27/12/2011, 02:18 AM
|
 | زعيــم مميــز | | تاريخ التسجيل: 07/02/2010 المكان: اڷقلۆب اڷۆفييـہَ..~
مشاركات: 1,501
| |
الى هنا وبسس .. يالخشبيه
السلام عليكم
وهاردلكم على التعادل المررررً
ماراح اتكلم عن مستوى الهلال ولا تغيرات دول ولا اخطاء الحكم الكوارثيه
والي حاول المطلق انه يتستر عليها تحت مسمى << تنافس>>
وبصراحه توني ادري ان قنص المفاصل تنافس
بتكلم عن القناه الرياضيه وهالمره مو للمخرجين ولا المعلقين ولا البرامج الحواريه
بتكلم عن برنامج الملعب وتحديداً فقرة اراء الجماهير
غالباً هالفقره ماتضهر لقاءات بصراحه اقل مايقال عنها انها قلة ادب
وتدل على جهل صاحبها وقلة الوعي والحقد
ومافيه قناة تحترم نفسها وجمهورها ترضي تعرض مثل هاللقاءات
واللقاءات غالباً ماتكون مسجله ويقدرون يسوون مونتاج عليها
لكن ولان القناة تدار بميول صفراء فكل من يغلط على الهلال يبشر بنشر اللقاء
شفنا اساءات من جمهور الفتح ونجران واليوم الاتحاد ..!!
تخيل في قناة رياضيه سعوديه حكوميه يطلع مشجع ويقول
الهلال بطولاته من التحكيم وهو نادي محلي مااخذ الاسيويه من عشر سنين ؟؟؟
وشله وراه يصفقون ويصفرون له !!
في برنامج المجلس على قناة الكاس القطريه
كان اي شخص يتصل ( الاتصالات مباشر ) ويسيئ لاي نادي او شخص
يقطعون الاتصال مباشره
وفي برنامج فضفض مستحيل تشوف اساءات لااحد
الكل يتكلم عن ناديه فقططط
وحتى لما يكون لقاء بالاسيويه بين الهلال والسد او الغرافه
يحترمون الهلال ولايرضون بالغلط لانهم بالاساس يحترمون انفسهم
يعرفون دورهم وتاثيرهم على الجماهير
لكن بالرياضيه السعوديه توقع اي شي ضد الهلال
الاساءات تكررت
مو اول مره ولا راح تكون الاخيره
بعد لقاء المنتخب مع عُمان
عرضو لقاءات لجماهير تسيئ للشلهوب
لدرجه يقولو ..< هذا لاعب يؤدونه دار عجزه مو يجيبونه المنتخب
اذا الشلهوب مكانه دار العجزه وش نقول عن الكابتن ؟؟
الاساءات تكررت
ومن كذا برنامج وكذا مذيع
لازم ادارة الهلال تتخذ قرار في هالخصوص
الاستاذ عبدالكريم الجاسر اليوم استنكر عرض اللقاءات واعتبرها اساءه للهلال
وعادل الزهراني اعتبرها اراء جمهور وانها مهمه بالنسبه لهم !!؟؟
الحل ..
يتم التنبيه للقناه واذا ماتغير الحال
خلاص يتجاهلونها
بتقولون هي الناقل الحصري
طيب خلوها تنقل لقاءات الهلال بس ماحد يتداخل معهم
سواء الرئيس او نائبه او سامي او اللاعبيين
الا اللاعبين الي يطلبونهم بعد كل لقاء <~ عشان يتحاشون الغرامه
المركز الاعلامي مايرسل لهم اخبار الهلال من تعاقدات واصابات لاسمح الله وغيابات
واي شي يخص النادي
ولو القناة ارسلو مراسلينهم للنادي يحطوون العقبات قدامهم
مو اي لاعب يسون معه لقاء ومو اي سؤال يحصلون له اجابه
يخلونها اخر قناه تعرف اخبارىالهلال ..
لازم يتعلمون كيف يحترمون النادي وجمهوره والعاملين فيه
حلوو الواحد يلتفت لناديه ومشاكله ولايهتم بغيره
بس وش الفايده انا اتعب على فريقي اجيب احسن اللاعبين والمدربين
مافيه نادي يصرف كثر الهلال
ويجي شخص جاهل قدام الكاميرات
ويغلط علي ويشوه سمعتي وانا اتفرج وساكت
يارب اشوف تجاوب من الاداره بخصوص هالموضوع
ويارب ماشوف ردود من نوعية خلوهم وبكيفهم ولهم الكلام ولنا البطولات
اذا انتم عادي عندكم فيه ناس ماترضى احد يغلط على الهلال
|
الوضع المتطور
