|
والله انا اشوف كلامك جدا رائع وبالنبسه للكوري انا متضايق انه ما يلعب لكن يمكن توماس وااثق ان الكوري لاعب كبير ويحتاجه باسياء اكثر من الدوري ولا يبي يكرف كل اللعيبه بالملعب ووقتها لاجاء دوري اسياء نلقى نص اللعيبه مصابين والا لياقتهم ضعيفه والدليل كل مبارات فيها لعيبه مانتوقعهم يعني انا اضمن لكم ان تخطيط دوول اسياء اللاعب المهم فيها هو الكوري ومعه ايضاًَ سعد والا ياسر والاحتياط والعربي والمحياني وانا اضمن لكم راح تقولون دول هو علاج اسيا دول اسياء |
شوف حبيبي ,, يعطيك العافية أول شي على الموضوع المميز ,, طبعا أنا مع ابقاء دول لسبب واحد بس ,, إنه الوقت غير مناسب في انك تغير مدرب ,, وتجيب مدرب جديد بتكتيكات وافكار جديدة ,, وعلى بال ما يكتشف مستويات الاعبين ,, ومن أنسب من مين ,, كل هذي الاحداث لو صارت راح تدهور مستوى الهلال أكثر ,, بس طبعا مو معنى كلامي اني راضي على دول وما يقدمه ,, وآسف حبيبي ,, بس بسألك سؤال ,, أتمنى يكون بيني وبينك نقااش فييه .؟؟ ويا تقنعني يا اقنعك ,, سؤالي هوا ,, شايفنا اننا جالسين نحكم على المدرب من مباراة الهلال والاتحاد بس ,, ولما تجي تدافع عنه تجيب لي ايش كان تكتيكه مع الاهلي والنصر ..؟؟ ياخي العزيز ,, لما نجي نقيم عمل وتكتيك مدرب ,, نقيمه على مدار الدور الاول بالكامل ,, 13 مباراة ,, 10 منها الهلال لم يظهر بالمستوى ,, أبغى اطرح لك مجموعة مباريات ما ابغى ممنك تشووف نتايجها ,, أبغى منك تقلي مستوى الهلال فيها كيف كان ,, ومستوى الخصم كيف كان .؟ الهلال vs الفيصلي ,, الهلال vs الفتح ,, الهلال vs نجران ,, الهلال vs هجر ,, الهلال vs التعاون ,, الهلال vs القادسية ,, الهلال vs الرائد ,, الهلال vs الاتفاق شوف المستوى بالمبارايات هذي ,, وتعال نتناقش المدرب كويس ولا لأ .. ,, |
دول مهوب مدرب فاشل ولاهوب بسباك بس احيانا يخطئ في التبديلات |
إقتباس:
يا اخي العزيز ,, هل يعقل تبعد لاعب عن جو المباريات ,, وانتى لسى داخل على آسيا وراح تلعب فيها دور المجموعات و3 مباريات كل مباراة ذهاب واياب ,, ؟؟ وتبغااه يبدع لك ..؟؟ وغير كذا كمان يعني عشان نبغى اسيا ,, الدوري ننسااه .؟.؟ |
يسلموو ع الموضوع الرائع اتمنى اعطائه فرصه لنهايه الموسم ونصبر عليه اما من يطالب باقالته وجلب قريتس بديل عنه ففريقنا مع قريتس اضاع اسيا بمستوى مخجل جدا بالتوفيق للهلال |
إقتباس:
واتمنى نحكم على دول خلال الدور الاول كامل ,, وليس مباراة أو مباراتين ,, لعبة 13 مباراة ,, مع مين كانت .؟.؟ وكيف مستوى الهلال فيها بغض النظر عن النتايج .. |
إقتباس:
لأن معروف كل بعد اقالة ومدرب جديد ,, حيكون في نكسه بالفريق ,, بس طبعا ما زلت أنا عند رأيي ان دوول مدرب منطقي وليس تكتيكي ,, ولن يقدم للهلال شي ,, الهلال اللي راح يعلمه اشياء كاان غافل عنها صدقني ,, ومافي أحد يقدر ينكر كيف كان مستوى الهلال بالمجمل بأيام جيرتس ,, ليتها ترجع بس ,, |
مدرب ماعنده شي جديد لا تكتيك ولا ابداع في الملعب حتي التغيرات ماتشفع له . مدرب مايعرف يقراااا المباريات |
والله انا اوافقك الراي اغلب الاخطاء من اللاعبين لعدم الانسجام القوي ولكن في اخطاء بسيطه من دووول بسبب انه جديد على الدوري السعودي وفي اختلاف كبير بينه وبين الدوريات الاوروبيه فلذلك انا اتمنى بقاءه مع الهلال وكما قالو الزعماء انا احس انه بيروض اسيا في الرياض شكراً يا محمد |
صحيح بعض النتائج هذا تخاذل من اللاعبين , لكن مشكلته إن كل مباراة أو مبارتين تشكيلة لو صار مثل غيريتس نفس التشكيلة بالدوري لكن إذا صار فيه إيقاف للاعبين وإصابات يغيرها بس ما يغيرها كامل يغير الجزء منها والله يوفق توماس دول بقيادته للزعيم |
اقدم اعتذاري للسيد دول واتمنى منحه الفرصة كاملة على الاقل موسم كامل , ولكن لابد أن يعي بأن الهلال لايبدع الا باللعب الهجومي : 4-4-2 وأن ييبقي على الفرج والبيشي لأنهم من أعمدة المنتخب السعودي الشاب وهم من أبناء النادي |
- آشكركم على نقإشكم آلآيجآبي للفريق ومصلحته ، ثآنيآ هل دول آختآر آللآعبين آللي ينآسبنه وينآسبون تكتيكه آو آجبر !! و لو تلآحظون دول كل مبآرآةة يتطور ويصلح اخطإءه ، وآيضإ جلب مدرب جديد صعبهه + بيجي ويتعذر بآللآعبين .. آلخ ! و آيضإ دول مجتهد و يسجل آخطإءه و يصلحهإ وهذآ يدل على البنآء لفريق قوي جدآ !! مآ نبي هلآل جيرتس بآلمبآريأت الكبيره يخذلنإ =( ، شوف هلآل دول بالمبآريآت الكبيرةة ابدع [ آلآهلي والاتحاد والنصر والاتفإق ] و استثني آلشبإب ! لآنهم اسستعدوآ افضل منإ ، عطوآ دول فرصةة بطلب لآعبين معينين بآمإكن يبيهإ ، وشوفوآ الهلال *_* آسيإ بتآتي بهالمدرب ، وآقإلته رآح تكون خسآرةة كبيره وتقولون ليه مَ دخل الكوري ، يمكن لديه قناعه انه مو مستعد او مآ يسإعده بالتكتيك آعلموآ انهه يرى مآ لآ ترونه وآرجوإ عدم الضغط عليه بسبب تعإدل !!! و هل هبوط المستوى بالمبآريإت هو السبب ، ام تخإذل لآعبين وعدم تنفيذ آوآمره ، واسالوا سآمي ليه مصر عليه ! |
الله يعطيك العافية ع الطرح |
- لمإذآ هذآ التسرعع يَ زعمإء فيه وقت لتصليح آلآخطآء ، و نحن بيننآ وبين المتصدر نقطه !!! ولآ انتم رإضينن وآذآ تبون مستوى شفتم بدإيةة المببآره ابدآع بالشوط الآول ، ولآكن خذلوه إيمآنآ والغنآم وش يسوي ؟؟ و آبصمم لو جيرتس موجود بيسوي نفسه ، بس دفإعنآ لم يتحمل الضغط و آخطآوا واتى هدف !! رإح يصحح آخطإءه و حيبدع وهو لم يختر احد من اللآعبين و آجبر على ذلك ، انتظروه بينآير .. |
اتفق معك يجب ان يستمر دول الى نهاية الموسم وبعد ذلك نستطيع الحكم علية واقالة في هذا الوقت حماقة لوفعلتها الادارة . الاخوة اللي يطالبون الادارة بأبعاد دول اعتقد الوقت غير مناسب لتغيير واي مدرب سوف تتعاقد معة الادارة راح يحتاج الى اكثر من سبع الى ثمان مباريات حتى يتعرف على الفريق و يكون الموسم انتهى . لندعم الفريق والمدرب في هذا الوقت ونهاية الموسم نستطيع ان ننتقد الادارة بكل قوة . دول حكم علية من قبل ان يتعاقد مع الادارة بأنة فاشل هذه المشكلة |
| الوقت المعتمد في المنتدى بتوقيت جرينتش +3.
الوقت الان » 07:38 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd