بسم الله الرحمن الرحيم

سلام عليكم يازعماء

العنوان واضح راح ادخل في الموضوع دوغرررررري كالعادة

اقول بعد الاستعانة بالله الله يذكرك بالخير ياكوزمين جبت الدوري بخالد العنقري وعبدالعزيز

الهليل وليلو امبيلي

وفهد المبارك وسلطان السعود وسلطان البرقان واحمد الصويلح وعبدالعزيز الكلثم ومحمد

العنبر وسلمان المؤشر،هذي الاسماء احترمها واعترف بفضلها على الزعيم وضحوا وانا ما اقلل

من الجهد اللي قدموه ولكنها اقل في المستوى من المتواجدين الان وصححوا لي اذا انا غلطان

والاخ دول ماقصر اجتهد واعطى اللي عنده وبالعربي هذي امكانياته، لكن لو دووول عنده الاسماء

اللي ذكرتها وش كان مركزنا،انا هنا اوجه كلامي للمتباكين على إقالة دول.

نقطة اخيرة ليش كل ما خسرنا طلعوا ناس قالوا ان الهلال يعاااااني في مركز الظهير الايمن

من يوم انتقال الدوخي ، صراحة هذي الجملة متكرره بشكل يجيب لي الغثيان ،اذا كان الهلال من

بعد انتقال الدوخي سيطر على 90٪ من البطولات اكثر. صحيح الدوخي فنان واللي جو بعده

ما وصلوا لمستواه بس اعتقد من الظلم نختزل سبب الفوز او الهزيمه في سبب زي هذا.

في رأيي الشخصي المتواضع يعتبر الموسم هذا للهلال استثنائي لاسباب خارجيه وداخليه

واعتقد الاسباب الخارجية اكثر تأثير،لان الاداره ما في يدها شي تقدر تتخذه تجاه هذي الاسباب

منها الحرب المبكرة بداية من اصبع ايمانا وصفقة الشهراني وطلب رادوي بالانتقال وياسر

بتغيير الاجواء بعد الحملة القذرة اللي ضدة وصولا اعادة فتح قضية ايمانا من قبل بتال واخيرا

مجازر التحكيم الاخيرة ،ولا انسى ثُلة من صحافتنا الغراء في الوسط السعودي والبرامج

المبرمجه ضدة،واللجان الموقرة في الاتحاد السعودي .

اما الاسباب الداخلية ف ان شاء الله ماراح يقصرون القائمين على الفريق في اتخاذ الخطوات

التصحيحيه واللي بدأت بالفعل برجوع ويلي وتغيير المدرب والقادم احلى بإذن الله.

المرحلة القادمة اخواني الزعماء خطرة وتحتاج دعم لا محدود من الجمهور سواء في الملعب او

هنا في منتدانا العزيز،فارجو رجاء حار من الجميع التوقف عن مدح او ذم لاعب بعينه،وعدم

القسوة عليهم لان الله وحده يعلم انهم يبونا نكون راضين، وسعداء وعلى راسهم ابو فيصل.

الف شكر واسف على الاطالة.

والله ولي التوفيق ،والسلام عليكم،.....،