|
غريبة منك يا سامي الجابر ولهذه الأسباب صار الزعيم ملطشه لكل الفرق ونقولها اسيا باي باي لا أدرى هل ألوم المدرب (المتردد) ميدانيا وإلا ألوم خط الدفاع المتهالك آو خط الوسط الضائع . وإلا ألوم الاداراة التي وضعت الهلال في موقف يحسد عليه بتعاقداتها الاستثمارية الفاشلة . فمباراة الشباب كشفت الأخطاء ولا مجال لمداراتها او إخفائها . فالأمور الفنية لم تعد تساعد نجوم الهلال على البروز بعد ان وضعها تكتيك دول فى دوائر محددة داخل الملعب فلم نعد نعرف لاعبي الوسط من لاعبي الهجوم ولم نعد نعرف الأدوار المسندة لظهيري الجنب حيث بات العك الكروي فى نادي القرن مجال رحب فى كل مباراة .فهيبة وهوية الهلال أخذت تتلاشي بسبب الاختيار العشوائي للاعبين المحترفين مع عدم اختيار جهاز فني يتميز بقراءة الخصم قبل وأثناء المباراة . المرشدي لا يفرق بين تطويش الكرة وبين التغطية اللصيقة لذا كاد أن يكلف الزعيم الكثير بباصاته للاعبي الخصم عمر الغامدي والبرقان نجمين تم أبعادهم عن الهلال رغم حاجته إليهم فى هذا الوقت . اسناد مهمة التعاقدات لعضو مجلس الادارة احمد محجوب لبس له مبرر فى نادي كبير يعشقة العدد الكبير فقد اتضحت ملامحة منذ البداية فاللاعب ايمانا يتم تسويقة بطرق بدائية والهرماش والعربي سيغيبان (7) مباريات حاسمة. سامي الجابر لم يعد ذلك الإداري الذي يوجه فحضوره وجلوسه بين لاعبي الاحتياط ملتزما الصمت يطرح أكثر من علامة استفهام . جماهير الزعيم تطالب بإحضار نجوم أمثال يتارا الشباب وفيكتور الاهلى ولا تريد فريقها حقل تجارب للمحترفين . الشلهوب يستحق 20 مليون ريال إذا قارنا مستواه بمستوي ايمانا او اللاعب الكوري والعربي . |
ماراح نلقا مثل اجانب السنه الماضيه ="( حــــقـــيــقــة |
:cry::cry: هلالنا هالسنة يخوووووووووف,,, :to: :to: والله الهلال بخطر كبير ,, الإدارة من الرئيس والنائب لازم يتدخلون قبل فوات الآوان بهالمستوى و التخبط راح نكون (( مسخرة :to:)) بالبطولة الآسيوية ,, فيه خلل كبير بالفريق لازم يٌعالج قبل فوات الآوان ,, |
صحيــح علآماات ـأسستفهااام على سسامي مو مثل اللي تعودناا عليــه والاجاانب فقط اللي مقدم مسستوى برأيي عــــــــــآدل والبااقي ؟؟؟؟؟؟؟؟؟؟؟؟؟؟ |
ليش نتكلم ونقول والادارة معجبها الوضع هل ابن مساعد معجبه الوضع تعاقدات استثمار فقط نبي مدرب تاريخة يشهد له موب مدرب لم يحقق ولا بطولة حتى الحواري ماحققها |
إمحق فريق ^ ^ ^ إمحق مدرب ^ ^ ^ إمحق أجانب و و و إمحق إداره |
الهلال صاير له خسوف ...............!! تصحيح الحال هو تغيير البنادول بسرعة وشجاعة والاتجاه إلى أمركيا الجنوبية، هي الكرة اللي تناسب الفريق. ايمانا لاعب لكن قتله تعاليه واحساسه بأنه فوق فوق، فهذا يبيله أول طيارة ، العربي يبيله لياقه أكثر وتركيز أمام المرمى يضيع أهداف بالكوم وبشكل بارد؟ الكوري مسيكين دمره البنادول فينصح بأن يستبدل البنادول بفيفا دول أخف خخخخخخخخخ هرماش جيد. بقية اللاعبين يبيلهم قرص اذن ولياقه شاقه وياحليل جريتس اللي كرفهم وخلاهم يملكون لياقه وقتها عاليه، شوفوا لاعبي الشباب سرعة وحركة ولاعبينا يمشون على بيض وش هذا؟ لازم الإدارة تتحرك فقد بلغ الحال الى وضع سيئ. |
اذا تبي الآسيوية لا تفكر فيها فكر كيف تسوي قريق صعب ينهزم |
الله المستعاااااااااااااااان هلال هذي السنه غيـــــــــر,,,,,,,,, |
بن مساعد بيستمر يجدد الثقة في المدرب حتى يجيب العيد في الآسيوية وإذا جا العيد .. بطلع بعد المباراة ويصرح ويعلن إستقالته وبعدها يروح هو والمدرب ههههههههههههههههههههههههههههههههههههههههههههههههههههههههههههههههههههههههههههههههههههههههههه ياللــه يا أبو فيصل ترانا عادي نتحمل الخروج في الآسيوية .. وترانا بنقول إذا ماجت السنة هذي بتجي السنة الجاية .. أبو فيصل ترنا صرنا مسخرة لكل الفرق .. حاول تتدارك الوضع يا غالي |
واللله والله ان الهلال ضاااااااايع والله الحين الحين ماشفنا شي ياشبيه الريح قلت في الجوله 9 مدري ال8 انا راح نحكم على الفريق ماشيه معاه مدري وشو اقول بسس اذا على هذا المستوى احلم في اسياء لا اجانب ولا مدرب والاداري مشتت |
اول شي سامي لما يقعد على دكة البدلاء وما يقول شي وهو لسبب عشان اذا فشل المدرب ما يقولهم والله في تدخلات من وماني قادر احط الخطة الي ابغاها بالنسبة لياتارا الي تحلم فيه ترى هذي اخر مبارة له مع الشباب يعني روح تعاقد معه ( لو فيه خير ما عافه الطير ) العربي ما يقدر يسوي شي لحاله يعني تبونه يلعب جناح ولا محور ولا صانع العاب ولا وشو بالضبط ؟؟؟؟؟ |
عبد الرحمن بن مساعد راضي ومقتنع والمدرب جالس يقدم اعذار والطاسه ضايعه |
السلام عليكم اول شي ايش دخل سامي الجابر في الموضوع وبعدين غلطته المدرب والاعبين ليش تحطونها على ساااامي انا مارديت الا لاني شفتكم تكتبون عن سامي اخت موسوعه هلاليه |
إقتباس:
اتفق معك بكل شي الا ياتارا ~. وبالنسسبة للعربي مستحيل يسسسوي شي برووووحه !!! :mad: والله يوفق الزعيم .~ |
ما أدري لم أنتم معصبين لا يوجد فريق في العالم يحافظ على مستواه بثبات والسبب واضح = متغيرات فنيه ,, تغيير اللاعبين ,,, فاللاعب يمكن أن يترك النادي بدون سابق إنذار - يمكن يدعي الإصابة ويلازم غرفة العلاج ولنا مع الكثيرين تجارب سابقه (( بصير وجماعته )) - يمكن يدعي الإصابة ولايجتهد ,, على أمل أن يتم إنهاء عقده بلا شروط جزائيه عليه - ظروف نفسيه (( كما حصل لرادوي )) = تغيير الجهاز الفني - إعتذار المدرب لأي سبب ((( جريتس مثال ))) - طرد المدرب ((( كوزمين ))) - أخذه للمنتخب ثم إلغاء عقده - عدم رضى الإداره على منهجية المدرب خاصة في الفتره الأولى , لأنه مطالب بتحقيق بطولات - إختلاف ثقافة بعض اللاعبين مع بعض (( الكوري مثال لا يعلم ما يقال له )) |
يا ناس العربي كبير فنان والله مالوم فنار بخشة وموناكو الفرنسي يوم يبونه واحنا نقول فاشل بس يبي تكتيك وناس تدعمه من الوسط يعني يبي ولهامسون فقط؟ |
سامي من بعد شهادة التدريب ماشفنا منه اي شي ملتزم الصمت لايحرك ولا يحمس اللاعبين، احفظ ماتبقى من تاريخك ياجابر الهلال سيء من دفاعه لوسطه، مالوم المهاجمين العربي والكوري لام صناع اللعب ينافسونهم بالتهديف فمن المستحيل ان العربي يرجع للوسط علشان يجهز هجمه له وللكوري |
لمدرب قمة الفشششل بس وين المحترفين اللي يشيلون الفريق مع عاله ع الفريق. مدحو بالعربي ودوه السما ومتصدر بدون ركلات ترجيح. كاننا نلعب بدوري الابطال مو دوري فيه فريق لسى مافاز ولا تعادل ياخي ارحمو عقوووولنا. ابن مساعد. يعني ع سو محترفينا يغيبو 5مباريات ع االقليل اي منطق يارجل. قالها سامي الهلال بيعااااني للاسف شي يقههههر قسم كانه الطائي اللي يلعب مو الهلال وملينا ملينا من انصاف الاعبين مرشدي وطقته والفرج لييه ظهير شافي مو جاهز ياخي شي يقهر. اي دوري اللي قوي اذا الهلال والشباب ماقدمو في كل مبارياتهن شي يحسسك بفريق قوي. وهم متصدرين |
يارجل صرنا مسخرة ياحساااااااااااااااااااااااااااااااااااااااااااااااااااااااااااااااااااااااااااااااااااااااااااااااا اف يادول انقلع انت واشباه الاعبين |
المشكله برئيسنا الله يهديه جايب لنا مدرب سباك وأجانب يدري انهم بيغيبون 7 مباريات ومباريات مهمه وجايبهم ومن بلد واحد وكل همه استثمار لو تفكر ياريسنا بالفريق ومن يخدمه افضل ترا جب الاجنبي ولاتفكر كم بيجيب اذا بعناه نبي مثل فيكتور شف موب مع منتخب ولاشي وشف افضل من اجانبنا اللي جايبين لك 8 مليون يورو ويمثلون منتخبهم ياليت ياريسنا تفكر في الفريق اكثر من الفلوس وتفكر بجلب محلييين وتترك عن المثااااليه اللي موديتنا بداهيه وترا اسيا ماتبي مثاليه واستثمار تبي لاعبين لو برخص التراب بس يحرثوووون ويلعبون بروووح والا اسيا هالسنه من المجموعات بنوووودع |
| الوقت المعتمد في المنتدى بتوقيت جرينتش +3.
الوقت الان » 02:26 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd