إلى عبدالرحمن بن مساعد مع التحية || أرخ جيبك للاعبين المحلّيّين ، دفاع ملطشة = نتايج زفت .. دفاع شنبات = نتايج تطيب الخاطر - نادي الهلال السعودي - شبكة الزعيم

Y o u s e f · #1 05/01/2012, 02:32 AM

للي راح يرد بدون لا يقرأ الموضوع أختصر لكم إياه .
دفاع الهلال زفت .. أشتروا مدافعين زي الناس .. أرخ الجيب يابو مساعد ..
إذا تبغى آسيا !

رسالة عتب من محب لعبدالرحمن بن مساعد والهلال .

الفريق اللي يبغى ينافس على جميع البطولات .. لا لا خلونا نقول اممم الدوري وآسيا .
اللي يبغى ينافس على هالبطولتين لازم يرخي الجيب يابو فيصل

اللي يبغى ينافس فرق شرق آسيا وحتى غربها لازم تكون دكة البدلاء مثل الأساسيين .!
إذا كان الأساسي ماجد المرشدي وعبدالله الزوري .. كيف بتكون دكّة البدلاء ؟

كيف تبغى ننافس على البطولات وعندنا دفااااع شوارع زي الززفت يابوفيصل !
لا الأساسيّين ولا الإحتياط .. البيشي ونامي والزوري والفرج تتوقع راح يلحقون
الفرق اللي مستعدّه صح وعندها هجوم قوي ؟

الفرج والبيشي اللي ملطشوهم ياتارا ومدري منهو الثاني تبغاهم ينافسون ع بطولة
آسيا مع فرق مجهزة حالها ؟

الوضع أزمة يابن مسااااعد .. الدفاع عندنا والله وبالله أنه ماينافس على ولي العهد بهالسنة !

العام وقبله كان موجود لي يونج مع هوساوي وكنّا نهضمها ونبلع الأخطاء .
لكن السنة هذي كانت قاصمة ظهر البعير وظهورنا بعد

الدفاع يابو مساعد والله أهم من الهجوم أهم من أنك تدفع ملاين على مهاجم !
ليش الإتحاد أخذ دوري أبطال آسيا بكل سهولة ؟ لأن دفاعه كان جااااامد

ليه إيطاليا أخذت كأس العالم 2006 ؟ لأن دفاعهم كانوا شنب !
بعد ماراحوا وعجّزوا الشنبات طلعوا من الدور الأول بـ 2010

وش يضر ياسمو الأمير لو تعاقدت مع عقيل بلغيث ولو كان بسعر مرتفع ؟
وش يضر لو أخذت حسن معاذ وياسر الشهراني بسعر مرتفع
مادام نتيجة الشغل حصد البطولات ؟

من بغى الدّح ماقال أح ياسمو الأمير .!

المحلّيّين أهم من الأجانب والله أهم من هرماش ومن وليهامسون ومن رادوي والعربي .!

المثالية الزايدة عن حدها ياعبدالرحمن بن مساعد والله ماراح تنفع الهلال .
بانادول ليه يقعد وهو من أضاع هيبة الهلال ؟!!!

والله شيء يقهر يقهر يقهر والله منقهر لأبعد درجة .!
الفريق يفوز بمجهوووووود اللاعبين وتقول حنّآ حاطين الثقة بالمدرب !

أي ثقة وأي خرابيط يا ريّسنا ؟

فوزنا على النصر وعلى نجران وعلى الأنصار وعلى هجر ماهو مطلبنا !
مطلبنا نفوز على ذوب آهان وعلى الفرق الكورية بآسيا ياطويل العمر.!

تقول الفريق بالصّدارة ليه الجماهير زعلانه من الفريق ؟
أرد عليك وأقول الدوري السعودي "ماعندك أحد" .!
أجل الشباب اللي يقاله مكسّر الدنيا بهالموسم نطلعه مع متعادلين ؟!!

والله راح ناكلها بآسيا وبنطلع من الدور الأول وأذكرك .

ليه ما نخلّي ماجد الرشدي إحتياط أو نبيعه ونستفيد من مبلغه بجلب مدافع زي العالم ؟
محمد نامي وعبدالله الزوري وطقّتهم والله ماراح نآكل عيش بآسيا معهم !

ياجماهير الهلال .. أتركوووكم من العاطفة الزااائدة ! محمد نامي ممتاز
وأكثر من ممتاز على هجر وعلى القادسية وعلى النصر .!

الزوري والمرشدي والله لو تحطهم مع سدوس مانفعوا !

خلوا نسبة الأمل في أنهم يبدّعون قليلة .. لأنه السيء راح يبقى سيء مهما حصل
ومهما لقي من دعم من الإدارة ومن الجماهير ووو إلخ

مادري وش أقول يابن مساعد .. غير الله يعيننا ع هالموسم .

Yousef

صقر المساعيد · #2 05/01/2012, 02:34 AM

يعطيك العافيه + توقيع المخالصة مع الغنام لا تنسى
الاجانب
فرنانديز او تيم كاهيل
ولي
هرماش
اسارديا

ماجد الصيخان · #3 05/01/2012, 02:39 AM

كلامك عين العقل المحلليين هم الأهم حاليآ

ولا ننسى تصريف الغنام والفرج لأقرب نادي

ع ـيون حائل · #4 05/01/2012, 02:37 AM

يعطيك العافيه يالغالي + توقيع المخالصة مع الغنام لالالالالالامو مخالصه نعطيه القادسيه مع فهد الشمري مقابل الشهرني
لا تنسى
الاجانب

فالديفيا
فرنانديز او تيم كاهيل
ولي
هرماش
اسارديا
وووووووووووووووووفالك الطيب

***الزعيمه امولي*** · #5 05/01/2012, 02:37 AM

لالالالالالالا تعليق

يعطيك الف عافيه

زعيم القرن21 · #6 05/01/2012, 02:43 AM

كلامك عن الدفاع لا غبار علية
و المرشدي بإختصار = نكبة
تعرفون الشعر مشغلة يحاول يسوي نفسه مثل مدافع البرشا الاسد ههههه لقبوه به و خلوه يرتاح و ينبسط يمكن يرجع مستواه

المصيبة الثانية هي المدرب الداهية العبقري ذو التاريخ العريق تعرفون دول في رصيدة 90 بطولة مختلفة مع 10 اندية = 0

مدير الفريق الان ترقى و صار مدرب او مساعد مدرب و ارتقى عن الفكر السابق = لا بد من مدير فريق آخر و ليكن فيصل ابو 2
لانه على الاقل صريح و لا عنده مجاملة و منضبط حتى لما كان لاعب حتى ايام التحليل تحس عنده فكر عالي

تفـداك رووحي يالزعيم · #7 05/01/2012, 02:46 AM

كلاااام سلييييييم تشكر ..,,ّ
ولو إنو اللعيبة المحلين مايستفاد منهم شئ أحسن شئ المسآآومة بهم ....

Y o u s e f · #8 05/01/2012, 02:52 AM

مشكورين ع المرور ... وشيء يرفع الضغط بجد !

زعيم القرن21 · #9 05/01/2012, 02:57 AM

و انا سوف أذكركم إذا جائت مباراة الهلال و النصر بعد اسبوعين تقريبا ( كاس ولي العهد )
اذا بقي دول لهذه الفترة سوف يفوز النصر بكل أريحية و الله أعلم
و بعدها سيتم إقالة دول لإمتصاص غضب الجمهور
لان ما احد يتحمل هزايم الديربي خاصة الهلال بعد ان حافض سنوات على الفوز او التعادل

هلالى وكلى ذوق · #10 05/01/2012, 03:12 AM

نبى لاعبين محلين على مستوى عالى فى مراز الضعف لدينا ولا راح جهودك يروح بلاش يابو فيصل حفظك الله

ماجد

الهارب1 · #11 05/01/2012, 03:17 AM

اتمنى كلامك يوصل للأداره لأنه هو عين العقل وبالذات المرشدي اتمنى اشوف الهلال
بدون هالمرشدي مع احترامي لشخصه

يا بعد الدنيا · #12 05/01/2012, 03:39 AM

الظاهر أنك ناسي حسن العتيبي

و الفريدي

و الغنام كلينك

زعيم بن مهرس · #13 05/01/2012, 03:41 AM

تكفى يابو فيصل يالغالي الهلال لا يضيع
تكفى يابو فيصل يالغالي الهلال لا يضيع
تكفى يابو فيصل يالغالي الهلال لا يضيع

محبكــ / ماجد زياد الحارثي

مهجدة جمهورالحالمي · #14 05/01/2012, 03:51 AM

اججل نامي ممتاز ! الا والله العله نامي والزوري والمرشدي وخيرات والغنام

كلهم اجمعوهم مع فهد الشمري وعطوهم القادسيه وجيبو الشهراني والله يسواهم كلهم بالعب

وطلعو لنا رضوان مع هوسساوي بالدفااع ويكون احتياطه سلطان الدعيع

والاظهر فيه ششافي والبيشي والفرج والشهراني اذا جااء

بيناير ماتوقع يمدي نتعاقد مع صانع له مكانته مثل فالديفيا وفرنانديز

لاكن بيناير الافضضل ولي ويصير الموسم الججاي ي فالديفيا ي فرنانديز بالزعيم

رحيل الكوري وجلب هوندا لاعب اليابان

واهم شي السباك دول وتخلي الاداره المجامله الزايده والمكابره

رغم اني ادري والله لو نتكلم من اليوم لبكره ي الاداره ماتعطينا وجههه !

ولا فيه رئيس نادي عااقل يخلي دول لين هالفتره ! ماباقي شي على اسيا والدوري كل المباريات مباريات حسسم !

اااااااااااااه بس هلالنا راح راااااااااااااااااااااااح هالموسم موسم للنسيان !

ابوالدوووني... · #15 05/01/2012, 04:06 AM

كلام عين العقل ....وتسلم اناملك
بس المهاجم ضروري .. ومحلين خط دفاع
وانشاءالله في العلالي