بالنسبة لي انا واعوذ بالله من كلمة انا من اربع سنوات مستحيل افوت مبارة للهلال بالرياض


لكن عزوف الجماهير اعتقد حسب وجهه نظري

تشبع الجمهور من الحضور وهالشي واضح حدود 20 مبارة تلعب بالرياض

صحيح غيرنا يتمناها لكن هذا الواقع

ثاني شي اعتقد المعاملة السيئه من الأمن

سوء التنظيم لاكراسي نظيفة ولا خدمات زي العالم والناس

بالنسبة لليوم واضح ان الاختبار له دور كبير على عزوف الجماهير


بوجهه نظري اذا ترقمت الكراسي على رقم التذاكر راح يتغير الحضور 180 درجة

يكفي انك تروح وانت عارف وين بتجلس

انا اعرف اشخاص كثيرة مايحضرون عشان سالفة الكرسي يعني يقول مشوار والله اجي قبل المبارة بثلاث ساعات ساعتين عشان احصل مكان مناسب بالواجهه

واذا جاء قبل المبارة بنص ساعة كل الامكان اللي بالواجهه محجوزة

بصراحه جمهور الرياض صحيح
لك عليه
لكن أنا اللحين اتكلملك عن مبارات
اعتزال الدعيع الحضور كان جيدجدا
لو كان هذا الاعتزال مثلا في نهاية اختبارات
الطلاب كيف سيكون الجمهور .....؟
ولكن بالنسبه لمباريات الدوري فالحضور السنه
هذي بالذات قليل قليل جدا والعتب يكون هنا
لماذا

والله فكره حلوه ..

بس ماالومهم بعد من منعوا مكبرات الصوت بالملاعب وجماهير الانديه تنخفض شيئا فشيئ

بالتوفيق يارب

بصــرااحة جمهوور الريــاض مقصر مقصر وبقــوة بعد ..
بتقوولون اختبارات .. مباراة الاتحااد ماكانت في وقت اختبارات وكان الحضور مخجــل .. في مباراة التتويج العام الماضي بكأس الدووري بــرضه الحضــور موو قد كذاا وبرضه ماكانت وقت اختبارات ...

يعنــي اوول كنا ننتقد الحضوور في المباريات العادية .. الحيــن صار الوضع اسوأ حتى مباريات جماهيرية مايحضــرون ..


ولااحــد يتعلل بالمستــوى السيء => هذآ موو منطــق مع احترامي .
الجمهوور المخلص اللي يقف مع الفــريق في السراء والضراء ..
طبعـــآآ .. نوجه الشكــر لكل اللي يحضرون المباريات والالترااس الهلالي ..

تقبــل مرووري ..

انا اقترح نقل مقر النادي من الرياض لان جمهور الرياااااااااااض مدري ش يبي

اممممممممممم
صعبة شوي

الفكرة رائعة وتحتاج بعض الضوابط حتى تكون اكثر فاعلية وفائدة الله يعطيك العافية

إقتباس الرسالة الأصلية كتبت بواسطة عطرالليل الأزرق الفكرة رائعة وتحتاج بعض الضوابط حتى تكون اكثر فاعلية وفائدة الله يعطيك العافية

والله الشي الوحيد الي حز في نفسي حضور الجماهير في مباراة الشباب خاصة
فععلا في تقصير من حبايبنا في الرياض احيانا مش دايما
----------
هنا في جدة والله الملعب فلللللل لو جاء الهلال في الشرقية في المدينة جمهور جمهور
----------
عتبي عتب محب للكيان الهلالي اتمنى من الادارة انها تعالج العزوف الجماهير الهلالية - الادارة قادرة على استعادة الجماهير وحضورهم بطرق مختلفة كثيرة راح اطرق اليها لاحقا

تحياتي

إقتباس الرسالة الأصلية كتبت بواسطة Who IS Next والله الشي الوحيد الي حز في نفسي حضور الجماهير في مباراة الشباب خاصة فععلا في تقصير من حبايبنا في الرياض احيانا مش دايما ---------- هنا في جدة والله الملعب فلللللل لو جاء الهلال في الشرقية في المدينة جمهور جمهور ---------- عتبي عتب محب للكيان الهلالي اتمنى من الادارة انها تعالج العزوف الجماهير الهلالية - الادارة قادرة على استعادة الجماهير وحضورهم بطرق مختلفة كثيرة راح اطرق اليها لاحقا تحياتي

آلأحضور آمس كآن ضعيف جداَ ..

جمهور آليوفي آمس آمتعنآ صرآحه ,,

حبايبي اللي يلومون جمهور الرياض انا بلخص لكم الاسباب بشكل عام وخاص

بشكل عام انتو مو حاسين بمشكلة الزحمة الاليمة اللي بالرياض لدرجة انك قضي بين 5 الى 7 ساعات كلها عشان تحضر مباراة

نقول كل شي يهون لاجل الزعيم طيب اذا وصلت للملعب وش بتلقى؟؟

اجراءات امنيه مدري من وين جايبينها كانك داخل سجن مو تحضر مباراة
ممنوع تدخل القلم , السبحه , السجادة , المويه والعصير , الحب فك كيسته وكبه بمخباته
ممنوع دخول اي علم عليه كتابات ,,, تدخل الملعب تلقى سطر كراسي محجووووز والعسكر حاجرين ام العالم بقرنه وحده وممنوع تروح اي مكان بالملعب مع انه من حقك
تبي شي تبل فيه ريقك تلقى لك ببسي رايحه غازاته وحار والا بسكوت ابو ولد منتهي لا وممنوع تدخله معك داخل الملعب اشربه برا عند دورات المياه وانتو بكرامه
عدم تقدير من الاخوان المدخنين (ياخي الله بلاك بالتدخين لا تخيس العالم) يطق الواحد زقارته جنبك وانت اللي تدخنها

وفوق هذا كله تجي للمباراة عشان تشوف مطرسة المدرب وشوي من استهتار الفريدي وعك الشلهوب وبطء العربي ونكبات العتيبي والمرشدي وفهاوة هوساوي

هذا بشكل عام


اما بشكل خاص انا عندي مايفوق عن 900 تذكرة دخول لمباريات الهلال محتفظ فيها من عام 1419هـ وسبق وزرت اغلب ملاعب مملكتنا الحبيبه ولكن الملاعب هذي صارت مقابر من بعد حضوري لملاعب السد والغرافه القطريين والاهلي والجزيرة الاماراتيين

ياخي تحس انك في بنقلاديش وهم باوروبا من فرق الاتنظيم والإنشاء والبنية التحتية


هذا اللي حبيت اعلق عليه واتمنى محد يلوم جمهور الرياض

تحيتي للجميع

إقتباس الرسالة الأصلية كتبت بواسطة حضور طاغي حبايبي اللي يلومون جمهور الرياض انا بلخص لكم الاسباب بشكل عام وخاص بشكل عام انتو مو حاسين بمشكلة الزحمة الاليمة اللي بالرياض لدرجة انك قضي بين 5 الى 7 ساعات كلها عشان تحضر مباراة نقول كل شي يهون لاجل الزعيم طيب اذا وصلت للملعب وش بتلقى؟؟ اجراءات امنيه مدري من وين جايبينها كانك داخل سجن مو تحضر مباراة ممنوع تدخل القلم , السبحه , السجادة , المويه والعصير , الحب فك كيسته وكبه بمخباته ممنوع دخول اي علم عليه كتابات ,,, تدخل الملعب تلقى سطر كراسي محجووووز والعسكر حاجرين ام العالم بقرنه وحده وممنوع تروح اي مكان بالملعب مع انه من حقك تبي شي تبل فيه ريقك تلقى لك ببسي رايحه غازاته وحار والا بسكوت ابو ولد منتهي لا وممنوع تدخله معك داخل الملعب اشربه برا عند دورات المياه وانتو بكرامه عدم تقدير من الاخوان المدخنين (ياخي الله بلاك بالتدخين لا تخيس العالم) يطق الواحد زقارته جنبك وانت اللي تدخنها وفوق هذا كله تجي للمباراة عشان تشوف مطرسة المدرب وشوي من استهتار الفريدي وعك الشلهوب وبطء العربي ونكبات العتيبي والمرشدي وفهاوة هوساوي هذا بشكل عام اما بشكل خاص انا عندي مايفوق عن 900 تذكرة دخول لمباريات الهلال محتفظ فيها من عام 1419هـ وسبق وزرت اغلب ملاعب مملكتنا الحبيبه ولكن الملاعب هذي صارت مقابر من بعد حضوري لملاعب السد والغرافه القطريين والاهلي والجزيرة الاماراتيين ياخي تحس انك في بنقلاديش وهم باوروبا من فرق الاتنظيم والإنشاء والبنية التحتية هذا اللي حبيت اعلق عليه واتمنى محد يلوم جمهور الرياض تحيتي للجميع

فاقد الشي لا يعطيه ياجماهير الزعيم بالرباض

عوافي اخوي

قاله البلطان جمهور منتديات

وازيد على كلام البلطان جمهور مباريات خروج مغلووب