هرماش والعربي والكوري الغبي والله دمرو الزعيم وإيمانا لاعب كبير واللي مايعرف الصقر يادول يشويه وهرماش لاعب عادي مثله مثل او اقل من التعب السعودي والعربي متقدم شي واهدافه مع الفريق الضعيفة والكوري علة على الهلال

هرماش العلة الجديده للهلال بعد الزواري لعب بارد بدون روح محور راس حربه لايغطي ويتسحب فيه بكل سهول زي عطيف اليوم درسه المهاره الي تخدم الفريق احس انه يلعب ويدور العربي لو بال اوت دفه له يخطي بالباص يرفع يديه ويدور اقرب واحد يهاوشه ناكب ام الفريق اكثر واحد اتمنى يذلف

عادل هرماش ثقيل ومسوي ثقه اكتر من اللازم.
الاجانب حقينا فاشلين.

اتفق معك في كون هرماش ليس محور دفاعي او لايوظفه المدرب بشكل صحيح ومع ذلك انا مع معظم من يطالب بوجود محور اخر بجانبه كالقرني مثلا شكرا لطرحك

أخي الكريم كيف تلقي باللائمه على هرماش إذا المدرب الفاشل يريده أن يلعب بالمحور لوحده لا ويوعز له بالتقدم وصناعة اللعب وبعيني رأيته بمباراة هجر من الدرجه الممتازه بالملعب يؤشر له بيده للإمام.
اللائمه تقع على المدرب اللذي لم يوظف لاعبيه بالشكل الأمثل لكل مباراه أضف إلى ذلك تباعد الخطوط وعدم إيجاد التكتيك المناسب لكل مباراه وكل الفرق الأخرى تعرف خطط الهلال ألا وهي 80في 100 الغزو من العمق كل هذه عوامل تؤثر على كل اللاعبين وليس لاعب أو اثنين .
من وجهة نظري المتواضعه أرى إن لم يكن أفضل من رادوي فهو نفس عطائه ولكن إلى أن يأتي المدرب اللذي يعرف كيف يوظف اللاعبين مع التكتيك المناسب وسترى ليس هرماش بل الفريق بأكمله نجوم وسترى .

ليه إذا صار خطأ من هرماش حملتوه سوء مستوى الفريق كله .

اليوم كنت اتمنى من دول إنه يحط الفرج محور مع هرماش ويحط شافي ظهير ايسر .

ويلعب بمهاجم واحد ويكثف الهجوم على الأطراف .

اليووم كان محور الهلال ضايع بسبب تقدم اغلب لاعبين الوسط عن الهلال وهرماش كان يتحمل تغطية اربعة لاعبين او ثلاثة ،وزيادة عليها نكبات المرشدي .

كلنا نعرف قوة وسط الشباب جيباروف واحمد وياتارا ، وصار دفاع الهلال شوارع .

والحمد لله ان الشمراني هو مهاجمهم ولا كان راح فيها الهلال .

المهم ما طلعنا خالين الوفاض ، وإن شاء الله النصر يعرقل الأهلي بكرا لو بتعادل .

تحيتي لك يا صاحب الموضوع

كلامك صحيح جدا ويجب على الادارة ان تجعل اللاعب يشيل عفشه ولا يرجع بعد ان يذهب للمغرب لبطولة افريقيا !
ويشيل معه العربي !
إلى متى وبعض الكتاب يكتب لأجل الكتابة فقط !
ما ذنب هرماش وخط الدفاع إذا كان الوسط هو اول مهاجم عليك!
لاعبين الوسط مناولاتهم الخاطئة والخطرة اكثر من الصحيحة ومع ذلك تلوم هرماش!
اذا استطاع الهلال ان يخلص الفريق من الرباعي السيء والدمر للفريق سينجح الفريق.
في ايام جريتس لم نكن لنشاهد الفريدي والدوسري والعابد والشلهوب مع بعض وكان الفريق يقدم ابداعات لا نظير لها اما هذا الموسم حتى لو جلبت غوارديولا فلن ينجح بسبب الرباعي المتوفى دماغياً.

انتم حطيتو المسؤليه كلها على عادل ونسيتو المدرب يعني يعقل من ايام ماجاء كالدرون وحنا نلعب بمحور واحد وهو كان رادوي وبعد راح وجاء هرماش مع دخلو في بعض الاحيان القرني و بعض الاحيان يلعب البيشي في هذي المنطقه

والحين لا احد يقول لي الفريدي ولا الشلهوب لان مكانهم بالمحور غلط لانهم يملكون المهاره في المراوغه ودايما مكانهم في المفدمه واذكر مره جاء مدرب للهلال لا بحضرني اسمه كان يلعب الشلهوب مهاجم في بعض الاحيان

والشيء الثاني يعني فريق كان مليان بالمحاور وتجي الاداره تتخلى عنهم ببرود هااائل اولهم الغامدي الي اذا دخل للملعب يسوي شغل مو صاحي وبعده البرقان الي مادري له الاداره تخلت عنه وليه بالاصل ما يلعب وبعده عزيز ((هو الي جنا على روحه)) والان القرني ويا خوفي يصير مصيره مصير الي قبله

هرماش لعب مميز
ولاكن مالقي مساعده من الفريق
مثل ماقال ايمانا الفريق كل واحد يلعب
لوحده

هرماش بالعكس لاعب جيد بس الدفاع مششكله
القرني بالفعل اتمنى ياخذ فرصه في حال رحيل هرماش

شوفوا العام كان من نجوم الفريق


الله يوفق الهلال دائماااً

فعلاً أخوي و البطي أكد هالرؤية الفنية

دفاااع الهلال الأفضل و لكنه مكشوف للخصوم بسبب عدم تواجد المحور

مدري لمتى راح يستمر تاديب القرني قصدي تطفيشه !!!!!!


الهلااااااااااااال كان الأقوى بوجود رادوي و عزيز و الحين الاسوء !!!!!

و المصيبة اليوم هرمااش ما قدر يغطي خانة الفرج من يهاجم مما سبب ضغط رهيب ع الدفاااااااع !!!!!

و كلنا شفنا شلون هوساوي يشتكي من الوسط


الله يعطيك العافيه اخوي

للأسف ان البعض يتكلم وكأنه هو وحده الذي يفهم الكورة وغيره ما يفهم
كل كلامك خطأ
الهلال منذ تولاه دول وهو في نزول
مدرب لم يرسو على تشكيله كل مبارة يخبص فيها

لاعبين الله بالخير ولنبدأ من حسن العتيبي
العتيبي لم يكن مستواه مستوى العام الماضي
قدم مستويات جيدة في بعض المبارايات واتمنى ان تعطى الفرصة لشراحيلي

...........................
الفرج ظهير بدون هوية فلا يعلم متى يطلع ولا يدري متى يعود
...................................
البيشي قدم مستوى مذهل جدا ولكن يعاب عليه سرعة التراجع
................................
المرشدي هذا لوحده حكاية
لايجيد المراقبة ..... لايجيد التمرير( بالأمس 90% من كوره ممررة للفريق الشباب ) ....... لايجيد تشتيت الكرة ...... لايجيد الكنترول
لايجيد التحضين على الكرة .... احلى ما فيه شعوره اقصد الارتقاء بالرأس غيرها الله يستر عليه

................................
هوساوي هو لوحده في الهلال

..............................
الشلهوب لم يكن في يومه ابدا وقدم مستوى سيء جدا
............................................
العابد تسطيح ونرفزة وتكسير على الفاضي وتمرير بايخ زي وجهه
....................................
الدوسري كنت اراهن عليه وفشلني
.........................................
الفريدي ابرد لاعب كرة في الملاعب السعودية وللأسف اذا زعل ترك مصلحة الهلال وجعل مزاجه هو اللي يتحكم فيه ولا عاد تهمه المباراة بالمرة ولكن اذا وضع مصلحة الهلال تلقاه يبدع
....................................................
هر ...ماش للاسف وده يسوي زيدان على غفلة والله لاكنترول زي الاوادم ولا تمرير زي الناس انا ابغى افهم كيف كان محترف في الدوري الفرنسي

........................................
والعربي بصراحة يجري ولا تدري ايش وده يسوي غير مراكض بدون فائدة وتحس ان عقله مرة معطل ياخذ الكرة ويتجه حيثما اتفق
......................................................................
المحياني لم تترك له الفرصة ولكن قدم مستوى رائع خلال الفترة البسيطة التي نزل فيها
...............................................................

اذا لم ينتشل الهلال اتوقع السنة هذي مو بس ما يجيب بطولة الا يمكن يغرق بالمرة








وسلامتكم

عيال تتكلم انت لا تفقه شيء في الكورة يا اخي و اتحداك ان كنت تلعب هل تعرف ان في الدوري الهولندي اربع محاور و في فرنسا خمسة و المغرب اكثر من خمس محاور من طراز رفيع و لا يعتمد غيريتس الا على هرماش .
امثالك يا اخي لا يشجعون الهلال بل يشجعون فكرهم