تكفون الله يبيض وجيهكم خلونا من التحليل الفني أللي والله ما يوكل عيش ...
مع الشكر ...

يا جماعة انا من وجهة نظري المهاجم ما يسمى مهاجم او راس حربة اذاخلى من هل الشروط
المهارة و السرعة التمركز التهديف بكل الحالات يعني بالراس الرجل الييمنى واليسرى
وهل الاشياء كلها تخصص امريكي جنوبي واحد يجيب لي من افريقيا ولا من اسيا ولا من اوربا ما ينفع هل الاشياء
انا اؤمن ان منبعها هي امريكا الجنوبية بالعربي اذا الهلال يبي مهاجم صح فايف استار يجيب له من امريكا الجنوبية
تذكرون سيرجيو مهاجم الهلال اذا بيفكر بمهاجم اتمنى انه يفكر بمثل هذا المهاجم هذا رابط عشان تعرفون ايش معنا مهاجم‫أهداف المهاجم البرازيلي (سيرجيو) مع الهلال‬‎ - YouTube
وانا اذا المهاجم مو مهاري ما اسمية مهاجم حتى لو اخذ هداف الدوري
الكورة السعودية تفتقد للمهاجمين المحليين لا ناصر ولا هزازي ولا ياسر مع حبي الكبير لابو عزوز ولا مالك ولا سعد
تدرون متى تكون الكرة السعودية بخير
اذا كان عندنا مهاجم يستغل انصاف الفرص وبعد 2007 الله يرحم مهاجمين الكرة السعودية كلهم بدون اي استثناء
الله يرحم ايامك يابوعبدالله كان المنتخب ما يوقف قدامه لا كوريا و يابان
الحين نرقع من اليابان خمسة وعااااااااااااااادي
بالنسبة للفريدي والفرج والبيشي وعبدالعزيز الدوسري ونواف العابد هذول لسى شباب ما نضجو فكريا
المفروض حنا ناخذ بيدهم ونازرهم مو نطلع ونقول لهم انت مكانك مو هنا ولا غيره
كلنا شفنا مباراة الهلال والاتحاد والهدف حق الاتحاد خطى قلوب الدفاع مو خطى الفرج
انا اشوف ان سلمان مستواه والله افضل من الزوري هل الايام اتمنى يثبت مكانه بدل الزوري
وحاب اعلق على شي اول ما جاء ياسر الى 2007 يخسى اي فريق يوقف قدام الهلال
تدرون ليه لان ياسر كان ياسر

اشكرك على اجتهادك
انا اراى ان العربي لاعب ثقيل ولا اداء الاداء المطلوب منه حتى الان مقارته بالمبلغ الذي
يتقضاه

سبحان الله المحياني لاعب ثلاث مباريات متتالية مسجل اربع اهداف المباراة الوحيدة ماسجل اصبح لاعب عايدي مع العلم للي يرجع لمباراة الاتحاد بعد خروجه اختفى تماما العربي لسببين اول كانت تحركات العربي وتمويله بالكرات اكبر ووجود مراقبة لصيقة للمحياني لمعرفة الخصم بخطورة اللاعب اكثر من جماهير ناديه رغم انه غير جاهز المفروض من البداية اشراك الكوري وفي الشوط الثاني اشراك المحياني بس عندنا مدرب خرافي اتمنى من الاعضاء حب الكيان وليس لاعب الاحظ هجوم شرس من كل واحد على نجمه المفضل في ناس والله ماتستاهل وصلت السما بسبب العاطفة لا اكثر.

تحياتي للعقلاء من الجمهور الازرق

ويا كرهي للجمهور الاصفر بس

كذا من ربي

اخ المعشوق خالد

عيسى المحياني من قال انه هداف الدوري

اذكر هداف الدوري 2006 لاعب الحزم اترام

يعني العربي سجل على الفرق الكبيرة

الشباب + الاهلي + النصر + الاتفاق + الاتحاد

ياسر حسم الدوري ااكثر من مرة

فلا ترد ردود عشوائية وعند التحجير

انا كذاب وو من حركات الصغار

ياعيني عليك بالادله

القاطعه

صدقت 100٪

ياناس فكونا وش الهواش هذآآ !!!

إقتباس الرسالة الأصلية كتبت بواسطة معشوق الهلال خالد اكيد ياسر افضل مهاجم في العالم ميسي يقول حلم حياتي اصير مثل ياسر القحطاني مهاجم العين الاماراتي وين الاسطوره ياسر عن مباريات ذوبهان ،،ام صلال،، الاتحاد في اسيا حبيبي لو ابي اجيب لك الهجمات اللي ضيعها ياسر من يوم جاء للهلال راح اجيبها لك في خمس دقايق العربي ثالث هداف الدوري الفرنسي واللي سجل في مرسليا وليون وبوردو تقارنه بلاعب اهدافه في الفيصلي والحزم ..! العربي في 13 مباراه يقترب من المعدل السنوي التهديفي لياسر في الدوري..! ياسر معدله السنوي في الدوري عشرة اهداف اما العربي في 13 مباراه ثمانية اهداف بدون ركلات جزاء من الظلم المقارنه بين لاعب له معك ست سنوات وبين لاعب ماله معك غير خمسه شهور..! اما مايخص هجمات العربي فهجمته قدام الشباب ابعدها معاذ في اخر لحظة ولاهجمه قووووووول وقدام الاتحاد وضع الكور في زوايا صعبه لكن ربك وفق مبروك وتصدى لها..! يكفي انه اجتهد ماجلس يسحب رجلينه ويوزع ابتسمات ..! وجميع مدافعين الاتحاد المولد والسعيد وتكر اخذو كروت صفر بسببه ..! اما عيسي المحياني يكفي انه كان اساسي في منتخب الشباب وياسر كان احتياطي له..! يكفي انه هداف الدوري السعودي 2006 مع الوحده وكل موسم له مع الوحده كان ينافس على الدوري والشمراني لاعب الشباب كان احتياطي له..! فيما ياسر ماعمره في حياته اخذ هداف الدوري لامع الهلال ولا مع القادسيه حتى في موسم جيرتس الهجومي كان هو رابع هدافين الهلال خلف وسط الهلال الشلهوب 12 نيفز 11 ويليهامسون 10 ياسر القحطاني 9 ياساتر مهاجم الفريق رابع هداف الفريق وكان بامكانه الفوز بهداف الدوري ذاك الموسم نظير مستوى الهلال الكبير ونظير ايضا عدم وجود منافسين له على صدارة الهدافين فهزازي والشمراني الموسم ذاك كانو مصابين بالرباط الصليبي مع ذلك القناص لم يحقق هداف الدوري..! اما مايخص ان عيسي اخذ فرصه بعد هروب ياسر بعد خروج ذوبهان فاولا بعد خروج ذوبهان جيرتس ترك الفريق وجالس الهلال بدون مدرب لثلاث مباريات النفسيه كانت سيئيه جراء الخروج الاسيوي علما ان الدوري توقف عشان بطولة الخليج..! يعني بلاش قلب الحقايق ترانا ناس عارفين الكوره ونعرف التاريخ فبلاش قلب للحقايق.

+1 ما ازيد على كلامه ولا حـــــــــــــــــــــــــــــــرف

الهلال يحتاج الى

1)مغادرة توماس دول
2)اشراك يوسف العربيس ويو بيونج اسايان
3)احظار ظهيرين ايمن وايسر وخصوصا الايسر مهم بدل للزوري
4)ايجاد حلل للخبطه في خط الوسط وتنسيق اللاعبين وتوظيفهم لكل حسب طريقة لعبه

ماقول الا بيض الله وجهك
اقسم بالله موضووع راااائع جدا ياليت كل الاعضاء مثلك
تكفا لاتحرمنا من مواااضيعك ياذيب

العربي والمحياني حرام يلعبوون للهلال ع حساب اللاعب الرائع الكووووري

عيسى هداف يعني عشان مباراه وحده قدام الاتهاد ماسوا شي حطيتوه خايس وهو قبل المنقذ ومدري ايش تراه كان مصاب وماضموه الا قبل المعسكر ،، ثاني شي العربي ياليت انه مايروح والله لعيب وهداف ويكفي جسمه راح ينفع مع الفرق الايرانيه ويضرب راس نحتاااجه لايرووح ،، اما تبي ياسر يرجع رح شجع العين ماضيع هجومنا الا ياسر مجامله بمعنى الكلمه يضيع بالكوم والمشكله اللي يضيعها تحتاج لمسه بس ياحبه للفلسفه ،، عندنا مهاجمين كفو بس اتمنى تبديل ايمانا بالتشيلي والكوري بظهير

قريت الردود قدر الامكان وصلت للصفحه 3
للأسف ولا رد تكلم بشكل منطقي !

وتحول الموضوع من الهلال لـ ياسر اوك ياسر لا مو اوك !!

الي قاهرني قسم بالله ان الموضوع خرافي و متعوب عليه و اوافقك على 95% من النقاط الي ذكرتهاا

بأختصر الكلاممم ،،

يوسف العربي نجم كبير جداً جداً لكن ماينفع للهلال ،، ليش ؟ لأنه بطي و يعتمد ع الرأسيات و الاحتكاك البدني والهلال يحتاج لاعب سريع مهاري من لمسة .

الكوري إلى الآن ما اخذ فرصته ولا احد يقدر يحكم على مستواه لكن ارجع واقول ان ميزته تقريباً في الرأسيات ،،
وكلنا شايفين الفريق أظهره ستاندر ولا لاعب يعرف يرفع كوره مثل العالم ولاعبين الوسط يرفع لك الكوره تقعد ساعه بالجو على ماتوصل للاعب يكون المدافع قراها وفهم الطبخه وقاعد يستنى بس الكوره توصله له !!

طبعاً هذا كله غير السباك الي ماتدري وش تكتيكه بالضبط يابوووووي خلص نص الدوري وحنا ماندري وش خطتك ولا ندري مين بيلعب ومين لا مافي تشكيلة ثابته لبطل الدوري !! ارحمممم يامسلممم

بالنسبة لياسر ،، ماحب ناكرين الجميل ،، ياسر قدم كل مالديه للهلال وحقق بطولات و اعتلى منصات ووصل لـ قمة اسيآ ،،،

سالفة ان ياسر ماجاب اسياآ هذي قوية بصراحه ،، ادري ياسر نجم كبير وعشان كذا تبيه يجيب اسيا لكن الهلال من 10 سنين ماجابها وش معنى ياسر يجيبها يعني ؟

الآن ياسر في العين ،، كنت اتمنى انه مايكون الموضوع فيه نقطة ياسر ...

ودي