05/01/2012, 02:38 AM
|
| زعيــم متألــق | | تاريخ التسجيل: 17/01/2011
مشاركات: 1,066
| |
| من جد كل واحد يمسك لاعب ويجدع فيه >>> يجدع يعني ينقد للغير الفاهمين للمعنى !!
ماخلوا احد في حاله من الحارس الى الهجوم والمدرب حتى وصلوا للرئيس الله يستر بكرة ينتقدون الفريق الطبي >> ما استبعد صراحة !!
مو بس الهلال يبي يفوز كل الفرق في الدوري تبي تفوز خااااصة على الهلال لأن الفوز او التعادل مع الهلال يعتبر نتيجة طيبة للكل بدون استثناء
بطول شوي بالموضوع >> مايمدي اكتب موضوع لسه ماعندي تصريح هع
حسن العتيبي .. المسكين يبذل جهد في انقاذ المرمى وهالجمهور يبونه يطلع من الفريق خير ان شاء الله ؟؟!! .. شوفوا كرات الشباب اليوم وقبله مع هجر والحمد لله بتوفيق من الله ثم بجهد العتيبي ربي انقذنا من الهزيمة !!
الدفاع بصراحة مدري وش فيه ؟!! احس المرشدي والهوساوي مو متفقين ابددد كل واحد بحاله !! هذا الهوساوي اللي كنتوا بتنجلطون علشانه بيحترف اقوله روح دربك اخضر وربي معك مستواه عادي ان لم يكن اقل !!
الاظهرة بعد نامي الله يشفيه ضااااعت لكن البدلاء مجتهدين
الوسط وما ادراك مالوسط !! الفرق تتخوف من وسط الهلال والجمهور اكلهم بقشورهم !!
تدري ان العيب ان يلعب الشلهوب والدوسري مع بعض ؟؟ كل واحد بديل للثاني المفروض مايلعبون مع بعض المباريات اللي لعبوا فيها بعض تخبصوا !!
العابد الله يهديه مايفكر بأي كورة تجيه الا يشوفتها كيفما اتفق ؟؟
الفريدي هذا بالذات مره تحسه موهبة نادرة وعشر لعب على المزاج ومسوي فيها كابتن رابح يعدي من الوسط والدفاع وبالأخير كرة مرتدة ؟
الهجوم .. ماعندك احد .. قلتوا عطوا عيسى فرصة اساسي وعطوه فرص وبعد وصار اساسي وضاع المستوى والنتيجة ..
الكوري .. صجيتونا وذبحتوا المدرب والرئيس ومابقى الا نسوي مظاهرات والنتيجة !!!
العربي ثقيييييييييل تحس احد يسحبه لكنه لاعب جيد لكن ليس في الهجوم الكرة الآن تعتمد على السرعة يعني اذا تبيه يجيب هدف لازم يكون لاصق بالمرمى لأنه بطيئ جداً ..
يعني لاتلوموا الوسط اذا مالقى هداف قناص لماح ذكي يفهمها وهي طايرة
اليوم شفت في اكثر الردود تقول الشلهوب سبب الهزيمة .. سلامات ؟؟!!
الشلهوب يصلح قاااائد اليوم بس ماكان في يومه لكن هذا مايعني انه خلاص انتهى بالعكس هو الوحيد اللي يصنع كرات راااائعة جدا لكن الهجوم مايفهمها مايبي الا عرضيات والا البينية مايعرف يتعامل معها مع ان كرات العمق اخطر واضمن من العرضيات اللي دايم بيد الحارس او يشتتها الدفاع
هذا ابرز ماعندي والباقي يمكن يجي مع بقية الردود والله يوفق الزعيييييييم
على فكرة ترى الهلال مازال في الصدارة ومستوى الخصوم تقريباً مشابه لمستوى الهلال يعني وش ذا الهجوم عليه ترى ماتسوى هالصجة كل فريق يمر بنكسة والحمد لله ان كبوة الهلال جت وهو في الصدارة يعني لسه الامل بالله كبير .. والنعم بالله |
يازعماآء خشوآ هنا ضروري لمصلحة النادي 
والله صدق
الوضع المتطور
