من المنطق ..
 

السلام عليكم ورحمه الله وبركاته
اسعد الله اوقاتكم يامعشر الزعماء


كثر الكلام على السيد / دول
يقولون انه فاشل وانه سباك ومادري ايش
يكفي ان الهلال متصدر الدور الاول
لم يخسر الا مباره واحده
وتعادل مع الاتحاد والشباب
وفوز عريض على الاهلي والنصر
وكل هالكلام وحنا خسرانين محترفين الكوري والخال ايمانا
وركز ان استعدادنا للموسم ذا كان سي جدا

اللحين فريق الشباب بالمركز الثاني وبكامل الاجانب
وبأحسن اجانب مروا على تاريخ الشباب انسجام وفن ومهاره وسرعه
وبيننا وبين الشباب نقطه
وكذالك الامر ينطبق على الاهلي

وكل هالتمجيد لمدربي الاهلي والشباب

من الانصاف ان نمدح الفريق ودول
نقدم مستويات شبه متوسطه ومسيطرين على الدوري
كيف لو ان مستوانا ممتاز كان ناكلهم اكل
من وجهه نظري الموسم القادم هو الافضل للهلال
(مورينو مع الريال الموسم المنصرم لم يحقق الا كاس الملك)
(السير الكس فيرغسون يخسر بالـسته من مان ستي
ومن بلاكبن
ومن نيوكاسل اليوم 2 صفر)
الزبده كل فريق بالعالم يجيه هبوط بالمستوى ومن ثم معادوه القمه والصعود
عندي بعض النقاط على بعض اللاعبين من خلال مباره الشباب
1/ العتيبي مستواه ممتاز لكن يعاب عليه عدم التفاهم مع الدفاع
وتشتيت الكوره للوسط ودايم مايستحوذ عليها الفريق المنافس
2/ المرشدي يعاب عليه بتسليم الكره الخاطي وعدم التغطيه المناسبه بالمرتدات
3/ الفرج بيض الله وجهك والى الامام لكن دايم انتبه وراك
4/ البيشي بيض الله وجهك ماقصرت كفيت ووفيت
5/ هرماش ممتاز جدا خاصه باخر مبارايتين الاتحاد والشباب
6/ الشلهوب ماهي لك عاده ماشفناك اليوم
7/ الفريدي نصيحه وانا اخوك العب الكوره من اجل الكوره مو من اجل المال او تصفيق الجمهور دايم حاول تفهم ان قدامك هجوم ومهمتك توصيل الكوره لهم
8/ الدوسري يعاب عليك التسليم الخاطي ودايم ماتكون مرتده علينا
استلم صح وانا اخوك وعطها للمهاجم اللي قدامك
9/ العابد ؟؟؟؟؟؟؟؟؟؟؟؟؟
اما الهجوم ماقصروا لكن وجوده الصخره تفاريس حد من الخطوره
امنيه (ايمانا مع السلامه ... ولي جناح ايمن
الكوري مع السلامه .... قلب دفاع صخره مثل تفاريس)
وتكون التشكليه 2 هجوم المحياني او الحارثي او القحطاني والعربي ثابت داخل الـ18
ولي جناح الشلهوب والفريدي صناع لعب
هرماش محور
والدفاع المحترف الجديد و فلاته و البيشي والفرج

تصبحون على خير

انا معك الهلال متصدر وقدم مستويات مقبوله

ولا كن دول موطموحنا نبي مدرب داهيه يقرا المباراة على الطاير

امثال جيريتس وكوزمن

ويمكن دول مدرب جيد اذا جابو صانع لعب

مشكور اخوي

ياعزيزي الخلل بتركيبه لاعبينا
لاعب مثل الفريدي اليوم راضى يلعب بكره زعلان ماينشاف بالملعب ؟؟
مصيبتنا اننا نقارن هلال ايام جيريتس بهلال 2011
يكفيك ايام الراحل جيريتس المعسكر الصيفي والاستعدادات ....
بمعنى ان الاداره واللاعبين مستعدين للدوري
اما هالسنه ذي لامعسكر زي الناس ولا هم وكلام اعلام خدر لاعبينا
ناظر للموتمر الصحفي كل الاسلئه لدول هل تمت اقالتك ؟؟؟؟؟
علبوا على نفسيات اللاعبين والاداره اقصد الاعلام
مشكلتنا حتى ايام جريتس كانت فيه اخطاء قاتله واهمها خروجنا من ذوب اهان باسياء
مشكله لاعبين الهلال كثر الاستعراض بالكوره والتسليم الخاطي ومايسمى بباص الاصابات
احساسي يقول اسياء مع دول ..

كلامك صحيح 100%
اتفق معاك تماما

جداوي شكرا عالمرور
الموهوب شكرا عالمرور
لاخلا ولا عدم منكم

بيض الله وجهك كلام سليم

وانت من اهل الخير يا الغالي