السلام عليكم ورحمة الله وبركاته


صباح الخير


اسمحولي ابي ادخل في الموضوع وابي اتكلم بالعامية



كلنا شفنا مستوى الهلال المتذبذب في الموسم هذا .. فمن وجهة نظري اقول من وجهة نظري والله من وجهة نظري ....... افهموووو يامشرفين لابد ان يتم عمل هذه النقاط في يناير والا والله ليكون موسم استثنائي للهلال من جد .



النقاط

1- تنسيق مو اعاره والا بيع عقده تنسيقه من النادي الفارس المغوار ماجد المرشدي هذا وش عرفه بالكوره قسم بالله انه ما يدري وين الله حاطه والمشكلة له 10 سنوات وهو نفس المستوى لا بنقص ما يزيد والادارات والمدربين مخلينه على كيفه يتخبط ويتمذرح وتاركينه انا والله ما الووووم المدربين يجي المدرب ويشوف جسمه يقول وش ذا الداهيه ويكتشف ان ماعندك احد والادها والامر ان ما فيه بديل بالنادي كلهم مثله وطقع شوي ,.


2- لا بد تغير المدرب الفاشل بكل ما تعنية الكلمة اتحدى اي واحد يعطيني تشكيلة لعب فيها دول مبريتين فاشل ماله شخصيه ولا يفهم في الكوره
3- ولابد بيع عقد المتكبر هرماش الله ياخذ شكله نفس الخطاء يعيده في مبراتنا مع الاتحاد جاء لنا فاول في نص ملعب الاتحاد ويناول الاطراف وتنقطع الكوره وترجع علينا هجمه مرتده واليوم نفس الحكاية .

4 - البيشي وما ادراك مالبيشي ههههههههههههه قسم بالله اني اضحك من القهر بالله البيشي يعرف يلعب كوره يوم يلعب مع زعيم اسيا ونادي القرن ماقول الا تورولكم صرفه فيه اعيروه ولا بيعو عقده ولا سرحوه لا نموت من القهر

5- الخال ( ايمانا ) لا بد من بيع عقده في اقرب وقت وجلب ولي .... بيني وبينكم ايمانا نجم بس عقده حوووووووووووووول وكرهه في السعودية كلها

6- الكوري يجب تصريفه وجلب مدافع اسيوي

7- لا بد من جلب ياسر الشهراني
8- لابد من جلب محاور ارتكاز
9- لا بد من تجليس حسن العتيبي في دكت الاحتياط لين يعتزل ويشركون بداله شرحيلي ترى قبلة فهد الشمري وضاع مستقبله على شان المجاملة





والسلام مسك الختام ..






همسة :. ارجاء من اخواني المشرفين عدم حذف الموضوع لان هذي وجهة نظري وانا حر مافيه الا المكان هذا اللي نفضفض فيه لزعمااء

اتمنى عدم الزج بالمرشدي والعتيبي والفرج لانه بكل صراحه
مستواياتهم هابطه . .
اريد سبب واحد لمااذا لا ياخذ خالد شراحيلي مكان العتيبي ؟
في للقطات للتسديدات تمر من جنب القائم والعتيبي يتفرج . . ! !

معااك حق مشكووور يعطيك العافية

هرماش افضل لاعب في الهلال في هذه الفترة مع الشلهوب والفرج والبيشي

اقول شكلك ماشفت المبااراة (( المرشدي + هرماش )) قدمو مستوى جيد جدا

اتفق معك في عودة ولي واحضار مدافع اسيوي

ابي اعلق على نقطة سلطان البيشي !
بالعكس اليوم كان رائع وافضل اللاعبين , هضمت حقه صراحة

اول شي هذا ليس باسلوووب نقد ...


هرماش لاعب كبير وهو افضل لاعب في الهلال وبلامنازع ...


المرشدي لاعب ضعيف ومنتهي لكن نتمنى من الاداره تنسيقه لاني لا اتوقع نادي يريد مصلحته

يشتري المرشدي ...


دمتم زعماء .,.,.,

إقتباس الرسالة الأصلية كتبت بواسطة عبدالله عوض المطيري السلام عليكم ورحمة الله وبركاته 1- تنسيق مو اعاره والا بيع عقده تنسيقه من النادي الفارس المغوار ماجد المرشدي هذا وش عرفه بالكوره قسم بالله انه ما يدري وين الله حاطه والمشكلة له 10 سنوات وهو نفس المستوى لا بنقص ما يزيد والادارات والمدربين مخلينه على كيفه يتخبط ويتمذرح وتاركينه انا والله ما الووووم المدربين يجي المدرب ويشوف جسمه يقول وش ذا الداهيه ويكتشف ان ماعندك احد والادها والامر ان ما فيه بديل بالنادي كلهم مثله وطقع شوي ,.

إقتباس الرسالة الأصلية كتبت بواسطة السؤال من للهلال؟ هرماش لاعب كبير وهو افضل لاعب في الهلال وبلامنازع ... المرشدي لاعب ضعيف ومنتهي لكن نتمنى من الاداره تنسيقه لاني لا اتوقع نادي يريد مصلحته يشتري المرشدي ... دمتم زعماء .,.,.,

كل شي واضح .. الجمهور اغلبه فاهم كورة ..
لم يتبقى الا قله .. لا تفهم ولا تعي ما هي كرة القدم ..
ما أدري على أي اساس .. الإدارة تصبر على هالمرشدي ..
يمكن عنده واسطه أكبر من رئيس النادي ..
كل شي جايز .. الله أعلم .. ولا حول ولا قوة إلا بالله

اسمح لي اختلف معك الفرج (يلعب في غير مركزه)البيشي المرشدي جيدين وحسن يمكن اليوم غلط الكوره الي تركها له المرشدي وتاخر فيها رغم اني اوافقك بشراحيلي كاساسي لكن ليش ماشفت وش سوى هوساوي في هدف هجر وما احد جاب له طاري اذا كان على ذكر الاخطا وهدف الخروج من اسيا وهدف زيايه وووو اتمنى ان نكتب عن الجميع وللهلال فقط تقبل اختلافي

البيشي كان افضل لاعب هلالي في مباراة الشباب وايضا المرشدي وهرماش قدموا مستوى جيد انا اتوقع انك شايف مباراة غير مباراة الهلال هههههه

وشكرا...!!!!!!!!!!

فواز فلاته راح ياخذ مكان المرشدي ان شاء الله

انا معك بنقطة المرشدي والكوري وايمانا وقبلهم ترحيل السباك دول

لكن اختلف معك بنقطة البيشي ماشاء الله الجهه اليمنى تسكرت في وجه الشباب وصارو يركزون على الفرج من الجهه اليسرى

ومانلوم الفرج لانه يلعب بغير مركزه وهرماش صح اليوم ماقدم اللي عنده 100% لكن اللاعب كبير وعنده مايقدم للهلال

انت تتكلم من جد والا تمزح وش في هرماش ياخي تكلم بالمنطق لاتكلم بعاطفتك
ثانيا البيشي ههههه مادري انت متاكد من كلامك والا تمزح سلطان لاعب تركيزه عالي طول المباراة وردة الفعل سريعه عنده اما ايمانا فالله يستر عليه