايد
يرتاح قلبي يوم اشوفك سعيده
يا علّ ما تقسى عليك الشّدايد
سجّيت بك يا طلقة الفكْر وقيده
ياامّي عليك هجوس فكري شرايد
لانك بصدري يالصّحيبه وحيده
وادري رضاتك مطلبي بس كايد
شفتي غرام اللي قصدْكْ فنشيده
صوته يجي مثل المطر والرّعايد
ينثر قصيدة شوق صفوة رصيده
يرجي ورى مكسب رضاك الفوايد
قولٍ ذكرته فااوّل القول اعيده
ياامّي غلاك اغلى من اغلى القصايد
كلمات / بندر الخنيفر
للأم الغاليه
"هيله"

على فكره
القصيده موجوده بالعمل الجديد
احساس ناس 2012
http://vb.alhilal.com/t1067401.html