|
بتعضون اصابعكم ندم ياجمهور الهلال لو صار الي في بالي بسم الله الرحمن الرحيم السلام عليكم ورحمة الله وبركاته ببدا بالموضوع على طول وش هذا ياجمهور الهلال وش صار لجمهور خرج من اسيا من امام ذوب اهان بطريقه مذله ولاهمه بوقتها الا شي واحد ان ابوفيصل مايروح هذا المنتدى ترك كل خروج فريقه المذل من اسيا واصبح همه الاول والاخير ابو فيصل مايروح والحين اشوف البعض من جمهور الهلال يقول كلام مايقوله عاشق لرجل دفع الغالي والرخيص لاجلنا ابوفيصل وكل من معه مايرضيه هذا المستوى ابدا بس لاتنسون بداية الموسم وش سوا عشانا 1_ جاب ايمانا وتمسك فيه لاجل عيونكم من كثر الحماس الي شافه فيكم 2_جاب العربي وهو ثالث هداف الدوري الفرنسي 3_ جاب هرماش محور اقوى منتخب افريقي 4_ جاب هداف الدوري الكوري الجنوبي اقوى دوري في اسيا والمسيطر على البطولات الاسيوية شفتوا القرارات الي فوق كلها احنا كلنا كنا مصفقين لها في بداية الموسم وكانت اغلب التواقيع شكرا ابو فيصل اخطا في قرار واحد وهو المدرب قمنا قلبناه عليه ليه؟ هل هو يعلم الغيب ان الاجانب ماراح يكونون قد طموح الهلال او المدرب ان راح يخبص في التشكيلة الحين مااشوف الا جماهير ترفع الظغط واحد يقول جاب اجانب عشان يستمثر فيهم اي من حقه يفكر في الاموال ليه مايفكر من عنده يدعمه؟ موبايلي الي تاخذ اكثر من ماتعطي ولا اعضاء الشرف الي مابقى قناة ولا صحيفه الا قال ادعموني ولا احد سمع له ابن مساعد قالها مليون مره انا دفعت من جيبي الخاص استنرفت ماليا لو فسخ عقود الاجانب من يدفع الشروط الجزائية؟ من بيبجيب اجانب اقل واحد فيهم يسوى 2 مليون يورو واكثر؟ ولا بس نطلب بدون مانفكر اتمنى قبل اي انتقاد له نفكر وشلون نساعده تكفون لاتخلونا نخسره والله بنعض اصابعنا ندم لو راح راح نتحسر على ايامه ساعدوه وادعموه الظغط يولد الانفجار ارفقوا على شبيه الريح شطحة اتمنى مانغير دول الا بعد مباراة الاتحاد هذا لو تغير لان صعبه ندخل مباراه مهمة مثل هذي بمدرب مايعرف اي شي أن اخطات فمن نفسي والشيطان وان اصبت فمن الله سبحانه وتعالى |
راي كلم جميل بس عاطفي لشخص سمو الامير بس فيه في الفريق شي غلط و هي خطة اللعب وهذي مشكلة المدرب s13s |
محد يختلف ان المدرب فاشل بس ابن مساعد اغلب قراراته صح واخطا في شي واحد مو معقوله نلومه كذا |
الهدف الرئيسي من الموضوع ان مانضغط على ابو فيصل علشان ما يروح ممكن تقولي لي من قالك انه يفكر يترك الرئااسه باخر تداخل مع العجمه اكد انه يبني فريق لاربع سنوات الي هي فترة رئاسته وبعدين حنا ما نضغط حنا نطالب بالموسم الاستثنائي الي وعدنا فيه :alzaeem: |
ماعدنا بموسم استثنائي قالها مليون مره قال الهلال الموسم الي راح ماارضاني هاتوا لي تصريحه انه قال استثنائي بعدين بالظغط هذا ماراح يجدد لاربع سنوات |
اتفق معك باشياء واختلف معك، من ناحية المدرب فاختيار المدرب تم على عجله وتمنيت المدرب يكون التعاقد معه قبل اللاعبين لكن قدر الله وماشاء فعل وان شاء الله تتصلح الامور وترجع هيبة الزعيم بالملعب، لان وضع الفريق واضح انه من المدرب وانا ما احمل اي لاعب اي نتيجه لان تخبيصات دول تتحملها الاداره لاقتناعها بإبقائه حتى هذي اللحظه. |
يارجال لابو فيصل ولا احد اكبر من الهلال احنا ننتقد ابو فيصل لاننا نحب الهلال فقط المدرب فاشل اللاعبين الاجانب لم يقدموا مايشفع لهم هرماش استعراضي ولم يعوض غياب رادوي يونق الكوري ترك فراغاً كبيراُ وراه ويلي كان شعله من النشاط وايمانا لم يقدم ربع مستواه الا يحق لنا ان نعاتب |
انا متاكد ان افضل اجانب بالسعوديه الهلال وان افضل اداره بالسعوديه الهلال لكن؟؟؟؟؟؟ دوووووول الفاشل ابعدووووووووووووووووووووه وراح تشوفون من الهلال الحقيقي وراح تشوفون كيف نهزم الشباب الي صار يهزمنا؟؟والاتفاق الي صار يتعادل معنا؟؟؟والله العضيم غير يضهر الزعيييييييييم الحقيقي |
ارجوكم افهموني يحق لكم الانتقاد لكن بااسلوب البعض بصراحة يجيب المرض من ردوده |
كلام سليم وغاية في الروعة أرجوا أن لا يخسر الهلال أكبر من خسارة مدرب . مع أجمل تحية |
إقتباس:
اي ضغط تتكلم عنه هذا من حق اصغر مشجع هلالي اجل نجامل يعني |
كلام كبير ...وعندي إضافة بسيطة ياليت نعطي الإدارة فرصة تعالج الأخطاء بهدوء ليس مطلوب من الإدارة ان تعلن عن خطواتها التصحيحية للإعلام تأكدوا إن الرئيس ونائبه ومدير عام الكرة ارقى وأذكى الشخصيات الرياضية حاليا يعني عارفين الاخطاء وشايفين كل شي ولكن الحلول تحتاج وقت عن نفسي أنا أثق في إدارة فريقي واتطلع أن تتم الحلول بشكل سريع فقط تحيتي |
كلامك عين العقل اتمنى نصبر على اجـآآنبنـآآ وسبب ضعف الاجانب من المدرب مايعرف يوظفهم بالطريقه الصحيحه في الملعب اتمنى يحضضرون مدرب بديل له لك ودي.. |
كلامك كل على العين والراس بس نبغى لاعيب محليين نغير اجانب بس ما نغير محليين ليه اهم شي الاظهره نبغى حسن معاذ او الطريدي او ياسر الشهراني |
انا مع الاستثمار لانه بصراحة هو الي مخلي الهلال الفريق الوحيد في المملكة الي ما عليه ديون (( على الاقل واضحة )) بس ضد التفكير بالإستثمار في جميع الاعبين الاجانب يعني على الاقل يجيب لاعبين اساسين لمدة ثلاث سنين يستفيد منهم الهلال ويجيب لاعبين يلعب فيهم سنه ويفكر يستثمر من وراهم السنة الجاي |
| الوقت المعتمد في المنتدى بتوقيت جرينتش +3.
الوقت الان » 03:38 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd