|
عيب ( لبعض ) جمهورنا الحبيب .. ( رسالة بلسان هوساوي ) ! السلام عليكم .. بصراحه انصدمت من آراء بعض الجماهير .. ياخي عيب والله على طول خبر مفبرك ومتداول من كم شهر .. وبسرعه وبقدرة قادر صار اسامة هوساوي الخاين اللي مافيه خير !! والله عيب ياناس .. اذا لاعب هلالي احنا اول من يصدق كلام الجرايد والاشاعات ونتركه ونوصفه بالخاين والكذاب !!!!!! اجل اعلاميين الاندية الثانيه بصراحه ما آلومهم لما يمارسون هواياتهم في الاسقاط على كل شي له علاقه بالهلال وبنشر الاخبار الكاذبه !! لان فيه عيّنات من جماهير نادينا مدري وش تحس فيه ! وعلى طول ينقلبون 180 درجه على لاعبينهم ! يعني اتوقع لو بوسط المباراه يجي خبر زي هذا يمكن نسمع صافرات استهجان على هوساوي ولا غيره من بعض جمهور المدرج !! ليش مافي ثقه ؟! اللاعب لو يبي الاهلي ولا غيره ماطلع وقال ابغى احترف بالخارج او الهلال .. والله صدمه لو يدخل هوساوي مثلا ويقرأ مواضيع البعض ... !!! عموما مصادر الخشبيه من قبل مؤتمر هوساوي الاخير وهي تقول بيروح الاهلي .. وطلع بالمؤتمر اسامه ونفى علاقته بأي نادي سعودي وانّه يبغى الاحتراف بالخارج .. ف مثل هالاشاعات مو شي جديد .. ومتعودين من الاعلام كذا .. بداية من هز الثقه في المدرب ل اللاعبين الاجانب ل هوساوي ل الاداره .. ولسى مابتنتهى الاشاعات والكلام دام الهلال يمثل خطر عليهم في الدوري وبطولات الموسم .. وعتبي على العقليات اللي مادري وش تحس فيه يوم تقلب 180 درجه على كابتن نادينا ولاعب نحبّه وماقصر خدمنا بعطاءات تستحق نخليه نجم ونحبّه .. |
هذا زمن الاحتراف يبي ينتقل للاهلي ينتقل ماحد راده كثير نجوم راحوا من الهــلال وبقى الهلال شااامخ بالانجازات والبطولات الغشيان والدوخي والعويران والثنيان والجابر والنعيمة والتمياط والدعيع وغيرهم كثيييييييييير وبقى الهلال بالبطولات و الانجازات |
ياخوان الخبر صحصح او مو صحصح اهم شي الهلال ياجماعةة االخير |
هذا الأحتراف ،،،الاعب يبحث عن مصلحتة ،،لو جاء افضل من هوساوي تتوقع الهلال بيخليه بياخذه لاكن الاعب يبحث مصلحتة ،،النادي يقدر يجيب مئة لاعب غيره اتمنى من الجمهور السعودي انه يتقبل كلمة (أحتــراااف) |
والله حربهم على الزعيم أخذت أشكال متعدده أساليبهم خبيثه وطرقهم معوجة هم أصبحوا كثر كالذباب |
يعني الاحتراف يخليك تقوله / يالخاين يالكذاب ... ؟!!!! تناقصون انفسكم بصراحه .. ندري انه زمن الاحتراف والمادة اكثر من الانتماء .. لكن لما رئيس ناديك يقولك قدمنا له عرض اغلى عرض ممكن يجيه ويآكد هالشي تصريح اللاعب في المؤتمر الصحفي .. واللاعب بنفسه يقول الاحتراف الخارجي او عرض الهلال .. ويجينا خبر مفبرك ونفقد الثقه بهالسرعه ويصير الخاين الكذاب .. ؟!!!!! |
يا اخي ليش تحكم ان كل من قال كلمة خائن انه هلالي لماذا لا يكون مندس حتى يزعزع مكانة الزعيم في قلوب جماهيره لا تصدق كل ما يكتب |
- ننتظر الاعلان الرسمي من المركز الاعلامي ... ! |
للاسف بعض الاخوان بتسرع بالحكم ولو انه فكر وحكم عقله كان عرف انها اشاعه هل يعقل كابتن الهلال وزعيم البطولات يتركه ويذهب للاهلي حكمو عقولكم فبل انفعلاتكم s13s |
ههههههههههه واللي موتني ضحك اللي ماصدق خبر وقال صحاف الرياضة السعودية يقصد حبيبنا شبيه الريح ياناس حنا بعصر احتراف والرجال لو يبي الاهلي ماحد يرده والرئيس ماله دخل ولايقدر يسوي شي ياجماعة قلناها كم مره الفريق يحتاج مساندة وثقة من الجمهور مو الضغط عليه والنقد اللي له داعي وماله داعي ومو كل شي ينعرف ينقال ياصحاب المصادر لاحظو بعض اعلامي الهلال صار يبث اخبار لو انها موب صحيحه المهم من مصادرنا هههه ان صدق الخبر والا ماتشوف له اي اعتذار |
هذا اللي يخرب بعض الجماهير الهلالية انهم مع الخيل ياشقراء واللي فاقع قلبي قبل ساعه كان في موضوع هنا مكتوب فيه معا لمنع هوساوي من اللعب في مباريات الهلال القادمة .... بالله هذا معاه عقل |
من انت علشان تتكلم بلساانه ؟؟؟؟ زي ماجابو خبر انه انتقل بدون مصدر وش مصدرك انت انه بيقعد شفت الي تنتقدهم وتقولهم خونه طلعت انت ويااهم على نفس المووجه وبالاول والاخير بسلامته ومو موقف عليه الهلال قد راح يوسف ويااسر وسامي واتمنى تااخذو من سعد الذابح قدووه قبل انتقاله عزم جميع اعضاء الشرف النصرواي لعرسه ووعدهم انه مكمل معهم بعدها ايام وجاء للهلال بغمضت عين فشي عادي حنا بزمن الاحترااااف |
|
الحمدلله ان الخبير مهو صحيح :d بس لو صار صحيح ليش الجمهووور يقلب على اللاعب ويسميه بالخاين هذا زمن الاحتراف اليوم معاك بكره مع غيركـ من حق اللاعب يشوف العرض الانسب له ويتكل على الله وبالتوفيق لزعيمنا |
سؤالي في البدايه انتم تشجعون من الهلال الكيان او لاعب معين .... انا اتكلم بصفه عامه ... يا جمهور الهلال الكبير اتمنى ان ندعم الفريق وننتقد بالشي المفيد اما ان ناخذ مواضيع جانبيه اخرى فهي تشغل الاداره للرد واللعيبه عن التركيز .... اسامه هوساوي قالها بلسانه فكيف نصدق الستن من تتناقل الاخبار الغير صحيحه .... فل تكونوا احرص على الهلال لانكم لانرضون الا بالذهب ... فدعموا الاداره واللعيبه والمدرب بالحضور والمسانده |
| الوقت المعتمد في المنتدى بتوقيت جرينتش +3.
الوقت الان » 06:18 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd