|
تلخيص لحال الهلال في الدور الاول والجولتين 14 و 15 في الدور الثاني ووجهة نظر خاصه بي انا السلام عليكم ورحمة الله وبركاته اعزائي جمهور الهلال العزيز ما ساكتبه هنا هي وجهة نظر خاصه بي انا ويعلم الله اني اكتب ما اراه بدون مجاملات لاحد سواء كان لاعب او غير ذلك كثر في الاونه الاخيره مطالبات الجماهير وسخطها على المدرب وبعض لاعبين الفريق وانا سالخص ما اراه انا بغض النظر عن جميع وجهات النظر الاخر اللي بلا شك انني احترمها جدا اولا نجي للهلال كعناصر جميع عناصر الهلال اللي يمثلونه الان هم دوليين وتم اختيارهم من جهات اخرى لاتمت للهلال بصله مثل الاجهزه الفنيه والاداريه في المنتخبات السنيه والمنتخبات الاخرى بالنسبه للاعبين الاجانب وهذا يجعل الهلال من الناحيه العناصريه في مقدمة الفرق الاخرى وان كانت هنالك افضليات فهي بلا شك ليست بذلك التاثير مثلا لو قلنا انا بعض الجماهير تطالب بظهير ايمن وخصصنا بالاسم اللاعب المبدع ياسر الشهراني نجد مكانه لاعب الهلال القادم بقوه باذن الله سلطان البيشي انا ومن خلال وجهة نظري ارى ان ياسر ممياز والبيشي ممتاز ايضا الفرق اللي بينهم ان ياسر اخذ فرصه اكبر من البيشي كلاعب اساسي في فريقه لكن لازال البيشي يحتفظ بخانته في المنتخب الاولمبي كلاعب اساسي حتى لو كان بينهم فرق لن يكون بذلك التاثير بصراحه مانحتاج لاعبين محليين في خانة الاظهره ولا حتى الوسط ولا حتى الهجوم وانا اجزم لو الهلال فتح المزاد على لاعبيته لم يبقا منهم احد وستتسابق الانديه على جلبهم مهما كان الثمن والادله كثيره عمر الغامدي وخالد عزيز والبرقان والمحياني الان حتى لو كان اللاعب الهلالي في اسوء حالاته ستجد من يطلبه ويدفع فيه الثمن المجزي وعندنا خالد عزيز دليل على ذلك والالمبي الهلالي يوجد فيه اسماء تستحق الاهتمام وستثبت نفسها ان شاءالله في القادم من الايام الاجانب عندنا فايف ستار عندي تحفظ على الكوري رغم اني اعجبت به في اولى مشاركاته مع الهلال ولكن ما ادري وش جاه طبعا ايمان لاعب كبير ومبدع ولكن اتوقع انه لاعب متعب في تعامله مع التمارين والمدرب لذلك اتمنى ان تطبق الاداره الهلاليه في حقه نظرية التفاحه الفاسده وهي ادرى بخوافي الامور واكفء هرماش لاعب مبدع وواثق ورافد قوي للاعبي الوسط والهجوم ولكن هرماش لاعب يحتاج من يقف بجانبه وخاصه في المباريات القويه حتى لايستنزف لاياقيا ولاينكشف دفاع الهلال امام الخصم مثل ماشفنا في المباريات الكبيره. واخرها مبارات الشباب الاخيره لذلك لا لوم عليه العربي بصراحه لاعب حرام نفرط فيه لاعب بكل ماتعنيه الكلمه من معنى صح ثقيل لكن ثقيل على الخصم ايضا بس العربي يبي في جنبه راس حربه من نوعيه سعد الحارثي او ياسر القحطاني لو عاد الى الهلال او ولهامسن اذا مال الى الاطراف يعني يبي من يكون خلفه مهاجم خارج الصندوق يعني مو مثل عيسى او مثل الكوري لانهم كلهم لاعبي صندوق فقط ومتى ماطلعوا برى الصندوق فقدوا هويتهم في الملعب ... الهلال السنه ذي يفتقد شيئين فقط يفتقد حسن العتيبي الموسم اللي راح والمدري صاحب التكتيك المناسب وفيه حاجه ثانيه مدري وش تفسيرها احس ان لاياقة اللاعبين منخفضه كثير وهذا ربما راجع للاجهاد وبصراحه المدرب الجيد هو اللي ينوع في اللاعبين حسب اهمية المباراه فمثلا لو لعب بالاسماء اللي توها صاعده من الاؤلمبي في مباريات الانصار وهجر القادسيه والفيصلي والرائد مع احترامي لهذه الانديه بشرط انه مايضيع هوية الفريق يعني يغير من عنصرين الى ثلاث عناصر وخاصه اللاعبين اللي اجهدوا كثيرا مثل الزوري اسامه هوساوي الشلهوب الفريدي العابد لكن بصراحه في نهاية المطاف المدرب مجتهد ولكن لايناسب الهلال ولا حتى الكره الاسويه ومن الملاحظات عليه اللي هو المدري انه لايعرف الحفاظ على الاطراف والعمق في ان واحد فهو اما يغلق الاطراف بان يجعل الوسط الايمن والايسر يعودون مع الاظهره وينفتح العمق مثل مباراة الشباب الدور الثاني او يغلق العمق بان يجعل كل لاعبية الوسط يتكتلون امام منطقة القوس وتنفتح الاطراف مثل مباراة الشباب الدور الاول وبذلك انا الخص مشكلة الهلال في 1_الحراسه 2_المدرب 3_اللياقه اذا اعيد ترتيب هذه الاشياء باذن الله سكيون الهلال كما عهدناه بل افضل بحول الله وقوته وبخصوص الحراسه انا اجد شراحيلي يجب ان ياخذ فرصته وبصراحه انا اجده انسب في هذه الفتره من حسن حتى يعيد حساباته ويرتاح شوي ....... امنيه خاصه اتمنى لو قدر واراد الهلال ان يتعاقد مع مدرب جديد اذا مارجع قرتس اتمنى تكون الوجهه القادمه للهلال اما البرازيل او هولندا فقط فهاتين المدرستين هي الانسب للهلال في هذه المرحله فطريقة اللعب في هاتين المدرستين سريعة الفهم لدى اللاعبين مجرد امينه اتمنى ان اكون وفقت فان اصبت فمن الله وان اخطات فمن نفسي والشيطان ((سبحانك اللهم وبحمدك اشهد ان لا اله الا انت استغفرك واتوب اليك)) والله من وراء القصد |
الهلال ينقصه الانسجام وينقصه ولهامسون ورادوي والعب من لمسه مالها داعي المهارات الفرديه تضيع الفريق لازم تفعيل الاطراف بعودت ولهامسون والعرضيات الي ماكانت تترجم في الموسمين الماضيين لعدم وجود ماجم مثل العربي والكوري كان ولهامسون في المباراه الواحده يرفع عشرين عرضيه ولا نستفيد منها شيء رجعو ولهامسون وتشوفو الاهداف انواع واشكال |
لبى قلبك ياشيخ انتاا حارثي ولا عتيبي يلعن اممممممممممم الشطحة ملقوف صح |
إقتباس:
وانا معك في وجهة نظرك ما اختلفنا ابد وجود ولي مهم في هالمرحله لانا في جاجة تفعيل الاطراف الهجوميه والان حتى على الصعي العالمي الفريق اللي مايملك اطراف قادره على صناعة الفرص لايقدم شي ابد ولا يستطيع مقارعة الفرق الاخرى اللعب اطرااااااااااااااااااااااااااااااااااااااااااااااف متى مافعلت بالشكل الصحيح حتى العمق يفعلا تلقائيا لان تركيز الفريق الخصم بينصب على تقفيل الاطراف وبيفتح العمق والمهاره مطلب ضروري ولكن المقننه وليست مسالة اني ادخل كبري او اعدي من لاعب اسمه فلان او اني اتجاوز لاعب واذا سمعت صيحات الجمهور رجعت له عشن اضحكهم مره ثانيه انا اقول ان يتجاوز اللاعب الخصم واتجاهه للمرمى وهنا يفتح اللعب لزملائه ويقلص عدد الفرق الخصم ويربك تمركزهم بالتالي هنا المهاراه هي المطلب الف شكر لتعليقك المهم |
المدرب هو اساس تدهور مستوى الهلال |
احترم وجهة نظركـ,,,,,,,, باااااااالتوفيق للزعيمـ,,, |
ماشاء الله طرح رااائع جدا انا معاك في كل شي قلته بس ااكد لك ماينقص الهلال هو اللياقة + اعادة الثقة لبعض اللاعبين + التحرك بدون كرة + عودة ولي لو لاحظنا ان وسط الهلال فيه بعض البروود من بعض اللاعبين لم نعهد من قبل وجود هذا البرود ما ادري شالسبب وفيه مشي زيادة عن اللزوم بالكورة والمفروض يكون اللعب لمسة وحده لزعزعة دفاعات الخصم اشكرك ع الموضوع تقبل مروري البسيط مجرد رائي |
اتمنى اذا راح يتغير المدرب يجلس ايمانا لانه لاعب كبير جدا جدا وقالها ابو فيصل ايمانا لولعب كامل لعبه بيصير افضل محترف مر على الدوري السعودي والمدرب هو سبب راجع مستوى ايمانا والاعبين واكبر دليل يوم قال ان الاعبين مايتعاونون معي |
إقتباس:
انا عتيبي وانا اخوك |
إقتباس:
المدرب هو اساس تدهور الفريق صدقت وانا اخوك شكرا لمرورك وتعليقك |
إقتباس:
اهلا بمرورك الكريم وشكرا الف شكر . |
إقتباس:
واللياقه شي اكيد |
| الوقت المعتمد في المنتدى بتوقيت جرينتش +3.
الوقت الان » 04:04 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd