إقتباس الرسالة الأصلية كتبت بواسطة Dexter Morgan انا احب اللون الاحمر وقدوتي الوالد

ياساتر مافيه مقدمات على طول اللون والقدوة واخلصي علينا بعد
زين اخوي هاك تحليلك
شخصيتك هادي مسالم وفي حالك من حالك .. من يبي يسولف معك تعطيه وجه من يبي يروح تقول له الله معك اهم شي ماتخسر الاشياء اللي تهتم فيها كثير.
ماتعطي الاحداث اكبر من حجمها بس احيانا وبدون مقدمات تجيك حاله ودك تصارخ وتطامر وتضحك وتسولف يازينها من حاله بس اهم شي لاتطول وتنكسر كل التحف اللي بالبيت
تكتب خواطر لكن مابعد طلعت للاضواء يمكن ماتحب لفت الانظار كثير
يسعدك ربي يارايق

إقتباس الرسالة الأصلية كتبت بواسطة الزعيييييييييييييييم هههههههههه تصدق اني مدري وش صورتي خخخخخخخخخ اصبر ابتذكر وش انا حاط اذا نزلت الرد .. يالله احتريك تحلل شخصيتي لو سمحت ههههههههههه .. بس قبل كذا وش شهاداتك خبراتك دورات والا تلعب علينا .. لوني المفضل أزرق قدوتي في الحياة مافيه شخص محدد كل واحد مفيد للأمه قدوتي

تصدق اني بعاقبك مثل خويك اللي قبل
اللي مايعترف بانوثتي مااعترف بردهـ
خساره كانت شخصيتك واضحه قدامي بس مستحيل اعاقب اللي قبلك وانت اعديها لك سوف تنالون نفس العقاب
هل فهمت يااخي العزيز ^_*

إقتباس الرسالة الأصلية كتبت بواسطة FaisaL FahaD احم احم .. ترى نحن هونآ هع هلآ و مرحبـآ ببنت آلدوآسر >> مسوي يمون و يعرفك :$ كيفكم إن شآءآلله بخيــر .. طبعاً انا عضو جديد على شبكة الزعيم و صآر لي اسبوعين مسجل و تو عضوتي تتفعل وآلله يجزآه خير آللي سآهم في تفعيلي الزبدة مآلكم بآلطويلــه و وجع آلرآس انا شدني موضوعك مرررررره وتحمسست أشوف تحليلك و إن شآءآلله مآيكون صحيح هع آمممممممم .. بآلنسبـة للون : لوني آلمفضل تقدرين تقولين الأسود و الأزرق و بشكل عآم أحب كل الألوآن بس لم تكون متنآسبه وشكلهآ حلو يعني أقصد بآللبس وهيك بس بشكل خآص مثل مآذكرت لك فوق و نجي للشيء آلثآني آللي مدري وش يبي هع عن قدوتي بآلحيآة : يعني تقدرين تقولين مآني من آلنوع آللي يقتدي بأحد أو ينعجب بشخص معين آللي يعجبني وأشوفه صح أسويه زي مآيقولون بآلعآميه عقلك برآسك وتعرف خلآصه يعني اقلب الحآجه برآسي وإذآ عآجبتني أسويهآ و مآ أفتكر بأحد هع بس تقدرين تقولين يعجبني ستآيل آلكآبتن يآسر آلقحطآني و خآصة بـ آلسبورت وحلقآت الذقن هع و أرجع وأقول مآ أقتدي بأحد >> وربي عرفنآ آلسآلفه خلآآآآآص هع طيب آلحين آللي مآ إستوعبته ولآ رآح أستوعبه تحليك عن طريق آلصوره انا الحين صورتي شعآر الزعيم كيف بآلله عليك بتحلليل هذآ الشيء >> من زمآن يفكر و يهوجس على هذه آلنقطه هع يلآ ننتظر ردك بحمآآس وآلله يسستر منك شكلك مرعبه هع تقبلــي مروري ..

اهلين وسهلين بفيصل وحياك ربي عضو جديد بس وين نشاطك هاه
بس 19 مشاركه معناته ماقلته لمحتار ينطبق عليك مع الاسف مافيه تحليل الا اللي مشاركاتهم فوق 50 مشاركه يالله شد حيلك انت عندك اسلوب وطريقة في الردود روعه .. واول ماتخلص علمني وعلى طول بحلل شخصيتك بشكل مرعب
مقدره حماسك وروعة ردك يسعدك ربي ^_^

إقتباس الرسالة الأصلية كتبت بواسطة parrot تحليل شخصيات .....هع ودي تحللين شخصيتي بما إني بمرحلة إنتقاليه لوني المفضل : لا يوجد ... و القدوة ...انا

حياك ربي غلاتي
انتي القدوة لنفسك طيب
لا صورة .. لا لون .. وش احلل باللهي ههههههه
يسعدك ربي راجعينا بعد شهر

وانا بعد حللي شخصيتي

الالوان الازرق _الاخضر العشبي

القدوة كل شخص ناجح راح يكون قدوة لي

واااو موضوع حمااااااااس

اممممممممم قدوتي بالحياه محد

وطبعآ لووني المفضل الأزرق

يعطيك العافيــهـ يَ عسسل

إقتباس الرسالة الأصلية كتبت بواسطة NeNo-511 أحب كثيرا مثل هذي المواضيع أنتظر تحليلك الله يستر ههههه اللون أزرق داكن قدوتي في الحيآآآآه أحمـــد الشقيري

مرحبتين نينوو انت تحب هالمواضيع الله يستر لين قريت تحليلي لشخصيتك ماتكرهها

بسم الله نبدأ تحليلك
انت شخص قيادي بطبيعتك يعني من يومك صغير وانت تحب تسوي زعيم على عيال الحاره ^_^
شخصيتك قويه وبرغم هذا عندك اسلوب رايق في الاقناع وتعصب بسرعه ع قولهم دمك حامي يعني مبسوط وتضحك وفجأة من اي موقف
تحب الفزعات واليد الوحده .. يعني مااستبعد تاخذ طبق بيض وتعطي اخوياك يرمون على سيارة فلان (الضحيه ) << هذا طبعا وانت صغير يعني يوم كبرت المشاريع تكبر
اصدقاءك مايفوتون جلساتك ولا سواليفك .. خفيف دم وزااااااااحف يسعدك ربي

إقتباس الرسالة الأصلية كتبت بواسطة اميرة الدواسر قولي قسم ياملكه تدرسين علم نفس ؟ شخصيتك : هاديه ومبتسمه ..وتحاولين تسوين نفسك فاهمه احيانا .. واحيانا تصيبين الهدف مندفعه ودائما حماسيه .. مخلصه ووفيه وصديقة خلوقه وثقه يسعدك ربي غلاتي اهم شي البرطم لايجي

بعض كلامك صح وبعضه لا
انا اقدر احلل شخصيتك من خلال خطك
ودي لروحك

إقتباس الرسالة الأصلية كتبت بواسطة اميرة الدواسر تصدق اني بعاقبك مثل خويك اللي قبل اللي مايعترف بانوثتي مااعترف بردهـ خساره كانت شخصيتك واضحه قدامي بس مستحيل اعاقب اللي قبلك وانت اعديها لك سوف تنالون نفس العقاب هل فهمت يااخي العزيز ^_*

هههههههههه اسف اختي الاميرة طال عمرك ..
وش اسوي بلا والله من الاشغال اللي في راسي الله يعيني ..
وبصراحة دخلت الموضوع بدون ما اقرا راعيه فنحن متأسفون طال عمرك ..

وهل لي قدوهـ غير ابوي الله يرحمهـ

إقتباس الرسالة الأصلية كتبت بواسطة اليعيش قدوتي ياوخيتي المطاوعه احبهم ولوني المفضل الالوان الفاتحه الي تفتح النفس ومشكووه على الموضوع الحلو الرائع الي زيك

والله يافيكم عجله ماعمري شفتها في مراوح جنوب الرياض هذيك اللي مسوينها من بقايا الشينكو وميزانيتها لاتقل عن مليار ماعلينا

اخوي اليعيش هلا بك يمال السعادهـ .. انت شخص متفهم طيب وبالك وسيع
ولكنك عصبي واحيانا تفصل الاسلاك فما تستقبل اي سؤال او سالفه لين تفضى من نفسك وتروق
تحب النقاشات والراي والراي الاخر << صار الجزيرة
ويهمك يقتنع اللي قدامك برايك ولكن اذا ماعجبك الوضع ترجع تفصل الاسلاك << ماشاء الله عليك جاهز
متعاون ولبق وتسوي اشغالك مثل ماطلب منك .. مريح للي قدامك يمال السعاده .. وسلامتك

إقتباس الرسالة الأصلية كتبت بواسطة الزعيييييييييييييييم هههههههههه اسف اختي الاميرة طال عمرك .. وش اسوي بلا والله من الاشغال اللي في راسي الله يعيني .. وبصراحة دخلت الموضوع بدون ما اقرا راعيه فنحن متأسفون طال عمرك ..

طيب طيب خجلتني الله يقطع شيطانك جيت ع نقطة الضعف (نفخ الراس) خلاص مسامحتك
كلمة طال عمرك لها مكانتها عندي << عاشت الدور
نجي حلل شخصيتك يالزعيم

يميزك انك وفي .. ومخلص .. ومتمسك بكل شي كان لك معه عشره حتى لو دفتر ابو اسيام ايام ابتدائي اذا تغليه مستحيل تفرط فيه
عملي اذا تبي تقول موضوع بدون مقدمات تسدحه واذا عندك راي وطرحته وماعجب احد مافيه اشكاليه تنساهـ
ماتعطي الامور اكبر من حجمها .. متسامح وتدمح الزله ع قولهم
اتوقع العصبيه يمين وانت يسار ولو صار وعصبت فهو بينك وبين نفسك يعني تكتم الضيقة ماتسوي كذا >>>
اذا وكلت لك مهمه فمستحيل تقبل بأخرى حتى تنجز اللي بين يديك ياسلام عليك وسلامتك

إقتباس الرسالة الأصلية كتبت بواسطة Y.Elfriede ياسلام سلم هههههههههه يله اجل هذا ردي قدوتي هو خالي .. احب اللون الاحمر والابيض .. اشرب شاهي نعناع وادمان < يمكن تفيدك هههههههه مممم وش بعد ياربي ممم ايه بسس يله حلل يامحلل هع ..

اهلين بالفريدي منور الله يسلمك
ماشاء الله تبارك الله شخصيتك تشع حيويه ونشاط
تحب لما تكون باشغالك الاجواء الهاديه والروقان وهذا يرجع لانك تبي تركز وتتقن عملك ويطلع بدون اي عيوب او خرابيش كفو
خفيف دم ووسيع صدر واتوقع تعطي الدقرش (بزارين) عائلتكم وجه ويمكن يمونون على اجهزتك بعد الله يخلف بيخربون لابتوبك<< تحرضه عليهم
مخربط بنظامك شوي يعني النوم متى مايجي والاكل متى مايجي والتمشيات متى ماتجي يعني رايق وتخلي الامور تعدي
وبس سلامتك ..يسعدك ربي

إقتباس الرسالة الأصلية كتبت بواسطة ارين14 قدوتي : أحمد مطر +أمي ألواني : أسود + الوردي شمي الوردة ورجعيها يعطيك العاافية واصلي ابداعك

اهلين بـ ارين حلو اسمك بس وش معناهـ
بس والله انتس بخيله اجل اشم الورده وارجعها ماعليش مافيه امل ترجع لتس بعتبرها اجرة التحليل
نجي لتحليل شخصيتك
انتي شخصية عنيده ولكن حبوبه ووفيه
مستحيل احد يغير رايك في اي شي انتي متمسكه فيه عندك ثقة بنظرتك للامور وتتوقعين دايم انك اعرف من غيرك باشياء كثيرة يمكن يرجع هالشي لثقافتك أو تأثير اللي حولك
تهتمين بالصدقة وصديقاتك عالمك الثاني .. صبورهـ وهاديه وذكيه ماشاء الله
يسعدك ربي وفالك التوفيق غلاتي