|
ابعدوا اللاعب ( عادل الهرماش ) حتى لا يتكرر انتصار الشباب بسم الله الرحمن الرحيم السلام عليكم ورحمة الله وبركاته الهزيمة الوحيده للهلال كانت من فريق الشباب بالدور الاول كان السبب فيها عدم وجود محاور اكفاء يستطيعون ان يساندوا دفاع الهلال فكانت الكارثه واستطاع الشباب الفوز بهدفين دون مقابل علما ان المباراه الماضيه كانت محسوبه على ملعب الهلال وفي هذا الامر ايضا خطوره لابد ان يفوز الهلال في لقائه القادم بنفس النتيجه او اكثر تحسبا لاي امر اخر الدوري قد تكون نتيجه المبارتين هي من تحدد بطل الدوري بعد التعادل في النقاط الشباب استطاع الفوز لهذا السبب كانت مغامره الجهاز الفني بأشراك لاعبين شباب هما الان في فريق الهلال الاولمبي يصارعان على اللعب اساسيا فقد اشرك المدرب بعد رهان البعض عليهم اللاعبين حسام الحارثي وبندر البيشي حيث كانت المباراه اكبر من خبرتهم ومستواهم الفني والمباراه القادمه لا نريد تكرار هذا الامر وطلبي اتمنى من الجهاز الفني عدم اشراك اللاعب عادل الهرماش في اللقاء القادم مع هجر وذلك لسبب انه يملك كرتين اصفر واي كرت اصفر في مباراه هجر سيحرمنا من اشراك الهرماش ضد الشباب مباراه هجر ليست صعبه وخاصه انه متأثر بغياب افضل قلب دفاع وافضل لاعب وسط بسبب الايقاف اضافه لبعض اللاعبين المصابين والهلال لديه من لاعبين المحاور من يغطون النقص امثال محمد القرني وسلمان الفرج في ظل اصابة الغنام الخبث الكروي موجود قد يتعرض الهرماش لمضايقات تجعله يخرج عن طوره ويحصل على كرت الغياب ضد الشباب وقد يركز حكم المباراه عليه ويخرج الكرت بقرار خاطئ وكل الاحتمالات وارده مباراه الهلال والشباب هي الاهم وهي تحدد من سيتصدر وهي تحدد من سينطلق وهي تحدد من ستخف الضغوط عليه وهي تحدد من سيطارد في الترتيب استعدوا لهذه المباراه واريحوا اللاعبين المرهقين والمصابين والمهددين بالايقاف ضد هجر تحياتي |
أولا ً : تشرفت كثيرا ً بأنني أول من رد على موضوع أخي الكاتب الكبير / الناقد الصريح . ثانيا ً : يجب على الكابتن سامي الجابر تنبيه المتخبط دوول عن هذه النقطة الهامة فمباراة الشباب أهم بكثير من مباراة هجر ويوجد البديل المناسب محمد القرني وإعطائه الفرصه كامله واللعب أساسي ووووكذلك أتمنى من المدرب بأن يضع الكووووري يو بيونغ سو أساسيا ً في هذه المباراة وشكرا ً لك يالناقد الصريح وكلامك دائما ً صحيح |
القرني موجود وهجر مو نفس اول مباراه له بالدوري |
والله ممممممممممممممممممممممممممممممممممممممممممممممممممممممممممعك حق مباراه الشباب هي الاهم .................... |
:rose: عادل هرماش ملطب ضروري تواجده في ديربي الرياض ( الهلال والشباب ) والأجمل ان يشارك بجانبه المبدع ( محمد القرني ) في مباراة هجر القادمة .. اتمنى مشاركة النجمين ( القرني - الفرج ) امام هجر .. نجمين كبار بمستواهم .. يكفي ماقدموه أمام الأهلي لاهنت .. بالتوفيق للملكي |
الله يفكنا من دول عاجل غير اجل مادري كيف يفكر والله ضيع علينا ايمانا والكوري وتوقع منه اي شي الله يوفق الهلال فوق كل ارض وتحت كل سماء |
اتفق معك وبنفس اللحظه لا اتفق لأن اصعب مباريات دول ضد الاندية الصغار :s2: يعني فيه مممد القرني مع الشباب في حالة غياب هرماش والافضل مشاركة هرماش الشوط الاول بمباراة هجر |
مافي إحد بينرفز هرماش إلا فيه سبب .. اللاعب كلنا نعرف إنه خشن ومتنرفز , ولا أدري وش السبب .؟ مثل رادوي قبل , كل مباراة متنرفز وخشونة بلا داعي , وهذا الشيء يخلي لاعبين الخصم يحتكون فيهم وينرفزونهم , وهذا الشيء راح يستفيد منه الخصم من خلال طرد اللاعب . يعني اللاعب هو اللي يسبب المشاكل لنفسه ..؟ تحياتي . |
فعلاً مبارة الشباب مهمة جداً لإن الإنتصار فيها يعطينا راحة ويفتر ض ايضاً في مبارة الشباب الإيعاز لهرماش بأخذ كرت اصفر حتى يتوقف المبارة الي بعدها ويكون جاهز أمام الأهلي |
صحيح لابد ان يكون احتياطي اخشى ان يكون اساسي ويتحاشا الاشتراكات مع الخصم ويقل مستواه مثل مباراة الاتفاق ويعطيك العافيه |
انا كنت اتمنى انه ياخذ كرت مباراة الاتحاد عشان يلعب مع الشباب ويصير سجله نظيف يعطيك العافية اخي الناقد الصريح |
مشكور حبيبي وان شالله هرماش مايتوقف لانه الاعب الاول بالفريق ونبي العتيبي اساسي ويبعد ايمانا افكنا منه |
يعطيك العافيه ع الموضوع فعلا مباراة الشباب مهمه ولكن مباراة هجر لا تقل اهمية لذلك يجب عدم الاستهانه بالخصم وترك مباراة هجر والتفكير بمباراة الشباب لو خسرت بمباراة هجر وفزت قدام الشباب كأنك يابو زيد ماغزيت لذلك كلا المباراتين لهم نفس الاهميه وان شاءالله الجهاز الفني والاداري ينبه اللاعب لهالنقطه ويكون على قدر المسؤوليه والوعي بحاجة الفريق له في قادم الايام.. تحياتي لك يالغالي |
بارك الله فيك وفي طرحك المميز ونظرتك الثاقبه. اتفق معك تماما 100000% خاصة بعدم لعب الهرماش امام هجر. تقبل اجمل وارق التحايا. |
كلامك سليم جداً ... لأن هرماش مهم جداً وله ثقله في الملعب ... |
| الوقت المعتمد في المنتدى بتوقيت جرينتش +3.
الوقت الان » 03:12 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd