|
الله يعدي هالموسم على خير .! بسم الله الحمن الرحيم في البداية أقدر أقول لكم هاردلك مو بسبب التعادل فقط بسبب الستة اللي أكلناها بالتقسيط الموسم اللي راح ولا رديناها لهم الى الحين .! مستوى الهلال كان مقنع نوعا في هذا اليوم يمكن افضل مباراة قدمها الهلال من ناحية المستوى هي مباراة الاتحاد.. طبعا من بعد مباراة الاهلي ندخل الان في " الأهـــــم " مـــــستـــــوى الاجـــــانــــــب .! إيمانا >> ملايين الملايين دفعناها فيه والخوف من انه يكون [ مقلب وشربناهـ ] لاعب كبيرماقلنا شي بس الى الحين مستواه ماهو مرضي أبدا لنا كجماهير هلالية مدري هو متعالي على الدوري السعودي ؟! او انه الى الان ماتأقلم .. لكن في فترة الانتقالات الشتوية بكل صراحة وأعطيكم ايها على " بلاطــة " زين إن قلعناهـ وردينا ولي هامسون الوسط الان ماهو نفس الوسط العام اللي راح كان ولي مشعلل الوسط يكفي عرضياته وسرعته المميزه كيف انظحي فيه لجل لاعب كبير باسمه لكن بمستواه [ مع الهلال ] للأسف مو مرضي هرماش إلى الان ماقدم اللي ينسينا فيه رادوي على قولته مدري يمكن ما تأقلم مع الفريق ؟! أو لجل الاصابة اللي لحقت فيه من بداية الموسم لكن الى الان هو " غير مقنع أبدا " وعلى طاري هرماش أول ماتعاقدنا معه قال الاعلامي النصراوي عادل الملحم في برنامج الجولة أتوقع بان عادل هرماش سينسي الجماهير الهلالية رادوي من بعد ماقالها وانا غاسلة يدي من هاللاعب مدري ليش يمكن لان المدح جا من نصراوي ..! وتعرفون طريقة بعض النصراويين في التحدث عن مايخص لاعبين الهلال يمدحون الشين عندنا لجل نطيح بالمطب وناكلها الكوري يو بيونج سو إلى الان مستواه مايشفع له بالبقاء في الهلال قد تكون الاصابة عذر لكن من وجهة نظري سو اذا حطيت قدامه مدافع ووراه مدافع وأحكمت الدفاع عليه ماهو معطيك من مستواه ولا 10% والمباريات كثيرة وهي أكبر دليل يعني ما أتوقع الهلال راح يستفيد منه ماطلع الا في مباراة الشعلة ومباراة الاتفاق " الودية " لكن في أغلب المباريات كان مختفي عن الانظار .! وكأنه مو موجود في الملعب .! يوسف العربي هو الوحيد اللي أثبت وجودهـ صحيح ماملا عيون الجماهير الهلالية لكن هو الوحيد من الاجانب اللي كان مقنع لنا كجماهير هلالية وفي الاخير >> يبون يبيعون عقده مدري يعيرونه ؟! الطــامـــة الكبرى [ المــــدرب ] .! أنا مدري كيف بنصبر على مدرب مثل هذا ؟! تغييراته تشهد على تفكيرهـ بصراحة هالمدرب من مدربين " أبو ريالين " وماكان بالاصل بيجي للهلال لكن بعد ما توقفت السبل بالاداراة الهلالية ورفض المدرب باوزا يدرب الهلال بسبب ظروفه يعني ادارة الهلال جابت هالمدرب فقط [ لتسكيت الجماهير الهلالية ؟! ] لكم الجواب ..! ايمانا + دول >> الافضل ابعادهم نبعد ايمانا - ونرجع ولي هامسون دول - يا يفسخ عقده الاسبوع هذا قبل مايجي اللي بعده .. يا انكم تودعون الاسيوية والمستويات المتميزه .. >> مع اننا مودعين الدوري والاسيوية والله اعلم [[ اآاآاآه على ايام جريتس وكوزمين ]] نــــــــقــــــــاط مـــــــتـــــفــــــــرقــــــــة - الموسم الاستثنائي .. وينه ؟! ليكون قصدهم ظهور الهلال بهالمستوى او بالمدرب الداهية .. دول .! أو بإعارة ياسر بطريقة مؤسفه للاسف الشديد ؟! - تتوقعون أسيا بتجي بهالمستوى يازعماء ؟! يعني على أساس انه الموسم استثنائي طبعا ..؟! - عيسى المحياني ماننكر جاب 3 أهداف و.. و.. لكن التطبيل اللي حصل عليه صراحة ..! مظحك بشده .. مو القصد اننا محاربين لعيسى أبدا لكن ياجماعة الخير مستواه مع احترامي .. على قده يعني مو ذاك الزود بعض الجماهير يحسسونك انه قنبلة الهجوم الهلالي . - في مباراة الهلال والاتحاد الهجوم الهلالي بدون ذكر اسماء ضيعوا فرض كثيرة ومحد سلخ أجلادهم لا من جمهور ولا من إعلام فقط لان الاسم " ليس ياسر " صار [الإنصاف] موجود ؟! لله درها من عقليات - اآاآاآاه يا ياسر ..! افتقدنا وجودك في هالموسم وهو ببدايته الله يصبر الجماهير الهلالية بس ويصبرك على البعد عن الهلال في هالموسم غيابك مؤثر في الخارطة الهلالية بكل صراحة . الموضوع للنقاش وكل واحد يبدي رأيه بحدود الأدب وشكرا تحياتي >> هـــلالــــيـــة << |
هناك رجال خلف النادي و لاتخافي .....راح نحصد الذهب... |
إقتباس:
بخصوص مايذكر في الصحف الصفراء بأن الهلال لم يفز على الهلال موسم 2011 ومن الكلام فما فائدة الفوز وبالأخير اخرج من الموسم خالي الوفاض الموسم الماضي الإتحاد فاز علينا وتوجنا ببطولتين وفوزهم توجوا بخروج مر من موسم خالي من البطولات . صحيح هوية الفريق البطل ان يفوز بجميع مبارياتة لكن الهدف هو البطولة وليس تحديد مصيرة بفوزه على نادي معين . إقتباس:
من وجهه نظري افضل مباراة فنية للهلال لحد الآن هي مباراتة امام شقيقة الاتحاد وبعدها الاهلي فقط . إقتباس:
بخصوص الأجانب هذا تعليقي فيهم : بيع عقد ايمانا وجلب الاعب ويلهامسون المتبقي من عقده نص موسم اعتباراً من فترة يناير إلى نهاية الموسم بيع عقد العربي وإحضار لاعب مميز صاحب امكانيات هائلة ومهارية ولاعب صندوق بأختصار : مثل لاعب نادي العين الإماراتي (( جيان اسمواه )) بيع عقد الاعب الكوري وجلب الاعب بدر المطوع الاعب المحترف بنادي النصر سابقاً فهو مهاجم اطراف + قناص لإنصاف الفرص وسبق وان ابدع مع نادية الكويتي ونادي النصر سابقاً بالرغم بأن لايوجد لدية صناع لعب مثل ماهو موجود الآن بنادي الهلال من نجوم الإبقاء على الاعب المغربي عادل هرماش نقطة توضيحية : ربما البعض راح يعلق بخصوص ايمانا وانه مااخذ الفرصه و ... إلخ انت لاعب محترف ومترتب عليك ان تتأقلم على الاجواء بسهولة اضافه إلى ذلك فهو يشارك في التدريبات بمعنى أنه تأقلم وصنع انسجام مع الاعبين في التدريبات فالمباريات ليست هي من تصنع الانسجام اكثر من التدريبات . فـ الاعب المميز يوضح عليه من اول مشاركة ولعل رادوي وبدايته مع الهلال امام النصر اتضح بأنه لاعب مميز ولم نخلق له الاعذار بأنه لم ينسجم بالرغم انه قادم من اجواء اوربيه مثل ايمانا اضافه إلى الاعب طارق التايب فـ الاعب المميز بمشاركه واحده فقط تحكم عليه والامثله كثيرة ايمانا لاعب مميز في الدوري الإسباني لكن مشكلته الوحيدة متعالي على الدوري السعودي اما بخصوص التغيير الأجانب : مع الرغبه بجلب لاعب محترف يحل خانه الاعب المغادر إقتباس:
1/ بخصوص المدرب الكل يعلم بأن المدرب يصنع الفارق 30 % فقط وبقية النسبة يملكها الاعبين وادائهم بالملعب وهل لديك البديل الجاهز او لا ؟ 2/ المدرب هو آخر صفقه ابرمت قبل بداية الموسم . بمعنى : انه جاء بعد ماكان الفريق جاهز من ناحية الاعبين المحليين والاعبين الاجانب ولم يستشار بأي لاعب اجنبي . بأختصار : الجود من الماجود فـ انا لا الوم المدرب نهائياً بما انك فرضت علي ادوات ربما لا احتاجها إقتباس:
</B> اعتقد والعلم عند الله بأن وعود رئيس الهلال واطلاقه للتصريح خلال الموسم الماضي بأن الموسم القادم هو موسم استثنائي يسبب له ضغوطات كبيرة وكبيرة جداً وهذا واضح من خلال تصاريحه الآن . لانه وعد ومع الآسف الى الآن لم يوفي بوعده وربما راح يكون هناك سبب من اسباب القرارات العاجلة . إقتباس:
موضوع آسيا اعتقد بأنه موضوع نفسي فقط لاغير . صحيح قيريتس يتبع الخطه الشمولية لكن ليس من صنع الفارق بآسيا والدليل : مدرب الشباب السابق والسد الحالي . فـ الموضوع بوجهه نظري نفسية اكثر من انها فنية .</B> إقتباس:
بخصوص ياسر ومواضيعه المتداولة بكثرة بقسم المنتدى الهلالي بالرغم بأنه الآن لاعب يمثل نادي آخر وهو معار ومع ذلك ينشر بكل اريحية وسبق وان اعيروا لاعبين هلاليين كثر ولا ينشر مواضيع تخص الاعبين المعارين بمنتدى القسم الهلالي تعليقي على ماذكرت عن ياسر وكأنة هو الاعب المنقذ لنادي الهلال ماذا قدم ياسر للهلال آخر 3 مواسم هل تعلم بأن ياسر الموسم الماضي لم يسجل بأي نادي جماهيري سواء الاتفاق فقط ؟ اعتقد والكل يعلم بقصد شبية الريح لما صرح بعد الخروج من الآسيوية ماقبل العام عندما قال خذلت من لاعبين كثر وخذلت وخذلت وانا ابصم بالعشرة بأن اول المقصد هو ياسر القحطاني فـ اذا كانت عباراتك بالمديح عن ياسر هكذا فربما المقصد ياسر آخر صحيح ماحد ينكر ماقدمه ياسر للهلال سابقاً واخص بالذكر 2006 و 2007 واول عام 2008 لكن بعدها اختفت شمس ياسر . ياسر في الأونه الأخير جومل كثير وكثير جداً على حساب المحياني ولم يستثمر هذي المجاملة فـ ماله إلا حل واحد اللي هو الإعارة حتى يبحث عن نفسه ومن ثم يعود اذا كان مستواه كما عرفناه وبالأخص 2007 اما اذا كان ياسر بفترة اعارته نفس ياسر آخر 3 سنوات فـ اتمنى من ادارة الهلال بيع عقدة . بالاخير : اتمنى تقبل رأيي ووجهه نظري ونقاشي حول بعض نقاطك برحابة صدر وسعة . دمت بخير :rose: |
غريبه مانتقدتو العربي:d اكيد العربي هو الافضل بدون منازع ياخي يكفي ان مستواه اكبر من دوري زين ..!:smilie47: مسجل ثمانية اهداف وصانع خمسة اهداف يكفي انه طلع ريحة المولد وتكر امس الاول ..! اتمني من الاداره تترك شغل الشريطيه هذا وتبقى على العربي على الاقل الى نهاية الموسم. اما باقي الاجانب مميزين جدا ومعروفه مستوياتهم مع انديتهم السابقه هرماش لاعب كبير ومقدم الى الان مستوي جيد اما الكوري فلا يلام فسباك بنادول مايلعبه كثير حتى وعيسي مصاب ماشراكه تحس الدعوه استقصاد له اما ايمانا اسم معروف ايضا هو الاخر لايلام فسباك يلعبه مهاجم ثاني وهو معروف لدي الجميع انه صانع لعب ..! عموما اتمني رحيل ايمانا وجلب اينيهو لاعب تشونبوك الكوري او مولينا لاعب سيول الكوري. هههههههههههههه اجل عيسي لاعب عادي عيسي هداف الدوري ودايم ينافس عليه ايام الوحده اما القناص ماعمره في حياتي حقق هداف الدوري ..! اقول شجعو قناصكم في العين واتركو هلالنا التفحيط هذا كله عشان تتكلمين عن القناص..! |
كلام رائع يعطيك الف عاااااااااااااافيه |
تفاااااااااااائلوا باالخيرررر تجدووووووووة اشبلاكم متشااااااااااااائمين هذا المووووووووووووووووسم انشاااااااااااللة نوخذ بطوولات انشااللللللة نوخذ الاسيووووووووووووووية هذي امنيتي بس ماكااااااااااااااكل مايتمناااااااااااااااة المرء يدركة |
معليش مره معليش اجل هرماش اللي غير مقنع اجل مين اللي مقنع بالنسبه لك في المحور هرماش الى الان افضل الاجانب اما الكوري بالله كم مباراه لعب ها مباراه الاهلي تألق وسجل مباراه الشعله تالق وسجل والمدرب مايدخله الا اخر عشر دقايق يعني ف هالعشر دقايق تبغيه يسجل ؟العربي هذا تسميه مهاجم صحيح انه يتحرك ومستواه كويس لكن من عشر كور يسجل وحده واتوقع الكل شاف بمباراه الاتحاد كل الفرص ضيعها أو بإعارة ياسر بطريقة مؤسفه للاسف الشديد ؟! وش هي الطريقه ؟ على فكره اللاعب هو اللي طلب انه يحترف واذا في كلام غير كذا ياليت تذكريه لنا الحين عيسى هو اللي مو قد كذا وياسر هو اللي بسم الله عليه عيسى مهاجم ويسجل من انصاف الفرص ومميز يعني جماهير اللاعبين كاثرين صراحه ياسر يوم راح مستواه هابط مره ولابعد هو احسن من عيسى الحق ينقال وانا اختك عيسى ماشاء الله عليه باذن الله يستمر مع الهلال لكن اتمنى تراجعي بعض النقاط بموضوعك وتكتبي الحقيقه خصوصا بنقطه عادل وعيسى وطريقه اعاره ياسر ودي لك |
سامحيني اختي بس انتي من جمهور ياسر ساندي ياسر في موقعه وفي ناديه العين الله يوفقه ان شاء الله هرماش اجل بايخ الي لحد الان ماسك خط وسط الهلال وله ثقله العربي هداف الهلال باقي له كم هدف ويعادل اهداف ياسر بموسم كامل بايخ الكوري مالعب اصلا وقلتي بايخ عيس الي انقذنا من تعادل نجران المر وهزيمة اتفاقية مذله بايخ تركتي الفريق كله في مباراة الاتحاد وجلستي تتابعين عيسى عجببي والله على فكرة ياسر من ايام قريتس ماسجل في الاتحاد سجل في مباراة كان تحصيل حاصل وانهزمنا فيها بعد ههههههههههههههههه تكفين لاتخليني اتكلم اكثر تراك رفعتي ظغطي مو ناقصني يجيني انذار الف شكر لك |
إقتباس:
|
#### آلله يعطيك العــآفيه ~ , و اذا كان فكرك رد السته الي الموسم الي راح ما راح نفوز ابد : ) بالتوفيق لـ هلآلنـآ .. |
العربي + هرماش هم ابطال صحيح ماقدموا اشياء كبيره للحين بس عادل هرماش والعربي اتمنى يبقون راح يقدمون اشياء كبيره وقويه لن تنسى .. اراهن على ماقلت .. الكوري يو + ايمانا اتمنى نعير ايمانا لأحد الانديه ونرجع ويلي ونعير الكوري بعد ونجيب مدافع اسيوي بطل وحسب ماشفت انا مدافع نادي العين اسماعيل بطل ويعجبني صراحه قوي ويملك التسديد بالرأس بقوه وفي كل مباراة يقدم مستوى اروع من الثاني بالتوفيق للزعيم .. |
اولا الف شكر ع الموضوع.. بالنسبه لعيسى انا اشوف مستواه عاادي جدا اما الكوري صعبه احد يحكم عليه مالعب الامباراتين اساسي وابدع فيها, ومع ذاك اللي اعرفه ان اداره الهلال راح تستغني عنه هو وايمانا وجلب مدافع اسيوي وويلي هامسون بالنسبه للعربي انا اشوف انه افضل الاعبين الاجانب هرماش هو الاهم في الوسط لانه يلعب بمركز جدا حساس و جدا مهم ..وهو يقدم مستوا انا اشوفه مقنع بالنسبه لي.. ايمانا اتمنى ابعاده ويرجع ويلي هامسون ..لان ايمانا صانع لعب يجيد الاستعراض فقط.. مافيه صناعه للاهداف مثل مانشوف من الشلهوب او الفريدي , اما ياسر القحطاني انا مع انه يروح اعاره .. وللمعلوميه هو من طلب انه يذهب .. |
الله يستر من هالموسم عين ماصلت على النبي لاحول ولاقوة الابالله |
| الوقت المعتمد في المنتدى بتوقيت جرينتش +3.
الوقت الان » 07:00 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd