السلام عليكم ورحمة الله وبركاته ..

والله العظيم اني ادعي ربي ان الهلال مايفرط في مهاجم مثل المهاجم الكوري يو بيونق .. لاعب مجنون متحرك يحتاج بس انه يحب الكورة السعودية ويحتاج ثقة مدرب وجماهير وايضا يحتاج صبر .. ويحتاج صانع لعب مجنون مثل التايب نفيز كماتشو وو الخ

وبالاحصائيـات

لعب الكوري اساسي في مباراة الهلال و الاهلي
وانتصر الهلال بالاربعة

لعب الكوري اساسي في مباراة الهلال و النصر
وانتصر الهلال بالثلاثة

لعب الكوري اساسي في مباراة الهلال و الشعلة
وانتصر الهلال بالستة

غير المباريات الودية اللي لعبت قبل الموسم والتي لاتقل عن 3 اهداف في كل مباراة لصالح الهلال وحتى ان لم يسجل فهو يفتح ثغرات للوسط ويفتح لنفسه مساحات رهيبة وفوق ذلك سريع .. والله لو كان في الاهلي أو الاتحاد او النصر ماراح يفرطون فيه .. هداف الدوري الكوري

اتمنى التمسك فيه .. وصدقوني راح تشوفونه يمثل المنتخب الكوري وراح تشوفونه في اندية ايطالية او انجليزية او فرنسية كبيرة ومنها الهلال راح يستفيد من اللاعب بالملعب وراح يستفيد ماديـاً

ولاننسى ان الهلال راح يلعب في اسيا مباريات مع فرق ايرانية وكلنا نعرف ان الفرق الايرانية يمتاز لاعبوها بالقوة الجسمانية و الطول وهذا يولد الثقل في الحركة و الكوري سريع يعني راح يفيدنا ..

وايضا الكوري قناص بالرأسيـات ومع قدوم ظهير ممتاز ان شاء الله راح تنهال على العرضيات وراح نشوف اهداف بالراس ويفيدنا كثير بالركنيات

عكس العربي اللي ماسجل هدف من ركنية لحد الان ..

الكوري مع عيسى غيررررر :

عيسى المحياني لاعب يسجل في كل فرصة ياخذها وانقذ الهلال في عدة مناسبات كيف لا وهو انتشل الهلال من هزائم كبيرة منها :

1- هدفه على الغرافة القطري [ اجمل الاهداف بالنسبة لي ] ..
2- هدفه على النصر بعد خروج الهلال من الاسيوية و انقذ الهلال من خسارة كادت ان تعمق جراح الهلاليين ..
3- حصوله على هداف كاس الابطال الموسم المنصرم
4- هدفه على الاتحاد في جدة عندما كان الهلال جريحا و الدفاعات الهلالية مفككة ونشوة الاتحاد الا انه كان في الموعد
5- هدفه على نجران الذي انقذ الهلال من الحسابات المعقدة ومن الابتعاد عن الصدارة
6- اهدافه على فريق الاتفاق
وو القائمة تطول

والله مهاجمين مكملين لبعض
صحيح اني عشقت يوسف العربي لكن اتمنى الاستغناء عنه وجلب مدافع قوي جداً وصانع العاب يلعب في اي مكان في الوسسط ..

ومع نشوة سعد الحارثي و تحديه بالعودة الى افضل مستوياته

سيكون الهجوم الهلالي بافضل حلة ..

الكلام بالاحصائيات و الدلائـل اتمنى عدم التفريط في الكوررررررري ..