|
الهلال لن يحقق الأهداف المرجوة من بطاقات العضوية ( هلالي ) مالمـ .. !! ( بطاقات عضوية برشلونة ) بسم الله الرحمن الرحيم بدون مقدمات لأن وخير الكلام ما قل ودل بالنسبة للبطاقات .. فأنا من أول مؤيدين هالفكرة وانا كنت بقدم على البطاقة البلاتينية وعدة بطاقات فضية لأهلي هدية مني :wub:.. لكن لأن سعرها مرتفع حبيت أنظر للمميزات بتمعن .. !! وهي : بالاضافة لمميزات البطاقة الزرقاء والفضية : - هاتف iPhone 4 << الجهاز ونملكه وما عاد هو بغالي هالأيام .. وانا ما شريت بطاقة لأجل الجهاز .. لأجل دعم النادي ثم توفير أشياء لي لا توفرها الا البطاقة - رقم موبايلي مميز (ذهبي) << الرقم المميز وهناك اكثر من طريقة لاستخراج رقم مميز وانا اعطوني موبايلي رقم مميز بمجرد ما اشتركت في خدمة فلة للطلاب - تذكرة فئة المنصة لحضور جميع مبارايات الهلال على أرضه << أنا من أهل الشرقية - خصومات على جميع منتجات متجر نادي الهلال بقيمة 20 % - حضور المناسبات الخاصة مع رئيس النادي واللاعبين - كرة أو قميص موقع من اللاعب المفضل << هذه أي أحد يحصل عليها بدون أدنى جهد بمجرد ما يوصل للاعب .. والحمدلله اللعيبة ما يجون الشرقية الا لازم نتكي معهم فوين المميز بالموضوع .. !! - استخدام الصالة البلاتينية الخاصة بالنادي << أنا من أهل الشرقية - لقاء ثلاث مرات في الموسم مع رئيس النادي - عشاء سنوي مع إدارة الهلال واللاعبين والجهاز الفني << كل ما جاء الفريق تعشينا معهم بالشرقية .. ما يفيدني من هاللستة كلها الا اللي لونها أحمر .. !! هونت والله .. قلت أبقدم لي ولأخواني على الفضية ونفس الموال : بالاضافة لميزات البطاقة الزرقاء : - صورة بحجم A3 للاعبه المفضل مع توقيعه << الحصول عليها سهل من كل لاعب .. وبإمكاني ان أحصل على تواقيع الفريق كلهم لو قابلتهم في أي مكان .. - رقم موبايلي مميز (فضي) << الرقم المميز متوفر عندي ويتوفر بعدة طرق - اشتراك لمدة عام كامل في باقة الموج الأزرق من موبايلي - اشتراك في القناة الموجوة لخدمة ''موبايلي الهلال'' - تذكرة الفئة الموحدة لحضور جميع مباريات الهلال على أرضة << أنا من سكان الشرقية - خصومات على جميع منتجات متجر نادي الهلال بقيمة 15 % - مشاهدة التمارين مباشرة على الهواء عبر موقع العضوية على الانترنت لا يعقل أن أدفع 4200 ريال لأجل اشتراك في أخبار الهلال هي بالأصل 12 ريال بالشهر ولأجل باقة الموج الأزرق واللي هي عندي بالأساس ولأجل خصومات لن يكون مجموعها أكثر من 300 ريال من قيمة مشترياتي ولأجل أن أشاهد التمارين .. !! بعدها رجعت للبطاقة الزرقاء لعلي ألقى ضالتي بها : - هدية ترحيبية - استخدام المسبح << انا من سكان الشرقية - استخدام النادي الصحي << أنا من سكان الشرقية - حضور التمارين المفتوحة << أنا من سكان الشرقية - خصومات من شركاء البرنامج - خصومات على جميع منتجات متجر نادي الهلال بقيمة 10 % - تحديثات و أخبار دورية عن نشاطات النادي << شبكة الزعيم تقوم بالواجب - منفذ خاص في الملاعب لشراء التذاكر. - عنوان بريد إلكتروني خاص @alhilal.com بالنهاية ظهر لي أني لو اشتركت بالبلاتينية !! اللي ب 37500 ريال راح استفيد من بعض الخصومات بالاضافة الى تزويدي بأخبار الهلال ( واللي ما تقصر بها شبكة الزعيم ومن فيها بدون أي بطاقة ) بالاضافة لايميل آخره الهلال وعدة لقاءات مع الرئيس + هدية ترحيبية مع بعض التواقيع .. !! أتوقع أن هذه فيها ظلم للي بالمناطق البعيدة واللي ما يقدرون يحضرون التمارين ولا يتقابلون مع الرئيس الا في أوقات محددة بالسنة ولا يستفيدون من خدمات النادي بالاضافة حتى لتذاكر المباريات تشمل مباريات الرياض فقط فلا يستفيدون منها .. !! أتمنى من موبايلي مراجعة حساباتها حتى تكسب حتى أعضاء من خارج المنطقة .. مثل حنا ما عندنا نادي الهلال تقدر توقع مع أي نادي من الأندية الرياضية هنا ( بودي ماستر - فتنس تايم ) لاجل يحلون محل النادي بالاضافة الى توفير ميزات خارج نطاق الشركة والاتصالات .. وتوفير التذاكر للمنصة والعادية في جميع المباريات حتى خارج الرياض بالاضافة الى التواصل المستمر مع ادارة النادي وليس عدة مرات فقط سواء عن طريق الاجتماعات او عن طريق الانترنت .. عمل اجتماعات بين من يملكون نفس الفئة ( كلن مع فئته او اجتماع عام ) يحضره اداري ولاعبي النادي في كل منطقة يزورونها لأجل مباراة .. لأجل مناقشة أمور النادي .. بالطريقة هذه المشجع الذي يتقدم للعضوية يشعر بمفعوله بالنادي وبأهميته .. وليس فقط بالحصول على تواقيع وأخبار ورؤية تمارين وتذاكر للرياض فقط .. حلوة فكرة العضويات .. بس الأحلى لو كان الكل يستفيد منها .. ولا يكون المستفيد الأكبر الهلال وموبايلي والجمهور ياكل هوا .. بطائق العضوية ( الزرقاء - الفضية - البلاتينية ) تصنيف جميل بفوائد قليلة للجمهور خاصة اللي خارج منطقة الرياض .. !! أتمنى من موبايلي وادارة الهلال البحث عن أشياء مميزة لا يحصل عليها المشترك الا عن طريق البطاقة .. وليس خصومات في المتجر ( لأن نقاط موبايلي بتجيب لي خصومات أكثر من العضوية ) والا متابعة أخبار ( وحنا عندنا شبكة الزعيم :ba:) والا تواقيع .. نبغا مثل برا .. لو رأينا لمميزات لأقل عضوية في برشلونة : - الأعضاء يحصلون على أفضل المقاعد رؤية في الملعب في جميع الرياضات - قدم سلة طائرة .. الخ - ( فيه فئة أعلى عندهم تحصل فيها على تذاكر جميع مباريات الموسم داخل وخارج الأرض ) طبعا حنا ما عندنا تقسيم للمقاعد مثل الخارج ولا أرقام لكن نقدر نسوي هالشئ بوضع اسعار درجة الممتاز مثل اسعار الواجهة للأعضاء فقط - بطاقة خاصة بك تحتوي صورتك واسمك ورقم عضوية خاص بك - خصومات على جميع متاجرهم المعتمدة 5% و10% على المتجر الالكتروني - هدية ترحيبية - شهادة ورسالة خاصة من الرئيس لك باسمك من كتابته وتوقيعه - شارة برشلونة الخاصة بالأعضاء - اشتراك في مجلة برشلونة ترسل لمنزل العضو طوال مدة الاشتراك في اي مكان باسبانيا - اشتراك في مجلة اخرى شهرية منوعة ترسل لمنزل العضو - دعوتك لحضور جميع احتفالات النادي والمهرجانات التي تنظمها - مشاركتهم في جميع الفعاليات الرياضية الودية التي يقيمونها من فترة لأخرى بين أكاديميات برشلونة - الدخول الى أرضية الملعب أي وقت يريد باستثناء المباريات - مساعدة العضو في الوصول للعيبة واخذ صور تذكارية او تواقيع في اثناء التدريبات والمناسبات - خصم 26% على التزلج بالجليد :s2: لا تسألوني بس شكل عندهم قاعة تزلج صاحية - بيع أغراض حصرية فقط للأعضاء ولا يمكن تملكها من غير الأعضاء - عروض من منظمات أخرى متعاونة مع النادي ( عاد شوفوا انتوا من هم شركاء برشلونة ) - سحب في كل مباراة لعشر مقاعد لمشاهدة المباراة في المقصورة الرئاسية - سحوبات وحفلات وجوائز يتم تنظيمها من فترة لأخرى لأجل الأعضاء فقط بشكل منتظم - مشاركة من هم فوق 18 السنة ومضى لهم أكثر من سنة بالعضوية في اختيار الرئيس الجديد كل 6 سنوات - اجتماع سنوي لأعضاء النادي مع الرؤساء والادارة في قاعة كبيرة - الحق للأعضاء الدخول للنادي وممارسات النشاطات المتفق عليها داخل النادي ( بعض النشاطات مثل اللي ببطايقنا ) - مواقع وايميلات خاصة لا تستقبل الا رسائل الاعضاء ومشاركاتهم مع الرئيس واداريين النادي (( لاحظوا كل اللي فوق في العضوية اللي قيمتها 161,50 €. )) اضربوها ب5 ولكم الحسبة .. اغلى من حقتنا بشوي بس تستاهل .. صوتك يوصل للعيبة وللرئيس .. مدعوا في كل شئ .. أولوية لك في كل شئ حتى الأماكن المميزة .. خصومات أفضل وأكثر من عندنا بكثير .. الدخول الى ارضيات الملعب .. بطاقات وهدايا وسحوبات واخبار واشتراكات واجتماعات وتصويت وغيرها الكثير .. تحس انك في عالم ملون بأزرق وأحمر :s2: برشلوني بحت .. في أرخص باقى ... أجل لو شفنا أغلى باقة عندهم وش بيكون فيها .. !! لاجل كذا لا تستغرب الدخل الخيالي للنادي والاشتراكات المهولة .. !! أتمنى من النادي وموبايلي مرعاة حقوق الجمهور مثل ما الجمهور راح يدعم بكل ما أوتي من قوة s13s تحياتي |
:d تبي الصراحة صدقت يعني فيه اشياء ماتستاهل تدفع لها لو تشد حيلك يمكن تسوي كل اللي موجود بالبطاقة :d |
إقتباس:
فما فيه شئ تميزنا فيه .. !! |
اي والله كلامك فعلا منطقي الاسعار مرتفعه يعطيك العافيه |
عوافي المشكله انها اعلنت مباشره من غير دراسه ومثل ماذكر اغلبها لشكان الرياض لذلك انعدمت الفائده الشي الاهم لحد الان ماوصلنا للاسف لثقافة ان الجمهور الداعم الاول لوصلنا للثقافه هذي راح تفي بالغرض البطاقة الزرقاء مع تخفيض السعر الى النص بعد ماراح يكون هناك اي مشكله بحيث الجميع يشترك بالبطاقة الزرقاء بسعر معقول لدعم النادي من جميع الفئات والمناطق كمثال مباريات الدوري 26 مبارات منها 13 بالرياض وكلها بالملز بفرض ان الملز ياخذ 30 الف مشجع يعني 30.000 * 13 * 20 =7.800.000 ريال طبعا مو شرط 30.000 يحضرون اهم شي يشترون التذاكر بالبطاقة الزرقاء قبل بداية الموسم واضف مثل المبلغ لو كان فيه نصيب للنساء مع الاكتفاء بالاسم لهم |
هذي البدايه فقط لازم تكون كذا |
بصراحة أنا كنت مؤيد للفكرة وقبل ماتطرح تمنيت طرحها بأقرب وقت لكن الان بعد طرحها انصدمت بعدة أشياء وتمنيت لو طرحت بشكل أفضل أول شي الأسعار مبالغ فيها بشكل خيالي وفيها استغلال كبير للمشجع خاصة اذا عرفنا أن غالبية جمهور الكرة عندنا من الشباب يعني كلهم طلاب وصعبه جدا يقدرون يوفرون مبلغ خيالي مثل 37 ألف ريال !!! مدري هل الرقم دقيق أو لا لكن أحد الاخوان طرح موضوع وذكر أن البلاتينية سعرها 37 ألف ريال يعني هل أي طالب يشجع الهلال قادر على دفع مثل هالمبلغ المرتفع والمبالغ فيه !!! والمشكله أن ميزات البطاقة مايستفيد منها الا أهل الرياض يعني مثلا لو مشجع هلالي ساكن في الغربية هل راح يستفيد من تذاكر المنصة !! لو افترضنا حضر مباراتين ثلاث في الموسم لكن الباقي صعب يحضرها لذلك تنعدم الفائده من التذاكر وهنا مشكلة كبيرة للأسف بالنسبة للكرة والقميص الموقع من اللاعب مثل ماذكرت أنت أي أحد يقدر يقابل لاعب ويطلبه توقيع مافيها ذيك الصعوبة اللي تخليني أدفع 37 ألف :s2: أعتقد المميز في البلاتينية هو حضور العشاء مع اللاعبين وأيضا لقاء رئيس النادي بقية الأشياء لن يستفيد منها الجميع لذلك كما ذكرت السعر مبالغ فيه بالنسبة للبطاقة الزرقاء ماعتقد أحد بيتحمس لها لأن الاستفاده منها بسيطة مثلا مسبح النادي ومرافق النادي ماحد جاي كل يوم يستخدمها لو يبي جا مرة في الشهر مرتين وللعلم مسبح النادي أعتقد يحق لك استخدامه فقط بعشرة ريال على ما أعتقد يعني بدال ما أدفع 350 وأجي أسبح مرة مرتين في الشهر وماستفيد شي أذا بغيت أسبح جيت النادي دفعت عشره ريال وانتهت السالفة :s2: بالنسبة لأخبار النادي مدري يعني الحين موبايلي تعتقد أنها أغرتنا بهالعرض الخيالي ولا شلون ؟؟ :s2: أخبار النادي موجودهـ في المنتدى والجرايد وكل مكان وبالنسبه للأيميل المخصص ماعتقد منه أي فايدهـ بصراحه أما البطاقة الفضية عروضها عاديه جدا رقم الموج الازرق واشتراك في موبايلي الهلال وتذكرة درجة عادية وصورة مع لاعب مفضل أشياء بسيطة وأخرتها 4200 ؟؟ والله استغلال بشع للأسف الشديد :cry: للأسف مثل ماذكرت في الأول أنا كنت أتمنى من زمان تطرح ونشوف الفكرة على أرض الواقع لأني توقعتها بتكون أشياء مميزة تفيد الجمهور الهلالي بالمملكة وكل مكان وتوقعت أسعار منطقية بمتناول الجميع لكن للأسف اللي قاعدين نشوفه أشياء مايستفيد منها الا عدد محدود من الجمهور وأيضا مبالغ مرتفعه غير كذا الفكرة طرحت فجأة وبمنتصف موسم وماكان لها دعايات واعلانات بشكل مكثف والدليل كثير من الجماهير ماتعرف أي شي عن الموضوع لذلك أتوقع والعلم عند الله فشل قوي جدا للبطاقة وهذي اللي مـا أتمناهـ وقاهرني عموما هي كـ فكرة مميزة لكن تطبيقها جاء استغلالي وسيء من موبايلي .. أتمنى يعاد صياغة الفكرة مع بداية الموسم القادم ليستفيد منها الجميع ان شاء الله شكرا أخي صاحب الموضوع وأسف على الاطالة :rose: :rose: بالتوفيق للزعيم يارب :ba: :ba1: |
للاسف عندنا في الوطن العربي بشكل عام قصور في النظرة التجارية يظن بأنه بهذه الطريقة وتنقيص المميزات راح يوفر على نفسه ويربح مباشرة ولكنه نسي انه على حساب عدد المشتركين يعني لو زادو مميزات ونقصو السعر مثلا في الزرقاء الى 250 واشترك عندهم 50 الف مشترك ( على سبيل المثال مع اني متوقع اكثر ) واللي ما اشتركوا بالتاكيد بسبب عدم الاستطاعه من اغلبهم افضل من 30 الف مشترك مع عدم رضى البقية لأنك في الحالة هذي خسرت اعضاء قد يكونوا للأبد لأنها ترسخت في بالهم ان هذا استغفال واستنزاف لجيوبهم حتى اللي اشتركوا بيكونون اشتركوا دعما للنادي وهم غير راضين عن المميزات أعتقد انهم ضاعت من حسبانهم نقطة منهم خارج منطقة الرياض اتمنى يعاد النظر في الباقات انا اذا اشتركت باشترك في الزرقاء كمساهمة في الدعم ليس اكثر والا المميزات من جنبها في نقطة ياعزيزي للأمانه اغلب المميزات حطوها كأنه يتعاملون مع فئه عمرية 15-20 سنه فيها استسفاه لأبعد درجة للمشجع الهلالي " اتمنى ان تدرج خصائص ومميزات خاصة في النساء لأني اراهن مهمشات في هذه العضوية مع ان لهن كامل الحق في التمتع بعضوية خاصة بهن كغيرهن من الرجال " |
عواااااافي على الطرح ,, اي شي يطرح جديد راااااااح تحصل فيهـ سلبيااااااات تغطي على الايجابياااااااااااات ,, والحقيقهـ اللاتينيهـ غاااااااااااليهـ بشكل جنوني ,,, |
اي والله كلامك فعلا منطقي الاسعار مرتفعه ولافيه شي لك مهم ( غير دعم النادي اللي متفقين جميعنا عليه ) يعطيك العافيه |
تدري وأنا أخـوك وش الفـرق أن بطاقات برشلونة تقدم لك مميزات وخدمات لأنك تملك البطاقة !! لكن بطاقات عضوية موبايلي وليست عضوية الهلال!! أنك تشترك بالعضوية لتكون ميزات لموبايلي لدفع صاحب العضوية للإستمرار في الإستهلاك وزيادة ربح موبايلي !!!!!!!!!! مقابل خدمات مميزات أقــل وهنا الفرق لم تفكر الشركــة إلا في أرباحها وكيف تسحب المشترك تحت مسمى عضوية !! لتتحصل منه على أربــاح أخـرى !! نتمنى دعم النادي بأكثر من هذه الأسعار لكن ليس تحت إستغلال موبايلي لجماهير الهلال والتي لن تحقق الأهداف المرجوة لنادي الهلال |
موبايلي تسوق لنفسها على حساب النادي s13sوالله يعطيك العافيه على الطرح الرائع |
ايه اخوي صادق لكن شيء احسن من لاشيء |
فعلا صدقت والله .. لو انهم ع الاقل فتحو بريد الكتروني ونزلو موضوع يقولون فيه بنسوي بطاقات عضويه وارسلو لنا كل افكاركم واقتراحاتكم وراح يتم تنظيمها وتنسيقها واخرجها بشكل رسمي لكم .. كذا احسها افضل لنا ولهم .. خصوصا ان البطاقات بتكون معنيه لنا .. فـ لازم يكون لنا رأي فيها .. |
بداية جيدة لعضوية الهلال وكل شيء بالبداية يكون ناقص او غير مرضي بشكل تام مع الوقت راح تتحدث شروط العضوية وتتحدث معها المميزات المهم في البداية ان تجد الفكرة منا كل الدعم |
| الوقت المعتمد في المنتدى بتوقيت جرينتش +3.
الوقت الان » 07:17 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd