تبي الصراحه الاافارقه مايعرفون يدافعون
هجوم وبس
يعطيك العافيه

اذا نبي مدافع مميز اعتقد ما بنلقى ازين من الاسترالي ساشا

مدافع مميز و قائد متمكن داخل الملعب و بنية جسمانية وارتقاء و ضربات راسية ..

اذا كنت تبي مدافع افريقي فيه ساشا الاسترالي مدافع طويل وصلب وافضل لاعب اسيوي 2010

وكذا تستغل الكرت الاسيوي في شي يفيدك

الله يذكر اليجي ليتانا بخير

اتمنا اتعاقد مع مدافع والان مو بكرا

الله اكبر عاد اللحين هوساوي اللي مسكت والا المرشدي وكباته

مع احترامي لهم لكن هذي الحقيقه

دفاع الهلال شوارع اذا مهو كباري وخطوط سريعه

وانا اتفق معك اذا كان ولا بد الاستغناء عن ايمانا نجيب مدافع محترف

دفاع الهلال بتواجد هوساوي و المرشدي ونامي و الزوري كلهم ضعيـــف

فما بالك لو غاب واحد منهم او اثنين او اكثر والله نضيع

مع احترامي لهم لكن هذا اللي حاصل وكل شخص تحده امكانياته

والا احنا عارفين انهم ودهم يقدمون ارواحهم للزعيم .

أنا معاك مليووووووون في المية

وش ذنب الدفاع اذا ما قدامه محاور ؟؟!!

ارجع شوف المباريات اللي كان ينضرب فيها الدفاع بسهوله ودور هرماش , تلقاه في الباك اليمين قاعد يرفع كور ولما ترتد الهجمات تلاقي مهاجم الخصم يواجه المرشدي وهوساوي على طول , بدال ما تجيب مدافع جيب اللي يمسك المحور ويقعده بالقوة .

دفاع الهلال يحتاااااااااااج
تنظيم
دفاع الهلال هو هو ايام جريتس
المسئلة في المدرب

اذا بقي هوساوي مانحتاج العنصر الاجنبي في خط الدفاع واذا رحل يجب علينا او غصب عننا نجيب مدافع أفريقي افضل من الاروبي لانه يمتاز بقوة الجسد والالتحامات وهذا الي نبيه في دفاعنا

الحمد لله عندنا أفضل مدافع في المملكة هوساوي، هذا الدفاع هو نفسه أيام كوزمين بالأسماء ولم نستقبل وقتها إلا 8 أهداف فقط!! يا جماعة التنظيييييم هو بيت القصيد

مهاجمي الفرق يتواجهو واحد لواحد ضد دفاعنا!! التغطية الضعيفة من الوسط بشكل عام هو العامل المؤثر المباشر من وجهة نظري، فعندما يلعب الهلال أمام فرق متوسطة إلى ضعيفة فإنه ينتظر فقط أن يقطع الدفاع الهلالي الكرة ليتم تسليمها مباشرة للوسط لبداية هجمة جديدة!! وهذا سببه إما تكتيك المدرب (ماأعتقد) أو الاستهتار من الاعبين

إقتباس الرسالة الأصلية كتبت بواسطة zizo7 وش ذنب الدفاع اذا ما قدامه محاور ؟؟!! ارجع شوف المباريات اللي كان ينضرب فيها الدفاع بسهوله ودور هرماش , تلقاه في الباك اليمين قاعد يرفع كور ولما ترتد الهجمات تلاقي مهاجم الخصم يواجه المرشدي وهوساوي على طول , بدال ما تجيب مدافع جيب اللي يمسك المحور ويقعده بالقوة .

يالغالي هذا مو ذنب هرماش ذنب المدرب
المدرب يوجه الاعب يساند الهجمة وهذا غلط دامه يلعب بمحور واحد