عذرآ [ حسن العتيبي ] ..!!
 

السلام عليكم
آسعد الله مسآئكم / صبآحكم بكل خير
أعذروني ع اسم الموضوع بس انا كتبته لأن مصلحة الهلال اهم من مصلحة العتيبي
رسآئل لحسن العتيبي واتمنى توصل له غضب جمهور الهلال عليه مو بس انا

حسن العتيبي السنه اللي فاتت واللي قبلها كان من اروع الحراس
وكنا نفتخر فيه ان عندنا حارس اسمه حسن العتيبي واذا شفنآهـ حامي الشباك
الزرقآء والله كنا نرتاح لاشفناه وحتى يوم اخذ افضل حارس ولاعب بالسعوديه
كل احد من جميع الميول قآلوآ [ يستآهل ] :rose:
وحسن السنه هذي للأسف مو حسن اللي نعرفه !
صارت الفرق المنافسه تسجل فيه بأسهل الفرص حتى الحارس المبتدأ ماينسجل به
حسن العتيبي عنده ثقه زآيده وهي اللي ودتنا بداهيه..!
كثرة تقدم حسن عن المرمى اضرتنا كثيييير ويآمآ حذرناه بس للآسف مايتعظ
حسن العتيبي السنه هذي كثرة اخطاءه بشكل موب طبيعي فأتمنى يراجع حساباته
حسن العتيبي لاتخلينا نندم اننا صفقنا لك ورشحناك ورفعناك فوووق
ومشكلة حسن مايتعظ ولا يسمع النصايح
حسن العتيبي أتمنى ترجع لمستواك اللي عودتنا عليه
واذا استمريت ع نفس المستوى الهزيل فأنت بالفعل
[ لا تستحق حماية الشباك الهلاليه لأن يوجد غيرك أحق بها ]
وأحذر من غضب الجمهور عليك لان غضبهم لايرحم
ومصلحة الهلال أهم من جميع اللاعبين حتى لو
كان اللاعب غآلي واللي مايقدم المستوى اللي يرضينا مكانه المدرج

وآسفه ع الاطاله لأن حبيت اقول كل الكلام اللي يدور حول حسن وبدون مجامله

انا مع اعطاء شراحيلي حماية العرين الازرق لانه اثبت انه اجدر بهالشي

يعطيك العافيه

مشكورر وحسن حارس كبيررر وانشا الله يرجع مثل السنه الماضيه بتوفيق للهلال في المباراة القادمه

مفروض حراسة الهلال خالد شراحيلي _ السديري_ العتيبي _ وبيع عقد الشمري

[ لا تستحق حماية الشباك الهلاليه لأن يوجد غيرك أحق بها ]


اخالفك الرأي .. فهو من افضل حراس بالملآعب السسعودية .. كما تمنيت من النقد الصحيح من التجريح ..

اذكري لنا كم مرة انقذنا وتصدى للعديد من الكرات الصعبة .. حتى الاخطبوط له سوابق ولكن طبيعة البشر انه يخطئ

ي ليت م نكون انفعاليين وعاطفيين بزياده في مواضيعنا وردودنا


شكرا لك

اخـــــتي اسيرة لاتقسين على حــسن ! ترى له فضائل كثييرة علينا ..

موعشان هدف صار نكبة.....

مآ آدري هو آنتي شفتي مباراة الاتحاد كاملة ولا لا !!

الهدف الي جا فينا مع الاتحاد مايتحمله العتيبي .. قبل الهدف صد تقريبا 3 اهداف !

اما هدف هجر فالاخطاء كانت جماعية من الدفاع والحارس وهذا مايعني ان الحارس [ مبتدأ ] !

^

وجهة نظري : )

لابالعكس حسن العتيبي من أبدع الحراس

مو عشان غلطة يعني خلاص

الحراس كلهم يغلطون

ولاتنسين مباراة الاتحاد كيف بدع

حسن حارس كبير
بس هالموسم اخطاءه كثيره ومستواه مره فوق ومره تحت
في بعض المباريات يتصدا لكور ماتصد وينقذ الفريق من اهداف محققه
وفي بعض المباريات تكون اخطاءه كوارثيه وكانه حارس مبتدا

اتمنى انه يستفيد من اخطاءه او تعطى الفرصه للحارس القادم بقوه شراحيلى
وشكرا اختى على الموضوع الرائع

اي حارس يغلط ..

جيبي لي حارس في الدنيا ما يغلط ..


ماقصررر حسن وانقذ الهلال من اهداف محققة واخرهاااا في مباراة الاتحاد..


مسرعكمممم تنسون ..

حرام عليك حسن حارس ممتاز بس عيبه يطلع من الباب بأوقات مالها داعي الله يوفق الهلال

الله يقلع العتيبي عن الهلال والله السديري وشرحيلي مايخطون اخطائه البدائيه

خلاص العتيبي انتهى صار عاله على الفريق

والله حسن العتيبي من خيرة الحراس في الدوري السعودي إن لم يكن الأفضل وأمام الإتحاد والإتفاق صد كور لايصدها سوى حسن العتيبي لكن الأخطاء لابد أن تحدث من أي حارس في العالم ونتمى له التوفيق في حماية العرين الأزرق وحراس الهلال كلهم مكملين لبعض والهدف واحد وهو حماية مرمى الهلال وفقهم الله جميعا

بصراحة كلامك روعه الحارس عمره تجاوز 31 يعني اذا ماصار فنان في هالوقت معناتها خلاص الاعب انتهى اعتقد انه مأخذ فرصة مع جيريتس وكالديرون والآن مع توماس ومع كذا مستواه هابط اتمنى وضع شراحيلي او بدر الدعيع حراس صغار ويتطور مستواهم يومياً