بسم الله الرحمن الرحيم
كيف حالكم ايها الجمهور المغلوب على امـره
ندخل بالموضوع
صدق مو صدق ,, لا اكيد تستهبل البارحه الي شفناه هلالنا ..؟ ترى اتكلم جد , يعني حسيت ان الشباب الهلال و العكس غريبه مو قادر استوعب يعني للدرجه ذي وصل بنا الحال اننا قبل المباراة نقول ليتنا نطلع بالتعادل .. "يالله يارب نتعادل" < صدق او لا تصدق عزيزي القارئ هذا ماوصل له حالنا المرير تخيلوا معي فريق فزنا عليه قبل سنتين الدور الثاني بفريقنا الرديف وبدون اي جهد يذكر والحين نتمنى بس مجرد التمني ان نتعادل خوفا من كارثه قد تلقي بظلالها علينا ونخسر كل الذي بنيناه . انت روح يمين وانا يسار وانت خلك بالنص أوك؟
ترى مايعرفون يلعبون اذا جاك بس مرر لي الكورة وانا بسحب باثنين ثلاثه وبعطيك اوفر وانت اقفز بالهواء واضرب الكورة من فوق رأس افضل مدافع عندهم باختصار لان ماعندك احد .. كانوا يعرفون يلعبون بس نزل مستواهم ومصدقين انفسهم انهم راح يسوون شي بالدوري .
"بس ادارتهم كاش جايبين لاعبين بفلوس كثيره "
. عساك سالم بس خير يا طير دفعوا فلوس جابوا بضاعه تسوى الفلوس الي دفعوها ؟
ماتسوى يعني كنك يا ابو زيد ماغزيت
"بس سمعت ان مدربهم فاشل "
يَ عمــيَ المدرب مسكين بسبب تعنت الصناع المهره طالبوا براسه
ياخي تدري ان اللعيبه الاجانب ما اختارهم هههههههه فريق مدري وش يحس فيه
ويتهمون الضعيف ذا اللي اسمه بندول مادري دول
"عرفت وش الي ماتقدر تتكلم فيه , عندهم اداري اخذ شهادة تدريب من افضل معهد "
هههههههههههه يا حليلك صح انهم يحبونه وانا احبه بس الرجال ساحب عليهم ورايح يتمشى لا وقبلها يدرس وفريقه محتاج له والله شي يضحك .. وازيدك من الشعر بيت يبي يروح يدرب في انجلترا ,, ياخي اذا بتروح قول لهم مع نهاية الموسم موب في نص الموسم والفريق في مستواه درووووووب قوووي ووحاد يصل الى الاعماق .
"حبيبي عرفت وش اللي ماتقدر تقول فيه شي ,عندهم واحد مجنون كورة فلتة زمانه اسمه ايمانا"
بقولك شي يَ صاحبي ايمانا ذا قصته قصه صدق انه وحش ويفت بس المغلوب على امره مايلقى تعاون من الفريدي الي مسوي يوسف الثنيان , ولا الدوسري الي يسدد من كل مكان ( خف علينا يَ بيرلو ) .
"طيب بعد الكلام ذا كله ليه مافزتوا " ؟
يَ صديقي العزيز ربك ستـــر عليهم ولا كانوا الحين ماناموا ولا اعتزلوا مثل الناس
تدري يَ خويي ان امور النادي كلها كانت في يدي ؟
"كيف" ؟
لو انـي فزت هاه ( فــــــــــزت ) كان المدرب شاتوه وغيروا الاجانب وغربلوا النادي
هههههههههههه شفت انــي قوي ههههههههههههههه
" والله ينخاف منك "
طيــط انتهت الحكايه ..
ادارتنا العزيزه بقولك حاجه .. عندما تاتون بلاعب بسبب رغبت الجمهور فيه . مع احترامي انتم وش قاعدين تسوون ؟
ادراتنا العزيزه .. لو انهزمنا من امام الشباب كان شتوا المدرب .. طيب ليه ليه ليه
ياخي انت مقتنع فيه وجايبه اذا انت مو مقتنع ليــــــــــــــــــــه جايبه من الاول ليـــه يرحم امك جاوبني ..
ادارتنا العزيزه .. شوفوا لنا حل مع صناع اللعب ياخي ماصارت وربي شي يقهر ترى خلاص ياخي تعبنا صناع لعب طوال 14 مباراة صنعوا 4 اهداف خيــــــــــــــر يبوي وين عايشين فيه لا ويبون يسجلون ياخي احنا ليش حاطينك وسط يا ذكي لو نبيك تسجل كان حطيناك هجوم فعزيزي صانع اللعب ( مع نفسك )
" لا اسقط على اي نادي "
راجع نفسك واكتشف اخطاك وعالجها ياخي معرفة الخظا نصف الحل
عزيزي هوساوي عندما كان يلعب معك لي بيونغ بيو كنت منجم ويوم راح صرت ميـح
عزيزي ماجد المرشدي .. اسفين غلطنا عليك طوال المواسم الي مضت . نحسب العله فيك .. طلعت في ابو الشباب ابيدال العرب
عزيزي سلمان الفرج .. اصبر ان الله مع الصابرين اصبر واحتسب الاجر
ليـن يرجعونك لخانتك الاساسيه محور مع اننا نعاني من المحور الحين
عزيزي عادل هرماش . معروف ان لاعب المحور هو الداينمو حق الفريق ولازم يكون مولع طوال فترة المباراة وانا اشوفك امس في مباراة الامس كنك متعالي على الكورة مادري وش قصتك خصوصا في سحبتك لعطيف في المنطقة المحرمه ليتك سحبت ,قطعها منك ... وربك ستر
اشكركم اعزائي الزعماء
شطحه + امنيه
اتمنى ان لا يصل بنا الحال كما وصل اليه جارنا النصـــــــر
الوضع المتطور
