كتبت الحقيقة عن الصفقات العشوائية كم مرة , وهي ليست بحجم اللاعب اللاعبين المتعاقد معهم لاعبين كبار مافي شك لكن زي اللى عينه توجعه راح يعالج بطنه .

بدءا من تجديد عقد المهاجم عيسى المحياني ومن ثم التعاقد مع العربي والكوري واحتمال كبير عودة ياسر القحطاني انت الحين ليش مجدد مع عيسى المحياني وانت رايح تجيب مهاجمين صريحين وتجي تعميها بسعد الحارثي والله شيء غريب مفروض حتى ما تساوم عليه في ظل التكدس عندك .


التعاقد مع ايمانا ونحن نمتلك اقوى واغزر خط وسط فى المملكة خذ عندك عبد العزيز الدوسري ومحمد الشلهوب والفريدي ونواف العابد وتروح تتعاقد مع لاعب وسط اخر ايمانا ويترنح الان بين الاحتياط والاساسي ومنت عارف مين تلعب فى النص .

هذا كله وانت عندك مصيبة ورا فى الدفاع وانت عارفها من الموسم اللى راح حين غاب هوساوي مباراة واحدة الله ستر فيها بس , مشكلة الدفاع وتأكد الان رحيل هوساوي ومع كامل احترامي للمرشدي الا ان هوساوي هو الدعامة الاساسية للدفاع وتعديل المشكلة بمدافع من فريق ينهزم بالكوم فى مبارياته .

ارجو من الادارة عدم حذف الموضوع , كتبت موضوع بعنوان لايهمك ياسر ستظل الافضل وسنظل نحبك حذفوه بأي عذر ما ادري والله العظيم الموضوع مافيه شي .

ارجو احترام رأي الاعضاء مهما كان فنحن جمهور الهلال يجب ان تتقبل الطرح .

كل لاعب يتمنى الهلال لاجل صعود المنصات وسعد الحارثي سوف يتم تاهيله ويرجع لمستواه المعروف

الله يوفق الزعيم واعتقد سعد الحارثي لو جاء راح يلقاء بيئه مناسبه ليرجع لمستواه

لو يتركون الصفقات ذي ويعطون اللي في الأحتياط فرصه احسن

المحياني وغيره

انا ماعندي مشكله في جلب الحارثي
خصوصا انه راح يكون بديلا جيد لعيسي والكوري والعربي
خصوصا ان الموسم طويل
فيه مشاركات اسيويه ودوري وكاس ولي العهد والملك
ويمكن تجي اصابات او شي من هالقبيل لاسمح الله
يعني محتاج احتياطي وقت الحاجه مثل سعد..!
لكن ان يكون سعد بديلا للعربي
لا والف لا ..!
فانا غير مويد لصفقه وضدها..!
في حال جلبه بديلا للعربي
يجب الاداره التركيز على منطقة الظهير
فالهلال يحتضر في منطقة الظهير..!

صراحه انا ضد وجود الحارثي في الهلال
طيب الحارثي يجي وفي اخبار تقول ان المحياني رايح للشباب
احنا اولى بالمحياني من الشباب لان الحارثي لو جاء راح يجلس في الدكه
انا اشوف الكوري يروح ونجيب مهاجم
ويبقى في الهجوم عيسى العربي ياسر بعد عودته
اما المحياني يروح فهذي مصيبه استغرب من تفكير ابن مساعد شلون يجيب الحارثي ويخلي المحياني يروح

مشكورين شباب على المرور الانيق ..

بالله الحين من حيث الاستفادة منه بشكل افضل مو كان فاضل الاحتفاظ بويلهامسون بدال ايمانا والله الولد كان غير طبيعي فى الجناح الايمن لكن قدر الله .

الغرض من التعاقدات تغطية نقاط الضعف فى الفريق بخبرات جيدة والى الآن دفاعنا يعاني .

فيه شباب في الهلال يأدون في الملعب احسن من الحارثي .. يعني ان جاء للهلال راح يكون لصالحه مو لصالح النادي .. يعني راح تكون صفقه فاشله بدون اي داعي والمتضرر هجوم الهلال

الله المستعان
أجل سعد بعد 12 سنه بالنصر مالقى بطوله ، جاء يدورها بالهلال ، وقالوا له تفضل الباب مفتوح عالآخر ، وطلق المحيا بخمس بطولات و هوحبيس الدكه ما عبروه!!
و لا اهالفقاعه ( إيمانا ) إللي ما له لزمه ؛ بس ما ألومه ألوم الجمهور المطبل له ، وأعطوه أكبر من حجمه قبل حتى لا يرتدي الشعار ، وبانت علينا من أولها عدم إنظباطية ، وكثرة إستعراض على الفاضي ، و دائماً يبحث عن النجومية ، بينما في حقيقة الأمر الزعيم في غنى عنه بوجود كوكبة نجوم خط المنتصف.
و... ووو... الله حاجات واجد هالموسم ترفع الضغط>> مير يا قلب لا تحزن.

الله يكتب اللي في خخير للهلال

بالله الحين تعاقدو مع سعد من بيلعب الحين عيسى والكوري احتياط وما يلعبون وشلون اذا جا سعد شي غريب والله .

الله يعين بسسسس

اسسامه بيروح وبدال مانشوف حل للدفاع نروح نجيب مهاجم

لا ومنتهي وهو الي عارض نفسسه

اخالفك بنقطة المرشدي لما غاب اسسامه المرشدي لعب كويسس
في مباراة اياب كاس الملك قدام الاتحاد الي تعادلنا فيهاا

واسامه هو كان سبب هدف زياييه بدور ال١٦ بالاسيويه
وهدف ذوبهان

مافيه لاعب مايخطي

بس الواقع يقول انه ماراح يبقى لنا الا المرششدي
والاداره ماتقدر توفر بديل افضل

فالاولى ندعم الي بيبقى عندنا بدل الناسس الي اختارو لهم طريق غير طريقناا
وكلن يدور مصلحته

بكل الود
الهلال لديه نقص في الظهير الايمن و(عدم منح لاعبي الوسط الايمن فرصه) والهجوم لدينا العربي والكوري والمحياني والجهني الاخيران لن يلعبا بشكل اساسي ومستواهما عادي وياسر معار انا معك ان الحارثي ليس طموحنا كما حدث مع عيسى علاشان دخول النصر بموضوع عبدالله حماد وانه عضو شرف وانهم لم يفاوضوه وتذكر التفاصيل لذا
اتمنى على الامير عبدالرحمن ان يجلب ظهير ايمن فقط وفي توقيعي خيارات متاحه ان اراد اما باقي المراكز فلدينا اكتفاء لك شكري

يعطيك العافيه على الموضوع ...

انت تكلمت عن العشوائية بصفقات الزعيم لكن اللي يقراء موضوعك يكتشف ان العشوائية بك

تطالب بحجز مكان ياسر ونسيت ان ياسر راح يغيب موسم كامل عن الهلال .

من البديهي والمعروف ان اي فريق لازم يمتلك من 3 الى 4 مهاجمين . لانك لازم تتوقع اسواء الظروف من اصابات وايقافات .
اللي اشوفه تعاقد الادارة صحيح مع مهاجمين العربي و ويو
اللحين صار عندنا 3 مهاجمين
1- العربي . 2 - يو . 3 - عيسى .
الفريق راح يفقد العربي من 3 الى 7 مباريات من اللي راح يبقى .؟
1 - يو . 2 - عيسى . 3 - .؟

الادارة عوضت النقص بسعد وبمبلغ بسيط واحتمال ينجح ويثبت وجوده .

بالنسبة للعيبة الوسط لازم نتعاقد مع لاعب اجنبي ولنفس الاسباب اللي ذكرته قدامك موسم طويل .

وبخصوص الدفاع انا اتمنى التعاقد مع مدافع اجنبي وبيع عقد العربي اذا صحت الاخبار بـ 10 مليون يورو

واما ما يخص ان هوساوي هو دعامة الدفاع احترم رايك لكنك ما جبت الصراحه .

دفاع الهلال فقد قوته بعد رحيل رادوي اللي كان خط دفاع لحاله .

هوساوي دهورنا وسبب خروجنا من اسيا مرتين .

ماجد المرشدي دايم يبدع لا غاب هوساوي .

ماجد غاب عن مبارتين واتضح غيابه
مباراة النصر وانتهت لمصلحة النصر 2 - 1
مباراة الغرافة وانتهت لمصلحة الغرافه 4 - 2

وانا ما ابرر لماجد بس لازم كل لاعب له اخطاء بس انتم تنظرون للاعب عن لاعب ..

واتمنى اني ما طولت عليكم