|
ساهر ما بين الصواب والنصب ساهر ما بين الصواب والنصب بلا شك أن ساهر قد ساهم في إخفاض نسبة الحوادث بدرجة ملحوظة ورائعة جدا وأنا هنا لست أطالب بآستمراره او إلغاءه بل بمنطقيته حتى يتفق الناس على صواب الفكرة وعدم تحولها لأداة نصب ودعونا نضرب قبل الخوض في ساهر مثال يتمحور حول النظام وكيف الفكرة تكون رائعة ويحولها من يطبقها الى فكرة سيئة فلما أصدر قرار وضع قسيمة على عدم ربط الحزام كانت الفكرة تقول أنت يا أيها المواطن العزيز عندنا غالي ونحرص على سلامتك ولو تم ذلك عن طريق الإكراه فسلامتك غاية نسعى لتحقيقها هكذا مضمون الفكرة لكن تعال معي للتطبيق فحين يأتي شخص غير رابط حزام الأمان ويقف عند رجل المرور لا أدري هل رجل المرور يشعر أن عدم ربط حزام الامان إهانه له فتتغير ملامح وجه ويحاول البحث عن أي مخالفة أخرى فحينما لا يجد يطلع القسيمة ويسجل مخالفة عدم ربط الحزام ولغة وجه وأسلوبه يقولان لك بأكسر خشمك بهذي القسيمة علشان مرة ثانية تحترم نفسك وإذا شفتني أربط حزام الأمان ولا يشعرك أنه حريص على سلامتك لكن الشغلة دق خشوم ودق لحى هكذا هو الأمر ببساطة في نظام ساهر تحول النظام من كونه نظام يسهر لسلامتك إلى نظام لدق الخشوم بس بطريقة غير تقليدية فدقة ساهر لخشمك هي أخذ ما في جيبك من مال وأزيد وأقول هل من المعقول أن الأغلبية غير مبالين بإشارات المرور او اصحاب سرعة تستطيع وصفهم بالمتهورين لا اعتقد ذلك وأعتقد أننا لسنا بهذا السوء والمشكلة العظمى أن لا أحد سلم من قسائم ساهر المجانية وسوف أعود وأوضح ما أقصد بالمجانية وقبل ذلك نسأل انفسنا سؤال مهم هل الهدف من نظام ساهر سلامة المواطنين او حصد أموالهم بالتأكيد الدولة أنشأت هذا النظام من أجل سلامتهم فمن الواجب إشعارهم بوجود ساهر وإشعارهم بالسرعة المتاحة والأنظمة التي يجب أن تتبعها حتى لا تكون عرضة للجزاء ونعود لموضوع القسائم المجانية وما اقصد بها أنا اقصد أن هناك سرعات مقترحة أو بالأصح مفروضة في أماكن انا أجزم أنها غير منطقية ومنها منحنى ليس بذلك الخطورة والسرعة المقترحة ستين كيلو متر في الساعة وأنا أجزم أن سائق المركبة يستطيع دخول هذا المنحنى بسرعة 140وليس ذلك وحسب بل وفي أجواء ممطرة فنحن نطالب لكي يبقى نظام ساهر في نظرنا على صواب أن يحدث بعض الأنظمة ويجعلها أقرب إلى المنطق وأن يكون هدفه تحذير الناس لا رصد المخالفات وجمع أموالهم فيصبح في نظر الناس مجرد أداة نصب لسرقة أموالهم فدعونا نصرخ ونقول للمسؤلين عن نظام ساهر هدفكم حماية أرواحنا لا حصد أموالنا |
تصصصدق قبل لألأ اقرآ موضوعك < والله فلله سـآهر ^^^ بتتتتكفخ شفف شفف حبببه حبببه اهوو زين بسس بنسبه محدودهـ < خذلك تفلسف لمـآ نقول سـآهر وسـآهر وشش تتوقع يصير رآح يوقفوون المهزله والنصب والنهب !!! شف بالنسسسبه ل انهم انهبونـآ بس ترآ قلت الحوآدث وقلت التهورآت ب الشوآرع < والله مـآضنتي ! ع العمووم مـآ نقول الاا حسسبنـآ الله ونعم الوكيل ع كل شي < معع اني من المويديين ل حمله سـآهر وكذآ وـيـآ شبـآب ترنـآ خسسسرنـآ ارووآح كثييرهـ بسبه السسرعه الزآيدهـ بكل شـآرع .. اتمنى انن النققطه الي تكلمت عنهـآ تجوز لرضـآكم وتبقى وجهه نظر من شخص من الملايين من البشر $$ |
اشكاليه نظام ساهر أسس على انه مصدر دخل المفترض دخل ساهر يشوفون لنا حل مع الشوارع اللي كلها تصدعات و حفر يشوفون لنا حل مع الإشارات الاثريه اللي ما تبان بالظهر ولازود على الردى ماكو موقت تنازلي عند الاشاره ابي اقنع نفسي انه نظام حمايه مو جبايه |
والله ساهر تمام في تقليل نسبة الحوادث اما من ناحية النصب مااقول غير حسبي الله شطحه خويي يقلي امشي في خط الرياض فوق ال200 مايمديه يلاحظك ماادري من فيكم جرب؟؟ |
[CENTER]الله يكؤوون بعؤؤنكم جد كسرتووا خاتري هع طبقؤووا كل تعأليم السلأمه ومايحؤؤوف حؤوولكم ساهر <<لاتعصب علي:ap: ..[/CENTER] |
اشكر كل من مر هنا وتفاعل في الموضوع |
إخواني ابي افهم كيف سرقه؟؟؟ اول شي بخصوص الحزام هذا نظام وبعدين من حقه يعطيك مخالفه وانت مالك دخل بخشته معصب ولا مروق برا لو ماتربط الحزام كأنك مسوي حريمه أنا اركب مع تكتسي اذا ماربطًت الحزام يوقف يقول ياتربط ولا انزل ما أتحمل مسؤوليتك هذا بخصوص الحزام اما ساهر ياخي أنا مؤيد له الف في الميه اول شي ياما سمعنا عن وفيات وإصابات من السرعه وعشان ايش ولا شي بس تهور ثاني شي فكنا من البزران الي يقطعون الإشارات بس ابي اعرف الي يقول سرقه واستغلال كيف؟ ياخي الطريق ٨٠امش ٨٠ اما تجي طاير ماشي ١٦٠ وتقول سرقه عجيب |
الغريب هو من شذا عن رأي الجماعة شكرا لتواجدك |
كل الشششكر لك ع الموضوع وأعتقد ان ساهر فعلا خفض من نسبة الحوادث وبشكل ملحوظ وصل إلى اكثر من ٣٠ ٪ لكن النقطه التي ذكرتها بان تكون سرعة السيارة في الشارع قانونيا ٦٠ ويكون الخط طويل وبالنظر المفروض ان تكون سرعة الخط لا تقل عن ٩٠ او ١٠٠ كم / ساعه على اقل تقدير وهنا تقع المشكله ولا اخفيك ظهور الشجر اللي يغطي غلى لوحات السرعه وبعض من لوحات السرعه تجيك عكس الخط !! وكل ذلك يوحي بان نظام ساهر في المملكه ( فقط ) عبارهـ عن مؤسسه ربحيه !! شششكرا لك وتقبل مروري |
هذا هو الواضح عياننا ان هدفها الربح اشكر لك تواجدك |
صحيح فيه انخفاض في نسبة الحوادث والتزام بالنظام المروري .. لكن المشكلة في قيمة المخالفة يعني لو كانت المخالفة 50 ريال كان معقول أما 300 ريال وتدبل بعد شهر ... كله على بعضه (ربوي) ومشايخنا يعرفون هالشيء .. |
اشكرك اخووووووي على الاضافة |
اول شي السلآم عليكم ورحمة الله وبركآته موضوع في الصميم واهنيك على الطرح نخش بالمهم :) محد يقدر ينكر ان ساهر خفض بشكل كبير وملحوظ من الحوادث :) بس العتب على التطبيق يجيك سواق الجيب ولا الجمس حق ساهر يخش بمكان ماتشووووووفه وين يبوي نلعب لعبة اتحداك تشوفني وتهدي ولا ايش ولا المخالفه 500 وييييييين لو خلوها 100 معقوله وقطع الاشاره 50 بس نظام سرقه وتجاري الله لا يوفقهم ولا يحللهم لا دنيا ولا آخره اللي جابوه تحيآتي لك : ) |
3500 دفعتها من راتبي وانا مقهور والشيخ صالح كامل الذي يتاجر باموالنا بهذه الصفقه يقول جيوبكم تحكمها عقولكم حسبي الله ونعم الوكيل |
اشكر لكما تواجدكما واضافتكما |
| الوقت المعتمد في المنتدى بتوقيت جرينتش +3.
الوقت الان » 09:21 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd