إقتباس الرسالة الأصلية كتبت بواسطة IL GLADIATOR طيب وش فيك يا سعد هدئ كل واحد له رايه يمكن يكون صح ويمكن انت تكون غلط وماهي مستاهلة عشان نقلل من ميلان او روما او اي فريق تراها فرق اجنبية وكرة قدم من جلد منفوخ و بالأساس اختراع صهيوني يهودي لاذكاء التعصب بين البشر ومضيعة لاوقات الشباب والشعوب في امور تافهة وابعادهم عن امور اهم تهم حياتهم ودينهم ومجتمعهم الإسلامي وللاسف انها ضالة كثير من الشباب نشوفهم هنا بمنتدى الهلال وبمنتديات الاندية الثانية سواء نصر او اتحاد او غيره نشوف تعصب يوصل للسب احيانا والقذف باعراض الناس صحيح انها من الامور المباحة لكن نسأل الله انا ماننجرف ونميل كل الميل للتعصب فيها لكن لايمنع من الواحد ينفه عن نفسة مدة ساعة في شئ مباح >>> هذا المستخدم تنتهي اجازته بعد بكرا .. نراكم بعد شهر او اكثر

مشهور أنا سبيتك ؟! قذفتك ؟! شآيفني مضيع وقتي بالمنتدى ؟!
أو عشآن تزوجت خلآص صرت تحس نفسك أنك كبير وبديت تلقي العبر والموآعظ !
نيسنا أيآمك مع لجنة الفيديو والسآعآت اللي كنت تقضيها مع المنتدى ومع الكورة !
نيسنا أيآمك مع رآبطة روما والسآعآت الكثيرة اللي رآحت فيها ؟!
نسينا أيآمك مع موضوع زرفة الإنتر لأسكوديتو روما خخخخ والسآعآت الكثيرة اللي رآحت فيه ؟!
الله أكبر الحين لآ مآنع من سآعة وآحدة في شيء مبآح ، أجل وش نقول عن المشرفين اللي جل وقتهم بالمنتدى !

الله يسآمحك يآ مشهور ..
عشآن مآ أعجبك كلآمي عن روما تقوم تلقي موآعظك عليّ !
محمد الغرنآطي مثل أخوي وأكثر ، ويآما رآسلني على الخآص نتعآيد بالعيد
ولمآ نتنآقش عن كورة وتشوف النقآش حآمي فهذآ مو معنآه أني وصلت لمرحلة أسب فيها أو أشتم أو أقذف أخوآني ..
أنت ومحمد وأنس ومشعل وسآهي من اللي أعتز بهم في رآبطة روما ، لكن مو غصب أحب روما عشآن أرضيك ..

يا سعد يا نصاب ما قد ارسلت لك شي بالخاص هههههههه
لبى قلبك أنت و مشهور بس ..
بخصوص بوريللو بصراحة تغير مع روما ، يكفي تشوف سجله الموسم
الماضي مع انه من جاء مونتيلا و هو بالاحتياط .. الاعب متغير مع روما
او بالاصح خل نقول ما توفق مع ميلان لانه كان مع جنوى مهاجم قوي ان
كنت منب واهم كان ثاني هدافين الدوري مع جنوى ..

^^^

يا ابن الحلال ماقصدتك انت بالسب والقذف اللي قصدته من جماهير الاندية الاتحادية والنصراوية في موضوع ياسر وبشكل عام وحتى في موضوع رئيس النصر من بعض جماهير الهلال وانت تعرف وش صار وقتها الجزئية الاخيرة تكلمت فيها بشكل عام التشجيع عندنا تحور وانحرف واخذ مسارخاطئ ولاقصدتك انت اطلاقا بالقذف بس انت لازم نوضح كل شئ بالتفصيل

اما موضوعي عن الانتر والتحكيم لو ترجع للموضوع ماكان لي اي هدف فيها للتعصب وتلقاني كاتب فيها فقط للذكرى وللتاريخ يمكن ينكشف ويظهر لنا كالشيو بولي جديد ووقتها نتذكر الماضي فقط لاغير بعيداً عن التعصب

وكل كلامك عن روما عاجبني ولاتحسست منه ليش وشهو روما ابوي ولا امي انت سبيته مجرد فريق اتابع مبارياته وعاجبني رايك وكل كلام تقوله مجرد رأي نتقبله

بسم الله الرحمن الرحيم

يلا سلام عليكم بس

إقتباس الرسالة الأصلية كتبت بواسطة الغرناطي يا سعد يا نصاب ما قد ارسلت لك شي بالخاص هههههههه

أقول اركد بسس لآ تخليني أقتبس الرسايل الخاصة وأجيب الفضايح هنا خخخخ

إقتباس الرسالة الأصلية كتبت بواسطة IL GLADIATOR;[= يلا سلام عليكم بس

مشهور .. الله يوفقك وبسس
أحياناً ودي روما يحقق بطولة بس عشان أشوفكم فرحانين
أكثر رابطة ( ونآسة ) هي رابطتكم ، وإن دل على شيء فهو يدل على الروح الجميلة
بالنسبة لسؤالك ذآك كآن تو تذكره .. شخصياً لآ أملك شعور كره أو حب تجآه أي نآدي آخر غير الميلآن ..
لكن خل نقول بدآل مصطلح شعور نقول أنها مجرد " نظرة إعجآب" "ونظرة إنتقآد " ..
نظرة إعجآب لـفريق اليوفي والفيولآ .. ونظرة إعجآب لـجمهور نآبولي والإنتر ..
ونظرة إنتقآد لفريق الإنتر .. ونظرة إنتقآد لجمهور اليوفي ..
ويبقى الميلآن في نظري الحب الأول والأخير من لاعبيه إلى جمهوره

إقتباس الرسالة الأصلية كتبت بواسطة سآهـي ينرحم والله أبو دعيع ، الله يهديهم حقين اليوفي أجرموا به خخ ! على كلٍ لازم مانغفل إن لو لا الله ثم أبو دعيع كان النتيجة 7 - 8 < !

هههههههههههههه يآ أخي أغبياء هاليوفآوية قلبوها جد خخخ
ندري أنكم أقوياء لكن ترا هذا تكريم ومعطينكم عليه ملايين عشان تجون هنا
أنا مآ قلت لا تفوزون علينا لكن مب سبعة عاد
يعني مآنشستر وهو مآنشستر في عام بطولته الأوروبية خسر من الهلال ! وحتى الخراشي سجل
ومورينهو تعادل مع كوزمين في عآم الثلاثية التآريخية .. والله الطليان ما ينعطون وجه بصرآحة

دل بيرو ما قدر يسجل بايطاليا جاء فرغ حرته بهالضعوف خخخخ
و الله شرف لك يبو دعيع يسجل فيك اليكس و هذا افضل تكريم
بالنسبة لك ، بس لو كانت فاول كان احسن

بالنسبة لجدية كونتي و اليوفي لها أسبابها بلا شك
و اليوفاوية يفهمون كلامي زين
خاصة بعد فترة التوقف الشتوية اللعينة
من يعرف اليوفي خير المعرفة، يعرف أنه يعاني بعد فترة التوقف و بشهر يناير تحديداً !
و المشكلة هذي بالذات مرافقة للفريق من أيام كابيلو و ليبي
مروراً بديشامب و رانييري و فيرارا و أخيراً ديل نيري
دروب شنيع يصير للفريق بفترة ما بعد التوقف
و دائماً ما تكون أسوأ نتائج الفريق طوال الموسم بهذه الفترة
من ينسى مباراة بارما العام و إصابة كواليا في أول مباراة بعد التوقف
لذلك أتوقع كونتي أعتبر مباراة اليوم مباراة إعدادية أكثر منها مباراة ودية
لا سيما إن الفريق له فوق الأسبوعين ما لعب مباراة !
و تعتبر فترة موب بسيطة أبداً
أتمنى إن شاء الله نتغلب على عقدة ما بعد التوقف مع الكوتش
و يظهر لنا يوفي حديدي بإذن الله إبتداءاً من مباراة ليتشي

تعرفون هذا؟ هذا ما يعرف شي اسمه مزح


صراحه أي واحد حضر الملعب بيعرف أن جمهور اليوفي كانوا نجوم المباراة .. شي عظيم ويرفع الرأس

صحيح المفروض نشرط أنه نفوز عليهم .. وش المشكلة ؟ عآدي والله
السآلفة كلها مجآملآت في مجآملات .. يعني جآت على النتيجة

مشهور يقول أن الصغار الشوط الثاني كسبوا خبرة من لاعبي اليوفي !!
هالكلآم سمعته كثير من المحللين بالقنوآت يعني مب بس مشهور يقوله ..
لكن هل فعلاً تأثير الـ 30 دقيقة ضد فريق أوروبي كبير في لقاء ( ودي )
بتغلب على تأثير مسيرة 10 سنوآت من الضيآع بالمجتمع والملآعب السعودية ؟!
مفطحآت ولآ إنضبآطية في النوم والغذآء والتمرين وجدولة للدوري أبيخ من البآيخة
ومع ذلك تبي تشوف تأثير هالنصف ساعة على العآبد وطقته ؟! مسستحييلة جداً
هذآ أصلاً إذا اعترفنا بوجود شيء اسمه تأثير الفريق الأوروبي على لاعبي الهلآل
لأنه بنظري أن الدوسري واللي معه دآخلين اللقاء وتفكيرهم كيف أدخل كبري على إيليآ
يعني مآ جآء في بآلهم أنه يركز على كيف يسدد مآتري ؟! أو كيفية كنترول أليكس ؟!
بالعربي الفصيح .. أنآ وأنت يآ مشهور في وآدي .. وهالمشآهير من اللآعبين بوآدي آخر

أما عن جدية كونتي .. فأنا أرى أنه بآلغ حبتين
يعني حتى معسكر دبي على كلآم اخويآي هنآك أنهم مآ قدروا يدخلون التدريبآت !!
تكتم وسرية على المعسكر من كونتي للغآية .. والله لو أنه معسكر الآزوري بكآس العآلم !!
ترى الوضع أسهل مما تتصورون .. الميلآن فل وآلديها السنة المآضية في دبي وكسب الأسكوديتو بالأخير ..
تخيل معي حتى لقآء ودي " تحضيري " في دبي مآ سووه هههههههه
أجل كيف تعرف أخطآءك بالمعسكر ؟! لآ تقول لي أن لقآء الهلال هو التحضيري ؟!
يآ عمي هذآ لقآء تكريمي .. لقآء إحتفآلي .. واليوفي مستلم عليه فلوس وملآيين ..
يعني خالد عزيز متلقي تحذير شديد اللهجة أنه مآ يخش خشة جدية على مآتري تجيب أجله بدري
بعكس مثلآ بطولة دبي .. كلآ الطرفين كآن هدفهم من اللقآء وآحد .. يعرفون مدى نتآئج المعسكر ويتفآدون أخطآئهم بعدين ..
لكن مثل مآ قلت بالسآبق .. كونتي مآخذ الأمور بحسآسية زآيدة وجدية مفرطة قد تنعكس سلباً على الفريق .. وبسس

إقتباس الرسالة الأصلية كتبت بواسطة الغرناطي دل بيرو ما قدر يسجل بايطاليا جاء فرغ حرته بهالضعوف خخخخ

أليمة محمد




ههههههههههههههههههههه إقلآع أوروبي