|
والله ملينا !!! وآخرتها معكم يا جمهور المناسبات ؟!! يا جمهور اللحظة ؟؟!! يا جمهور المباراة الواحدة ؟؟!! بسم الله الرحمن الرحيم الموضوع هو موضوع مختصر ، وهو نفثة مغتاض وتأفف محترق ،،، الحين وش فيه جمهور الهلال يا حبايب ، تحسون ( بعضهم ) فيهم شيء من نوع ما ؟؟ ولا هو قصور في عقليات بعض الجمهور ؟ ربما لعمر أو شيء آخر ؟ خاصة هنا في المنتدى ما نعرف من يكتب وراء الشاشة ؟؟ الصراحة الكثير الكثير مما يكتب هنا في المنتدى ، لكن اللي أشعل فتيل هذا الموضوع اللي يكمن وراءه ( وراء الفتيل ) قنبلة من النوع الثقيل المدمر ينتهي إليها الفتيل اللي اشتعل الان ، القنبلة هي المجموعة الرهيبة من العقليات المدريإيشية ( جمع مدري إيش ) والتي شبعنا من كلامهم في المُدَد الماضية لين صرنا لين قالوا كلمة نرد حنا غطاها قبل ما يكملون ..!! وشعلة الفتيل هي موضوع قريته الان مكتوب أمس الظاهر ، وما أمداني أقراه الان ؛ حتى ما ردني غير الكيبورد ، وأخذت أطحن الأزار طحنا والأزرار تقول خف علي يرحم والديك ، وأنا أقول ما تشوفين وش كاتب هالمنب قايل هذا اللي ودي أطب عليه من ورا الشاشة حقته وأغوله ( بلهجة القصمنجية حفظهم الله ولست منهم ) الموضوع هذا إن واحد أمس كاتب ( الهلال يحتاج رئيس فاهم كورة ) ...!!! ويا عبد الرحمن بن مساعد ودعنا تراك خربت علينا الفريق لأن قرارتك مش مضبوطة ومرة كويسة ومرة لا وجالس تتعلم علينا ... !! ما شاء الله تبارك الله .. ! في الحقيقة ما ودي أطول الكلام لأن وقتي ما يتسع ، لكن بأقول باختصار .. إدارة الهلال الموجودة الان هي نفسها إدارة الهلال منذ أربع سنوات .. خلال الأربع سنوات هذي يا عزيزي ، الهلال وصل لأفضل مستوياته على مر تاريخه .. !! وأذكرك لو ما تذكر في عهد جريتس 2009_ 2010 الهلال وصل لأفضل مستوياته الفنية على مر تاريخه تقريبا ، وحقق النتائج القياسية الأولى ... إذن عبد الرحمن بن مساعد هو من خرب الهلال ؟؟ صح ولا لا ؟؟ في عهد كالديرون 2010_2011 الهلال لأول مرة في تاريخه يحقق بطولة الدوري من دون هزيمة .. !!! إذن عبد الرحمن بن مساعد كان خراب للفريق ..!! وش وصلت إليه الان ؟؟ بإمكانك أن تقول يا عزيزي أن عبد الرحمن بن مساعد :smilie47: هو من نقل الهلال نقلة نوعية كانت غائبة عنه قبله . إذن وين المشكلة ..؟؟ المشكلة يا عزيزي هي في دماغك ودماغ العديد من المشجعين ، لأنهم لا ينظرون أبعد من مباراة أو مباراتين بالكثير ، فـ ( عيونهم ) لا يمكن لها أن ترى أبعد من ذلك ، لا يمكنها ! فلذلك تجدهم عندما يفوز الفريق يكون أفضل فريق في اسيا ، وعندما ينهزم يكون الفريق المتخبط الذي لا يقف أمام أصغر الفرق .. !!! بكل بساطة لأنهم لا ينظرون لأبعد من مباراة ، من مناسبة ، من لحظة .. هم هكذا ،، ولذلك يجب عليهم تعديل أنفسهم قبل أن ينظروا للأمور ، وأن ينظروا للأمور بنظرة ( ثاقبة ) ترى البعيد والقريب ، لأن من يفعل عكس ذلك فهو نقص في إدراكه .. صحيح نحن ننقد الفريق ، نقول الفريق فيه مشاكل ، الفريق يحتاج كذا وكذا ، الفريق يحتاج تصحيح لكي ينطلق للـ ( أفضل ) .. لكن أنتم طريقتكم هذه طريقة عجيبة بالفعل ، تهدمون النادي على رؤوس من فيه إذا ساء وضع الفريق ، وترفعون النادي لغمام السماء متى ما ظهر بنتيجة جيدة . خلاص يا إخوان .. s20s خلونا عقلانيين بأى .. ! :lightbulb بلاش الحركات هذي .. ! s20s إلى متى يعني s20s ! كل واحد يناظر كويس ويفكر كويس قبل ما ينزل موضوع ، ينزل موضوع مفيد يقول الهلال فيه مشاكل كذا وكذا ونطالب بالحل ، أما ينزل موضوع لما تقراه تقول وش يحس فيه هذا .. ما يصلح ... أنا اتكلم عن فئة معينة من الجمهور ، ويوافقني في كلامي الكثير من الجمهور لهم نفس تفكيري ، وهم الأغلب ولله الحمد ولا كان قلنا على النادي السلام ، لكن نحن نطمح لأن يكونوا الجميع وليس الأغلب .. طبعا ما يمكن يكون كل الناس عاقلين ، لكن نحن نسعى لزيادة أعداد العقلاء ، فلذلك أتمنى إن كل واحد يقرا هذا الكلام يستفيد منه كويس ويحرك عقله زين ، هناك شيء في الرأس اسمه دماغ وعقل ، بإماكنه أن يتطور للأفضل ، فليسع كل أحد لان يطور نفسه ... تحياتي لكم وشكري العميم الذي لا ينضب .. أبدا .. لكم .. السلام عليكم ورحمة الله وبركاته .. شطحة بسيطة .. :smilie47: أنا أقول والله أعلم ، أن الهلال حتى الان يسير ببقايا الروح اللي تركها جيريتس :smilie47: في الهلال .. وياله من مدرب .. حتى مع كالديرون فأتوقع أن الهلال بنسبة 50 % كان يسير بروح جيرتس الباقية ... إضافة : لضيق وقتي ما كتبتها قبل ، لكن تطرق لها أحد الأخوة ، فلابد أذكرها والله المستعان ، هي كانت في بالي ، وأساسا لو جلست أرد على كلام صاحب الموضوع ذاك لأاخذ مني وقت ليس معي ، فلذلك نبهت في البداية انه رد مختصر .. قال أخي أني أهضم حق الرؤساء السابقين ، وانا أقول أنت كذلك تهضهم حق النادي يا عزيزي ، وهذا رد عليك ورد على صاحب الموضوع ، لماذا نقيس حق النادي بالبطولة الاسيوية وفقط ، النادي ينجر الإنجازات الكثيرة ، لكن ولعدة اسباب يخفق في البطولة الاسيوية وللفترة الماضية كلها ، فهل معنى هذا أننا أيضا هنا نسقط الفريق ونقول الفريق ما يسوى شي وفريق متخبط ... كل فريق يمر بمراحل ضعف ومراحل قوة ، ويا عزيزي أقوى الفرق عالميا كذلك ، برشلونة وريال مدريد ، وهما أقوى فريقين عالميين حاليا ، مروا بمراحل ضعف ومراحل قوة ، وكذلك مدة عبد الرحمن بن مساعد مرت بمراحل ضعف ومراحل قوة ، ولها أسبابها ...... نجح نجاحا باهرا في 2009_2010 واتحداك لو انت قلت في تلك السنة انه متخبط لا يمكن تقولها ، والان يعاني من حالة ضعف نجي نقول متخبط !!! كل ضعف له أسبابه .. وعلى طاري ريال مدريد حتى ريال مدريد له عشر سنوات ما جاب بطولة القارة !!! ، وحصل عنده ضعف في المستوى خلال هذي الفترة العشر سنوات أيضا ..!! فريق متخبط !! صح ؟! ( ثاني أفضل ) فريق في العالم حاليا في الحقيقة .. فأنا أقول الجمهور اللذي يقيس نجاح النادي بالبطولة الاسوية يجب ان يعدل تفكيره ، النادي صحيح فيه أخطاء ، لكن حكاية أن النادي متخبط والرئيس متخبط هذي يجب تنتهي . وعلى فكرة ما هضمت حق الرؤساء السابقين ، ما يمكن تطلع هذا من كلامي ، كلامي كان يبين قدر الأمير عبد الرحمن بن مساعد وإدارته ، ولا يمكنك أن تنكر أن في عهد عبد الرحمن وجريتس النادي وصل لأفضل مستوياته ... بغض النظر عن اسيا والتي كان الخروج منها بطريقة صعبة في الحقيقة وأمام فريق متكتل دفاعيا .. . |
كلاآآآآآآآمك سليييم السبب ان ادآآرة المنتدى سمحت للموآآضيع انهآآ تنزل بدوون مايشوفوهآآ اي مشررف |
كلامك عين العقل أخوي سامراء لكن مانقول إلا الله المستعان |
والله الموضوع الي مو عاجبك ... كتبه .. شخص يعبر عنشي يشوفه صح .. ومن حقة يعبر عن رائية بالطريقة المناسبة ... وهوماسب احد ولاشي ... وتكلمبالواقع وبدون نفاق ومهايط اعلامي .. انا طالعت الموضوع وأعجبني لأنه يحكي واقع في الهلال ... ومو تقليل في شخص مثل عبدالرحمن بن مساعد .. لكن الواقع يقول كذا .. أن الهلال ضايع بقرارته ... وبنسبة لقولك في عهد جريتس 2009_ 2010 الهلال وصل لأفضل مستوياته الفنية على مر تاريخه تقريبا ، وحقق النتائج القياسية الأولى ... </B>إذن عبد الرحمن بن مساعد هو من خرب الهلال ؟؟ صح ولا لا ؟؟ هذا ماقدر اعقب عليه كثير لكن يبدو انك مالحقت على البطولة الاسيوية الي حققها الهلال وهلال عبدالله بن سعد وبندر بن محمد العمر له دور ... والله الهلال من قبل عبدالرحمن بن مساعد يحقق بطولات ومحمد بن فيصل في فترة رئاسته حقق العديد من البطولات ... لكن انت من المشجعين العقلاء حسب قولك ... الي يبون يهضمون حق الي سبق ان حققو بطولات مع لهلال ... وجعل الهلال مع عبدالرحمن بن مساعد فقط تحققت البطولات ... عبدالرحمن بن مساعد في فترته حتى الأن حقق بطولات للهلال .. لكن ... لم يحقق أسيا ...وهي الأهم ... وهي المقياس الحقيقي لعملة ... </B> |
وسع صدرك يارجل !! ليس كل مايكتب صحيح والناس صعب تقنعهم برأي واحد .. أنا اشجع الهلال من 20 سنة وبصراحة هم أصعب جمهور ودايم اختلف معهم على لاعب , مدرب ، رئيس لانهم دايم يفكرون لمصلحة الهلال عكس كثير من جماهير الاندية اللي تعرف وش يشجع من اسلوب كلامهم تقول ان انديتهم تحفظهم وش يردون ووش يقولون !! |
انا واثقه تمااااااااااام الثقه ان كل هلالي يكتب هنا يكتب لمصلحة الهلال من وجهة نظره صحيح ممكن نختلف معه بس هذا رأيه ومو شرط الكل يتفق لأن الناس عقليااااات مختلفه بس هذا مايمنع اننا نتناقش ويا بعضنا للمصلحه العااااااااااامه اتمنى اكون افدت بكلااااامي ويعطيك الف عااااافيه على طرحك |
كلام سليم:yes: والي كاتب هذا الموضوع !! ( الهلال يحتاج رئيس فاهم كورة ) ...!!! انا قريت موضوعة والاخ شكلة يقصد نادي ثاني غير الهلال بس حنى فهمنى غلط:ap: |
اتفق معك واستغرب من المشرفين ماحذفوا الموضوع مو على شان انه تكلم على ابو فيصل لاكن كلامه مافيه من الصحه شيء فيه رئيس حقق بطولات مثل ابو فيصل ومااحد تمناه يكفي انه رجعنا لـ آسيا وصلنا لدور نصف النهائي بعد 10 سنوات بس واضح مندس اتحداك اذا هلالي يقول كذا تمنيت الاعضاء مايردون عليه مثل ماسويت احسن شيء تجاهله |
ما قال شي غلط ذبحتونا بالمجاملات كفاااااااااااااااااايه خير يا طير وجهه نظره الاداره هي السبب وانا اتفق معها في اشياء كثيره و الاداره هالايام تفكيرها مالي بحت جداً اجل يباع العربي ؟؟؟ |
وربي جمهووووور الهلال ذوووق بس جمهووور الرياض ماهم بكفوووو ما يحضروووو الا بالمباريات القوية فقط |
الله يعطيك الف الف عافيه من زمان انتظر مثل هذا الموضوع .. اتمنى من الآن من مشرفينا الافاضل ينتبهون للمواضيع اي موضوع في كلام فاضي مجرد زيادة مشاركات اتمنى ماينزلونه ويحذفونه لأنوو بجد وربي ملينا من هالنوعيات ,, ألف شكرر |
ليه اذا كان فيه انتقاد للإدارة 1000 موضوع يبرر موقف الإدارة وهل الإدارة خارج دائرة النقد ؟ ممكن توضح لي منهو مدير الفريق الحالي بنادي الهلال الفعلي وليس كلام اعلام ؟؟ الادارة اتبعت مشروع الأستثمار بالاعبين والبحث عن الأسم قبل النظر إلى عطاءه وانسجامه . هل يعقل فيه ادارة بالعالم تتعاقد مع اجانب من دون التشاور مع مدرب الفريق ؟؟ هل تعلم بأن اخر صفقه ابرمت بداية الموسم كان المدرب ؟؟ الإدارة هذا الموسم اخطئت وكنت تمنيت لو كان خطأها كان في البداية حتى لا نلوم شبية الريح لكن الآن وبعد كسب الخبرة لمده 3 سنوات ونص يتفاوض مع لاعبين ليسوا من طموح الزعيم الكل يدرك بأن آسيا ترغب بمهاجمين فقط ومن يفكر بالدفاع فلن يحقق آسيا والكل يعلم هذا الشيء اتمنى من عبدالرحمن بن مساعد ينزل المبالغ الذي صرفت على النادي كما طالبه صالح الحمادي ؟؟ اعتقد بأنه لايريد احد ان يصخر عليه او ينتقد عملة بدفع المبالغه الضخمه وبالأخير بطولات محلية |
عوااافي ,,, شبيهـ الريح ليس معصوم عن الخطا .. ولكن يجب علينا الوقوووف معاااااااااه ,,, مشكووور ,,, |
إقتباس:
أقُرأ الَمًوٌضوٌعٌ قُبًلَ لَاتٌردٍ :yes: تٌعٌلَيِقُيِ عٌلَى الَمًوٌضوٌعٌ کبًرتٌوٌا الَمًوٌضوٌعٌ وٌخِلَيِتٌوٌا مًنِهّ سِالَفُهّ :s5s: مًشُجّعٌ وٌقُالَ وٌجّهّة نِظُرهّ وٌيِنِ الَمًشُکلَة s13s وٌصّدٍقُنِيِ الَوٌاحًدٍ مًايِنِتٌقُدٍ إلَا لَمًصّلَحًة الَکيِانِ الَهّلَالَيِ بًالَذِاتٌ الَمًشُجّعٌ الَهّلَالَيِ:smilie47: وٌالَإدٍارة لَيِسِتٌ مًعٌصّوٌمًة مًنِ الَخِطِأ عٌشُانِ مًاتٌنِتٌقُدٍ .:rose: |
كلام سليم صرآحه ماقدر ازيد على كلامك ولا سطر .. وبالنسبه للموضوع الي امس اكتبه اخونا ان عبدالرحمن بن مساعد مو فاهم بالكوره ومن تسذا اتوقع انه مو من مشجعي النادي يمكن من الجيران اقل تقدير :ap: واذا فعلاً مشجع هلالي اتوقع انه جديد على التشجيع :s2: يعطيك العافيه |
| الوقت المعتمد في المنتدى بتوقيت جرينتش +3.
الوقت الان » 11:15 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd