السلام عليكم

مساكم الله بالخير جميعا..

بغض النظر عن المقارنات مع الدوريات الاخرى .. اشوف الكالشيو هالسنة غير بصراحة ..

تنافس رهيب على المقدمة وصراع كبير حتى في المنتصف والمنطقة الدافئة ...

اودونيزي ونابولي ولاتسيو فرق خسرت شركات المراهنات كثير هالسنة ، وصحوة روما وانتر وتنافس اليوفي وميلان تعطينا اشارات بدور ثاني خرافي من وجهة نظر خاصة راح تاثر فيه كثير انتدابات يناير وغرفة العلاج !!

ميلان بصراحة مايطمن ، والتخدير الاعلامي اللي نشوفه على ميلان العظيم والجبار والمدري ايش كلها راح تأثر سلبا بينما غالبا نشوف الصحافة اليوفاوية ما تمدح النادي او اللاعبين بقدر ماتمدح كونتي .. وهذا شي من صالح اليوفي فالضغط على كونتي اكثر ويحاول يسحبه من لاعبيه ..
انا ما اقول ميلان ضعيف ابدا .. لكن اقول المستوى يخوف والقوة الهجومية ضعفت كثير بعد كاسانو .. ويمكن المشاكل النفسية لروبينيو وباتو لها اثر كبير بعد ..


اليوفي فريق كبير ، ومستواه تقريبا ثابت ، له ميزة اللعب محليا وميزة الفوز بالكلاسيكو الاول ومدربه لحد الان مميز وهالاشياء تخليه افضل من وجهة نظري حتى مع القوة الهجومية للميلان الا ان القوة الهجومية لليوفي مايستهان بها ... كل الامل باصابة لماركيزيو الى نهاية الموسم ويرجع للمنتخب قبل اليورو خخخخخ


بصراحة افتقدنا مفاجات ديربي السامبدوستا ، سامبدوريا في السيريا بي وجنوى هالسنة مو جنوى السنوات اللي راحت ، ياليت نشوف مستويات افضل في الدور الثاني ..


رانييري .. كعادته الكريمة .. يسوي الهوايل بكم جولة وبعدين يجيب اعياد السنة كلها مرة وحدة خخخخخ ، وليت اعياده هالسنة تبدا الاحد الجاي في الديربي ..



الجزيرة .. او الحقيرة .. ما يكفيهم هالاستديو اللي يحوم الكبد 3x3 والمحلل يجيبون لك صورة ظهره وحاشرينهم بذيك الغرفة .. وما يكفيهم الحماقات في احقيات النقل في الدوريات ودوري الابطال .. تجي تحرمنا من جولة متعطشين لها بالحيل بعد التوقف .. والمشكلة ماتدري وش عذرهم ناس تقول اللي ماجدد وناس تقول تغيرت الترددات وناس تقول تشويش !! وكل هالاعذار ما تشفع انهم ينقلون الليقا ويهملون الكالشيو !! الله يعيننا عليهم وحسبي الله عليهم !!


--------------

رد خاطف على سريع ، نسلم فيه على الشباب واقول بيض الله وجيهكم ، ووالله اني مشتاق بالحيل للاستديو والهواش والمشاكل لكن ظروف هالدنيا الله يعين عليها ...


تحية للجميع هنا ، وتحية خاصة للهلالي وصل على التقديم ، ولمشرف الكالشيو عبدالهادي ولجميع الشباب القدامى والجدد ..


ابو فاطمة : اشتقنا لك يا .......