وعليكم السلام ورحمة الله وبركاته ..

بالنسبة لي أتمنى بقاء إيمانا و يو بيونغ أكثر من المغاربة اللي للحين ما شفت منهم خير وإذا استمر أداءهم على ما هو في الفترة الماضية فـ أعتبرهم صفقات فاشلة حتى مع الأرقام اللي حققها العربي ..

إيمانا لاعب كبير لكن لـ الأسف إلى الآن مادري وش المشكلة اللي تحول بينه وبين نجاحه وتأقلمه مع الأجواء والدوري ، لكن أملي كبير بأنه إذا حصل عـ الفرصة الكاملة والتجانس والأجواء الملائمة فـ راح يكون حاله من حال رادوي بإذن الله قوة خاصة في الوسط ..

بالنسبة لـ الأسماء الموجودة في الزعيم ، فـ سالم الدوسري تحديداً أتمنى الجمهور ما يعطيه أكبر من الحجم اللي المفترض يحصل عليه اللاعب الموهوب ، فرق بين موهبة أو لاعب صاعد وبين نجم كبير ، سالم لايزال في البداية أتمنى يحصل عـ الفرصة ، يملك الإمكانيات والحماس والثقة اللي هي من أهم عوامل النجاح ، لكن مع كامل احترامي أشوف انه يفترض ما يكون اسمه بـ جانب نجوم مثل العابد والدوسري وصلوا لـ النجومية بينما سالم قدامه المشوار لـ الوصول لـ النجومية ، الدعم مطلوب ولاعب في بداية المشوار يحتاج لـ دعم قوي أكيد ، لكن المشكلة إذا كان الجمهور بـ منحه لـ لاعب حجم كبير والمطالبة بـ منحه فرصة أكبر من المستحقة يكون هـ الشي لا قدر الله عامل سلبي على اللاعب وما يساهم في نجاحه وهذا ما أخشاه ..

أكيد الفريق يملك نجوم مثل العابد والدوسري لو تم الاعتماد عليهم بـ شكل أساسي أعتقد بـ يشكلون قوة كبيرة في الوسط ، لكن في نفس الوقت الفريق يحتاج لـ قوة إضافية ، هرماش ما يملك نصف القوة اللي كان يملكها رادوي مع الأسف وكذلك محمد القرني وجميع الأسماء اللي في هـ المركز في الهلال ، وفي نفس الوقت الهلال بـ إمكانه تقديم عطاء هجومي أقوى بـ كثير من اللي يحصل حالياً لكن مع غير توماس دول اللي إلى الآن لـ الأسف يثبت فشله بـ الأداء السيء جداً اللي يقدمه الهلال والانتصارات الصعبة في جميع المباريات والسبب الأول في رأيي هو المدرب دول ..

عموماً بـ انتظار الهلال ما بعد يناير ، وبالتوفيق لـ الزعيم إن شاء الله ..






يعطيك العافية
0000000000