|
[ .. أسباب (قتل) إيمانا .. وبرنامج مايطلبه المشاهدون .. ] السلام عليكم ورحمة الله ..
[ .. أيمانا .. ] سواء اتفق معنا جمهور مايطلبه المشاهدون ام لم يتفق .. إيمانا لاعب كبير و جداً ، مهاري وقتالي جداً ، والمطالبه برحيله من وجهة نظري مطالب غير منطقيه ابداً على الأقل بالمقارنه مع حجم المطالب "المليونيه" من جمهور الهلال نفسه اثناء المفاوضات مع إيمانا ،، سبحان الله فجأه صار لاعب فاشل وووو الخ من الكلام غير الفني. طيب ماسألنا أنفسنا ليش ايمانا ماظهر بشكل مُرضي الى الآن؟؟ من الاتهامات اللي وجهت لـ إيمانا:
ومااعتقد ان لاعب مثل ايمانا يتعمد يتعالى على الكره او يتعمد ينهي عقده بنفسه لأنه بيخسر كثير كثير كثير من ورى هالشي ، ويحلم يحصل عقد بنفس اللي اخذه من الهلال. (( باختصار )) مشكلة إيمانا الأولى يتحملها مدرب الفريق.. لو نرجع لأيام مفاوضات ايمانا والمطالبات الجماهيريه العنيفه اللي صارت وقتها من جمهور الهلال ونتذكر بالتحديد لقطات واهداف ايمانا اثناء احترافه في فرنسا واسبانيا. نرجع لمقاطع ايمانا كلها ، من وين كان يسجل؟ من وين كان ينطلق؟ وقارنوها بمركزه مع الهلال أو مع "دول" تحديداً ايمانا لاعب وسط مهاجم ، أو راس مثلث مع المهاجمين.. يحتاج وجود مهاجمين 2 امامه لصناعة اللعب لهم. يحتاج مساحه للإنطلاق بإتجاه مرمى الخصم.. بإختصار يحتاج يشوف الملعب. (( ماذا يحدث لـ إيمانا مع الهلال و "دول" تحديداً؟ ))
أصبروا ، لا تتسرعوا في اطلاق الأحكام ، وشجعوا لاعبينكم موفقين إن شاء الله .. وآسفين ع الاطاله والسويدي :razz: |
ايمانا راحل عن الفريق في يناير باذن الله تعالى الله يعطيك الف عافيه على الموضوع المميز لاهنت يا اخوي |
أقسم بالله موضوع بالصميم ويبرد القلب للاسف بعض الجمهور مع الخيل ياشقرا واغلبه عاطفي حتى الان ايمانا لم يلعب اي مباراة بمركزه الاساسي (صانع لعب) والسباك يلعبه مهاجم ثاني وتبونه يبدع؟! ميسي لو تحطه محور هل راح يبدع ؟ طبعا لا لأنه برمكز غير مركزه .. ايمانا لاعب كبيييييييييييييييييير</B> واصلا لم يعطى الفرصه واغلب المباريات إحتياط ولا برا التشكيلة مادري وشلون حكم عليه الجمهور؟؟؟</B> ايمانا يبي له وقت علشان ينسجم ويتأقلم</B> ويلي اول ماجاء للفريق كان عاله على الفريق ومستواه سيء ومع ذلك استمر اساسي حتى أبدع عكس المسكين ايمانا لم يعطى الفرصه ويجلس على الدكة ولم يلعب اي مباراة كبيرة اساسي معدا مباراة الشباب</B> الجمهور مشكلته ينبسط على لاعب مثل ويلي لأنه يبدع ويسحب بلاعبين نجران والفقر والحزم وطقته ولكن اذا جاء وقت الحسم بالاسيوية خذلنا وخذل الجمهور والنادي</B> اتمنى بقاء ايمانا وعدم عودة المستهلك ويلي ومصيبة لو الادارة اتبعت كلام جمهور واعادت ويلي بديل عن ايمانا لأن الادارة بتصير على طريقة (مايطلبه الجمهور) لأنه نفس الجمهور اللي كان يطالب بإبعاد ويلي هاهو الان يطالب بعودته </B> |
كلامك سليم 100% دول مدرب جيد ورحيله سيوقعنا في نفس مشكلة الموسم الذي طرد فيه كوزمين وجاء جورج ليكنز اما يبقى لنهاية الموسم ومن ثم نقيمه ويتم الاتفاق اما ابقائه او رحيله او تسريحه الان بشرط جلب جيريتس بالنسبة لايمانا فهو يعتبر في بدايته مع الهلال افضل من بداية ويلي وركزوا اذا ايمانا لعب اساسي لايعلى عليه والكوري والله مظلووووم عيسى والعربي جيدين لكن بطئين والكوري افضل منهم للتذكير::: حتى الان لعب الكوري 3مواجهات اساسية فاز فيها الهلال بنتائج كبيرة |
قريت الموضوع اكثر من مره لكي افهم ماذا تريد من قولك ان المدرب يدخل لاعب بدال لاعب ...واستفد فعلاً اشكرك صراحه من ناحية ايمانا ... المطالب الكبيره اللي كان يطالب بها الجماهير قبل التعاقد مع ايمانا كان حسب تآلق ايمانا مع ريال بيتيس في السنه اللي راحت واللي قبلها وكمان لاعب منتخب فرض نفسه في خارطة الكميرون كامنتخب ... اللي مسوي لي علامة تعجب واستفهام ولكثير من الجمهور الهلالي ...! هو لماذا ايمانا لم يقدم شي .. افترضناً جدلاً ان كلامك عن ايمانا هو ادخال لاعب بدل لاعب مبارة القادسيه اكبر دليل على حسب كلامك .. انه سوى درب لمستوى ايمانا .. هذا مو عذر اللاعب يبان من لمسته للكوره وتحركاته .. ويمكن ايمانا جاء في وقت انو الهلال يمتلك هالخانه او عنده لاعبين يقدرون يغطون هالخانه وبالعربي يعني وبالعاميه (ماله مكان ) نظراً لوجود اكثر من لاعب يتميز في خانة ايمانا ... اتمنى اني قدرت ارد على موضوعك بشكل جيد... *:* ايمانا لاعب جيد وممتاز ويمكن ينفع الهلال بس فالوقت هذا معتقد ..< < رائي يحتمل الصواب والخطا مشكور ع الموضوع لاهنت |
الله يوفق زعيمنا ويكتب له الخير حيث كان |
إقتباس:
|
حدث العاقل بما يعقل ايمانا يلعب راس مثلث ويحتاج مساحات عشان يصنع لعب طيب لو مافيه مساحات ...يتمشى ...؟؟ نخلي الفريدي يعلمه كيف يلعب..؟؟ ولانطلع الفريدي ونخلي ايمانا يتمشى عشان نرضيك ..؟؟ ياعمي والله انه لاعب فاشل والحمله المليونيه اللي تقول عنها كانت على مستويات ايمانا بالليقا الاسباني مو بالتعالي والغرور اللي نشووفه هنا كنا نقول ايام الكاسر انه لو ماقدم شي بالمباراه لاكنه يشغل دفاع الخصم ... مع انه كان اخر مدافع للخصم في نص ملعبنا ...الله يذكر ويلي بالخير بس مع العربي مافيه مدافع يتجرأ ويطلع من منطقة فريقه ويحضن على الكوره وخلفه مدافعين اثنين ...لاعب كبير اتمنى ماتفررط فيه الاداره الهلاليه |
إقتباس:
بعضهم يبون المحترفين مثل "كبتن ماجد" حريقه طول الموسم :razz: تسلم حبيبنا على ردك |
كلام واقعي وجميل جدا جدا كل مايحتاجة الهلال حاليا هو رجل يفهم كوووره يكون قريب من المدرب وله سلطه قويه وقادر على التوضيح للمدرب بأماكن اللاعبين والاصرار بتوضيف اللاعبين في مراكزهم و عليه بثبات التشكيلة ومن ثم تحويل فكر المدرب من الانضباطية والضغط على الاعبين فقط الا ايضا يجب ان يمرنهم على جمل تكتيكيه والباصات السريعة وفتح خانات من المهاجمين والدخول من العمق للاعبين الوسط كإيمانا والدوسري والشلهوب او الفريدي نقطة يجب توضيحها لهالمدرب ان الفريدي وايمانا يجيدون اللعب خلف المهاجمين كمثلث ولايمكن ان يكونوا مع بعض ( من وجهة نظري ان الفريدي غير متعاون مع ايمانا اطلاقا واجهل السبب). زبدة الكلام كلة يبي لنا واحد فاهم كورة ويعرف الهلال زين واهم ميزه فيه ان تكون يدة ثقيله يقف بجانب دووول وقبل كل تغير يعطيه واحد خماااااااسي حتى يصحصح بسسسسسسس :naughty: لو نظرنا صح لدول كتكتيك واختيار التشكيلة المناسبة للخصم قبل بدء المباراة فصراحة يستحق ممتاز انا الللوم سامي الجابر وابتعادة في هالفترة الحرجة لاعبين وجهاز فني جديد عالفريق |
حتى لو يلعب في غير مركزه هل هذا مبرر على فشله في ابجديات الكره الاعب مو عارف لا يمرر ولا يصنع ولا له اي فايده في الملعب اي كوره تكون معه مقطوعه بنسبة ٩٠٪ انا وش ينفعني ماضيه اذا حاضره فاشل وبقوه كثير لاعبين وضعوا في غير مراكزهم وابدعوا او حتى ابسط الايمان حاولوا عمل شي لكن الاخ مو متنازل يبذل اي جهد للفريق هذا غير المشاكل اللي ارتبطت باسمه من يوم جاء للنادي لاعب بطيء ثقيل ولا يوجد اي شيء يشفع له ان يبقى مع الفريق نتمنى انه يكون اول المغادرين عن الهلال يارب |
إقتباس:
وحتى اذا قررنا نستغني عنه لازم يكون البديل على مستوى عالي جدا ، وهذا صعب يكون في فترة يناير غالباً كل الشكر لك .. إقتباس:
مركز ايمانا موجود وشاغر ، لكن يحتاج توظيف صحيح من المدرب لأني احس المدرب يلعّب ايمانا والفريدي ويقول لهم: انت يالفريدي صانع العاب ومعك ايمانا يساعدك! وإنت ياايمانا صانع العاب ومعك الفريدي يساعدك! .. حيّاك حبيبنا .. إقتباس:
|
هذا غير ان مستوى الفريق يهبط بشكل حاد بمجرد تواجده والغريب جداً مقارنة العربي هداف الفريق بهذا الاعب المتعالي والاغرب ان العربي وهو راس حربه صنع اهداف اكثر من ايمانا |
إقتباس:
على هونك يااخي هي ماهي بالعبط لو مافي مساحه يعني اوقف لأ ، لكن ماراح تعطي في مركز غير مركزك أبدا انت لو تلعب كوره في مركز الهجوم مثلا وجا المدرب وقالك العب دفاع اليوم بتوافق وتقول طيب؟ اترك عن خرابيط اللاعبين في المقابلات لما يقولون (انا جاهز للعب في اي مركز يطلبه مني المدرب!!) خير؟ سوبرمان الاخ؟ لازم تعرف انه لكل لاعب مركزه المفضل اللي يبدع فيه ، وموضوع التعالي اتصور اني كتبت عنه في الموضوع بس الظاهر انك ماقرأته بس ابسألك : وش الفايده لما يتعالى على الكره ويتعامل معها بغرور؟ =\ .. حياك:rose: .. |
اهنيك على الطرح المميز .... اما ايمانا فأنا اتمنى بقاءه مع الفريق رغم المستويات المتواضعه اللي قدمها ولكن انا قايلها من زمان طريقة المدرب وتكتيكه لا تناسب ايمانا فعشان كذا لو استمر دول مع الفريق الله لايقولها فايمانا لو استمر معانا 1000 سنة ماراح نستفيد منه |
| الوقت المعتمد في المنتدى بتوقيت جرينتش +3.
الوقت الان » 10:48 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd