نادي الهلال السعودي - شبكة الزعيم - الموقع الرسمي - .....))) ........لاحد يرمي عقاااااله ؟؟؟........)))........

السلام عليكم ورحمة الله وبركاته

قرأت موضوعك الجميل واحببت ان ارد عليه لا لشي ولكن كرامة لمن رمى عقاله معي

احدهم طالب من خلال موضوعه هنا في منتدى الجمهور الهلالي برمي العقل ليستجيب رئيس النادي ويحقق المطلب المنشود بالنسبه له وهو تغيير المدرب

اعتقد ان الموضوع اللي تتكلم عنه نزله عضو بالمنتدى له اسم , وماكان يضيرك شي لو قلت موضوع زميلنا راعدالصوت او موضوع اخونا راعد الصوت لا اعتقد انك بحاجة لمن يعلمك اسلوب ادب الحوار , فانا احسبك والله حسيبك (( ولد ناس ومتربي ))

اما رمي العقال فهو عادة وسلم لكثير من قبائل العرب ولعل البعض ممن لا ينتمي لهذه القبائل ولا يعرف سلومهم وعاداتهم يستنكر هالامر او لا يتعامل معه باحترام وهذا في شرع القبائل المذكورة زلة وغلط لا مبرر لها ,, بل انها قد تنتهي بقطع لسان او حتى رأس المستهين بالشخص الذي رما عقاله من ابناء هذه القبيله

واقترح احد الاسماء الكبيرة . وغيره كثير ممن طالبوا بإقالة المدرب بأي ثمن واحضار البديل على وجه السرعه ؟؟ لا اعلم ماهو السبب ولا ارى مسوغ للإقدام على ذالك .

هذا مجرد راي ,, رأيك ومن حقك علينا ان نحترمه ولكن لا يحق لك ان تصادر آراء الاخرين فلست بالمحلل او الناقد الذي يكفي رأيه عن رأي غيره فالموضوع كلله يا صاحبي مدار رأي ومادام الهلال للجميع فلا يحجب صوت احد . بما انك ذكرت جيرتس هل طالب احد وقتها باقالته ؟؟؟؟ لما ذكرت المباريات اللي قلتها هل كان الفريق يتطور بشكل تصاعدي مع جيرتس او كانت المباريات تجري كيف ما اتفق ؟
الم يكن للفريق نسق واضح طريقة للهجوم وطريقة للدفاع؟ ايضا الفريق اظهر تأثره بالمدرب بسرعه . التعاقد مع مدرب متصدر الدوري الفرنسي ومحقق القاب الدوري التركي والهولندي تختلف عن مدرب لم يسبق له ان حقق اي نجاح يذكر.

مدرب استبعد الامير عبدالرحمن مفاوضته في بادئ الامر وقال انه دون الطموح ثم اصبح مدرب الهلال ,, يا اخي قالوا اصبروا عليه وبتشوفون صبرنا وشفنا النتيجة الطبيعيه مدرب فاشل , طيب وش الجديد؟ من قبل لا يجينا وهو فاشل وجلبته كانت تسكيته للجماهير لان الادارة فشلت في التعاقد مع اسم تدريبي محترم. وبدأت الاقلام الهلالية في المنتديات والصحف تحارب في كل اتجاه لتجعل من المدرب احسن واحد يفهم كورة بالدنيا

فالهلال حتى الان يسير بشكل جيد ويحتل المركز الثاني ومنقوص مباراة في حالة الفوز بها سينهي الدور الاول متصدراً للدوري .

صحيح ان المستوى في تذبذب والاسباب كثيره لايمكن حصرها ولاكن النتائج تحكي .

انت هنا تتحدث عن مشكلة الكرة السعودية وليس الهلال مادام المستوى متذبب والفرق تهاجمك وتشكل عليك خطورة مادامك تلعب على طريقت (( حوري دوري )) وتضيع الدقائق الطويله بدون ان ترى للفريق (( وجه من قفا )) ماتدري كيف تنى الهجمه ما تدري مين مسؤول عن بناء الهجمه من يفتح لمين كيف يتحرك الفريق داخل الملعب ومتى يضرب الفريق ضربته .. فالفريق يلعب طوليات من المحور والاظهره وتنقطع وترجع علينا .. مع جريتس كانت الكورة في اقدام اللاعبين واستلام وتسليم بشكل صحيح وتحرك بدون كوره مزعج لأي خصم
اقول هنا انك تتحدث عن مشكلة الكرة السعودية لانه للاسف مافيه فريق قادر انه يعري فريقك وهو بهذا التواضع الفني واتحدث عن تعريه بالاهداف وبالنتائج اما فنيا فالفريق عريان من اول الموسم والوصول لمرمى الهلال اصبح اسهل من الوصول لمرمى الفتح او غيره من الاندية الاقل مستوى من الهلال

في عهد طيب الذكر جيرتس كان الاعداد على اعلى مستوى واللاعبين الاجانب تم اخذ رأيه قبل جلبهم ان لم يكونو جميعاً فأغلبهم تم استشارة جرتس قبل احضارهم.

ومع كل ذالك استهل الهلال الدوري بفوز صعب وعسر على القادسيه بهدفين لهدف علمأ ان هدف الفوز حضر في الدقيقه 86 وفي المباراة اللتي تليها خسر القادسية من الاتحاد بالسبعه؟؟

الاتحاد مدربة كالديرون من الموسم اللي قبله ,, طيب ياخي الفتح والاتحاد 1-2 والهلال فاز على الفتح 5 يالله فسرها لي هذي؟ لابد ان نتحدث بالمنطق والعقل فالمستوى قبل النتيجه يا اخي العزيز بعدين من قال لك انه تم اخذ رأيه ؟؟

الكوري هو اللاعب الوحيد الذي تعاقد معه الهلال بالصيف ولا اعتقد ان رأي المدرب مهم فيه لان الخانه مسرح عمليات للفرق الاخرى الى يومك .. رادوي وولهامسون قبل جيرتس وما اعتقد اننا نسينا يوم جيرتس يقول ما ابغى ولهامسون!! طبعا هالشي للمشجعين الهلاليين الي متابعين اخبار ناديهم اول باول راح يتذكرونه واعتقد انك منهم

ايضا نيفيز كان الهلال مشتريه من قبلها بسة اشهر من هامبورج ومعيره لنادي برازيلي ان لم تخنني الذاكره نادي فلومنسي النادي الي طلع منه نيفيز

اذن ما احد استشاره ولا يحزنون

وفي منتصف الدور الاول من ذالك العام خرج الهلال من مأزق نجران بهدف العابد المتأخر جداً والذي حضر في الدقيقه 84 . وقبل ذالك لحق الهلال بالتعادل مع النصر ولاحضو الهلال من لحق بالتعادل.

كل ذالك حدث في عهد طيب الذكر جريتس علماً ان الهلال حقق في ذالك الوقت نتائج كبيره على الاتحاد والفيصلي ونجران والفتح بفارق يصل الى خمسة اهداف احياناً.

؟؟ ياخي تناقض نفسك يعني ؟؟ مباريات اول الموسم ماكان فيها الفريق بتلك القوة لانه مدرب جديد ثم بعدها تصاعد المستوى .

الهلال2-1القادسية .. اول مباراة وماكان فيها المستوى بتلك القوى
الهلال5-0نجران هل اذكرك بهدف عيسى اللي بنا الفريق الهجمه بفن ارعب الخصوم؟ هل اذكرك بهدف الشلهوب 14 تمريره؟؟ ياخي مشكلة ان الواحد يسوي نفسه البطل الفاهم للكورة ويسفه افكار الاخرين ,, يعني لما اشوف مثل هالهدف من ثاني مباراة وش تبغاني اقول ؟؟ المدرب مايفهم؟ لا باقول المدرب كويس وهذا الطبيعي لانه مدرب سيرته الذاتيه تدل على كذى

http://media.alhilal.com/200906/hila...Najran-1st.wmv

http://media.alhilal.com/200906/hila...Najran-2nd.wmv

شوف هالملخصين وقول لي من اللي يصدق ان هذي ثاني مباراة لفريق مع مدرب جديد؟ شوف النقلات والتحركات

الهلال2-1 الوحده
الهلال2-2النصر
ولا يهون ابو دعيع يوم يعطيهم القول
الاهلي2-1الهلال
الهلال5-1الفتح
http://media.alhilal.com/200906/hila...0Fateh-1st.wmv

http://media.alhilal.com/200906/hila...1Fateh-2nd.wmv

يقولون الشوط الثاني شوط المدربين , شوف متى جات الاهداف يا عزيزي

بعد هالمباراة لعبنا
الرائد0-الهلال2
الهلال4-0الحزم
الاتفاق0-2الهلال
ثم تعادل مع الشباب 2-2 كان الهلال متسيد المباراة لولا اخطاء فردية تسببت علينا بالهدفين

ثم بعدها خمسة الاتحاد الشهيره التي الى اليوم ( تحكهم كل مالعبوا بالملز )

هذي بدايتنا مع جيرتس وابيك تعلمني يا خوي هل المهم يكون رأيي الصح او رأيك الصح والا المهم ان الهلال يكون في افضل حال له ؟ لو كان الرأي الانسب للهلال ان يستمر المدرب دول صدقني مانيب في حاجة موضوعك عشان اقول هالشي احسب نفسي بعد هالسنين الطويله من تشجيع الهلال ومتابعة الكورة بجنون محليا وعالميا قادر على ابداء رأي اقرب للصواب منه للخطا عن حالة فريقي اللي اشجعه ومن حقي ابدي به الراي

هلال دول لم يحضى بما حضي به هلال جرتس من اعداد جيد . بل على العكس اهم العناصر لم تنتظم في المعسكر الخارجي واللاعبين الاجانب تم التعاقد معهم دون استشارة المدرب

وهذا خلل كبير بل الادهي من ذالك ان المدرب طالب ببقاء ولهامسون ولاكن لأرضاء الجماهير تم الاستغناء عنه وإحضار ايمانا فقط لارضاء الجماهير فقط فقط

الجماهير طالبت بالكثير من اللاعبين والمدربين ولم يحضر منهم احد او حضر متأخر يعني بعد المطالبه ب 5 سنوات او اكثر ,, فلا تقول فقط فقط فقط وكان الادارة كان همها التعاقد لارضاء الجماهير ,, مشكلتكم تشجعون الهلال من برودكاستات البلاك بيري ,, ياخي ارجع لتصريح الامير عبدالله بن مساعد لما قال اول محترف فكرنا فيه او فكرت انا فيه هو ايمانا وتكلمت مع اخوي الامير عبدالرحمن عنه من اول الصيفيه قبل ان نتم تعاقدتنا مع هرماش والعربي وبيونغ سو. والجماهير يوم درت ان اللاعب ايمانا ما صدقت وانا واحد ماصدقت لين وصل هنا ,, بعد كذى ايش يصير هنا عاد نحتاج اننا ننظر للامر بتروي . ما حدث بينه وبين المدرب الدور الي يحطه فيه المدرب اذا كان لاعبينا بشكل عام انخفض مستواهم مع هالمدرب تبي ايمانا يكون مبدع؟؟؟؟

مع العلم ان ايمانا لاعب كبير جدا ً جداً ولاكن من الواضح انه لايتناسب مع الجو الهلالي العام فهو من نوعية نور ومن هم على شاكلته بالمزاجيه والتكبر على الاجهزه الفنيه.

هلال دول استهل مشواره بفوز صعب على هجر وخسارة من الشباب ثم الفوز بمستوى جيد على التعاون والاهلي والفوز بعد التوقف على الفيصلي بمستوى متوسط

تلى ذالك الفوز على القادسيه بمستوى جيد في شوط وسئ في الاخر نتيجه الاستهتار واللامبالاة من اللاعبين وبعد تلك المباراة وخصوصاً بعد تصريح المدرب الذي فسره الاعلام كما شاء
لا ماهيب اللاعبين اللاعبين لا يتحملون كامل المسؤولية المدرب تكتيكه الدفاعي خرابيط ,, اللاعبين ماراح يجرون لك طول المباراة , سجلت 5 لان اللعب كان في ملعب الخصم اكثر الوقت ولان تنظيم القادسية الدفاعي برضوا شربه والفريق اكل قبلنا وبعدنا هزايم باهداف كثيره يعني ماهوب جيد من الهلال يوم يسجل 5 الاتحاد بعد وبدون مدرب سجل 7 اللي حصل يوم تراجع فريقك وصار دفاعك على المحك انحك وجه فريقنا وبغينا نزلق بس ؛ سقا الله ايام كوزمين هدف وقفل ويفحط خصم الهلال ولا يسجل قول هذا وهو بدون اجانب بالدفاع

ظهرت الاسطوانه المستمرة حتى هذه اللحظه وهي مشاكل بين اللاعبين والمدرب او رغبت الادارة في التغيير نظرا لعدم الاقتناع بالمدرب ..

ولم يشفع للمدرب الفوز على الرائد والنصر والانصار وما تلى ذالك من انتصارات الا ان الاعلام لايعجبه انتصار الهلال ولا تقدمه ويريد دائماً خلق مشكله من لامشكله..

اكيد ماراح يشفع لانك ماتقدم مستوى وش ابي انا بفوز مشي حالك ؟؟؟ لازم اطلع بتاريخيه قدام فريق محلي او خارجي عشان نقنعك ونقنع اللي فاهمين ان الصبر على المدرب معناها اني انا انسان فاهم كوره ,, لا ياحبيبي الوقاية خير من العلاج المدرب هذا جلبته خطا من الاساس والجمهور كان معارض له ولكن الادارة هي من راهنت عليه وحطت المواعيد الي يمكن للجمهور الحكم على المدرب بعدها راح نص الموسم والفريق يقدم عك كروي بدرجة امتياز
اعجبني بكل امانه تصريح الرئيس وان دل فإنما يدل على حنكة الرئيس والفكر الاداري الكبير في نادي الهلال مشاء الله تبارك الله .

اكثركم يذكر الهلال قبل عدة مواسم عندما كان متصدراً للدوري وكان يدربه في ذالك الوقت بسيرو ولاكن المستوى لم يكن جيداً فتمت اقالة المدرب بعد الخسارة في كأس فيصل والخروج منه مبكراً
بيسيرو سباك ثاني وجلبته برضوا غلط مدرب ماعنده تاريخ وقالوا لا اصبروا وبتشوفون ويوم راح جابو لهم سباك غيره اسمه سيريزو والحالة ردا في ردا ذاك الموسم

تمت الاقاله رغم ان الهلال في ذالك الموسم سحق الشباب بالاربعه وتذكرون هدف البلياردو لياسر القحطاني في تلك المبارة. وايضاً تغلب الهلال على الاتحاد في ذات الموسم الا ان ذالك لم يشفع لبسيرو بالبقاء للحمله التي شنت ضده

سحق الشباب لان مدربهم سباك برضوا واقالوه عقب مباراتنا معهم بفتره وجيزه ولا ننسى انهم مصموخين ب6 في ذيك السنه من النادي الكوري هذا لو خانتك الذاكره والا انا ادري انك تتذكر هذاك الموسم زين ثم اقالوا سيريزو وجابو باكيتا ولا يصلح باكيتا ما افسده كندينو وكليبر وبيسيرو وسيريزو وش تبيه يسوي مسكين في شهر ونص

وكان مما لوحظ على المدرب هو لعبه بثلاثة محاور ورغم التصدر اقيل المدرب قبل ان يتضح فكره الكروي وفي تلك السنه لم يحقق الهلال اي بطوله وكانت من اسوء السنوات نتائجياً بالنسبه للهلال
ثلاث محاور دفاعيه ولعب عقيم المباراة تنتهي ومانسجل طيب يعني المدرب هذا مذكور بالقرآن لما يجيبه سمو الامير ,, يعني سمو الامير لاحد يقول قراره خطا

ياخي اسمع راعدالصوت يسلم عليك ويقول لك سلم على الامير عبدالرحمن وقول له قرارك اكبر خطا يوم تتعاقد مع دول ,, ومشورة الامير عبدالله بالتعاقد معاه ورطتك وورطتنا جميعا مع هالمدرب السباك الخايس

هذا الامر قد يحدث لاقدر الله في حالة اقالة المدرب الحالي بل واتوقع الاسؤ من ذالك نظراً لعدم وجود لاعبي خبرة في الهلال وغالبية العناصر شابه وتحتاج للوقت حتى تستوعب فكر المدرب

وجهة نظر شخصيه ارى ان المدرب دول مدرب جيد جدا ويقرأ المباراة بشكل جيد وغالباً ماتكون تغييراته ايجابيه.
وبالنسبة للمستوى فإنه يأتي عند انسجام المجموعه بشكل اكبر والى الان اشعر ان الحكم على عمل المدرب فيه ظلم كبير جداً للمدرب

الطريقة التي يلعب بها دول تحتاج لفريق غير الهلال يحتاج لفريق يلعب بلاعبين طوال قامة ويملكون الحلول الفردية من تسدات مباشره على المرمى وعرضيات لكي تتناسب مع خطه وايضا تحتاج خطه للسرعه من المهاجمين وهالامور تلقاها في اندية اوربيه وليس في نادي سعودي لاعبيه قصار القامه ويلعبون اللعب الارضي البرازيلي او بالمصطلح الجديد ,, اللعب البرشلوني ((تيك تاك))

وطلبي الوحيد هو ان يعطى الفرصه كما اعطي من قبل كوزمين الذي انهى الدور الاول من الدوري الاول له مع الهلال بخسارة مذله امام نجران بالرياض وبهدفين وخسارة اكثر ذلاً امام الاهلي بالرياض بالثلاثه وخروج مذل من الاسيوية اما الوحده الاماراتي وفي الرياض ايضاً

من قال لك ان كوزمين كان مدرب يقدم كورة قدم قوية بالنسبة للهلال؟ كوزمين مدرب دفاعي بحت تجلت انتصاراته لضعف الاندية الاخرى بالسنين الاخيرة والدليل تصدرنا للدوري في حال فزنا على الاتحاد مع السباك دول

اتمنى ان يعود الدوري قوي لا لشيء ولكن ليعمل من يرأس الهلال بجد ليكون الافضل فالافضل حينها لن يكون سهل الوصول كما هو الحال الان

وكان الهلال ابعد عن تحقيق الدوري في ذالك العام من كوكب زحل عن الارض ولاكن للاستقرار الفني والدعم الاداري آنا ذاك تحقق الدوري بمعجزه لايفعلها الا الزعماء

لا تنسى ان الاتحاد ذاك الموسم غير مدرب في نص الموسم وجاب كالديرون بعد تخبطات لا معنى لها في بداية الموسم فلم يكن الهلال البطل فقط للاستقرار الذي ذكرت

وارجوا ان لايأتي من يقول ان كوزمين كان له تاريخ قبل ان يحضر للهلال ووصوله الى نصف نهائي دوري الابطال مع احد الفرق الرومانيه ليس اكبر من تحقيق دول لكأس الاتحاد الاوربي مع احد الفرق الالمانيه.

بعين من قال لك ان دول محقق كاس الاتحاد الاوربي ؟ مع من هالكلام وعام كم؟
حقق كاس ماتذكرني اسمها داجة اسمها لحاله يضحك

عموماً ثقتي في ادارة الهلال اكبر من شطحات بعض الاعضاء ومطالبتهم برمي العقل .
وان اعطي دول الفرصه كامله وابعد من يريد من اللاعبين فثقو ثقه تامه انه مدرب الهلال للاربع او خمس سنوات القادمه والله اعلم.

استغرب موقف الاخوه المشرفين الافاضل من هذه الالفاض السوقية

ياخي من انت عشان تقيم آراء الاخرين وتوصفها بانها شطحة؟ من انت عشان تتكلم على اعضاء اكبر منك واقدم منك وابصم بالعشرة انهم افهم منك كورة مو عشان رايك مخالف لرأيي ولكن لطريقة سردك اللي تدل على سطحية واضحه

ياخي من انت عشان تقول ان موضوع رمي العقال شطحه ان كان ماللعقال في عرف اهلك قيمة فله في اعراف القبايل قيمة وقيمة كبيره

مافيه اي داعي لأنتقاصك راي غيرك لو تشوف ان رأيك صحيح لكن الناقص لازم يبين نقصه والا مايرتاح خاطره

تحياتي للمشرفين اللي ما يتحركون الا اذا تكلم احد عن اخطاء الادارة وينبرون للجمهور مدافعين عن الادارة وكانهم يدافعون عن اعراضهم وعجبي هنا لهذا المنطق الغريب عن المدرج الهلالي فالهلال هو الاهم وليس ادارة فلان او علان فالاداراة سترحل يوما ما وسيأتي غيرها الامر مايحتاج لانتقاص الهلاليين لبعضهم عشان ادارة الامير تعمل , ادارة الامير وجدت اشادة يوم احسنت والان تتلقى الانتقاد الحاد لان مدربها فاشل جلايبها بايره

..

..