نادي الهلال السعودي - شبكة الزعيم - الموقع الرسمي - بطانية السوء.. لحاف للرجل السوء..

أيام الشباب والصبا قبل خمسين سنة كنت أعيش في قرية في أدغال القطب الشمالي..
وبحسب الضرورات الإنسانية كما يقول علماء الاجتماع.. أي مجتمع إنساني يؤسس قرية أو مدينة أو زريبة في أي مكان في العالم لازم يكون له شخص يتولى السلطة يسمونه شيخ / عريفة / راعي / كاوبوي... إلخ

فكان عندنا عريفة اسمه "مرعي" يوم طلب يمسك المشيخة علينا رحبنا فيه وهللنا وقلنا له يا هلا بلطش والرش والمهلي يولي والرحب والسعة واحنا يا مرعي ناس ما همنا في العرافة والمشيخة وشغل التلفيق والهياط هذا.. نبغى نعيش باحترام وما نطلب غير شيء واحد، تصير عريفة القرية بحكم القرآن والسنة فقال طيب..

كانت عندنا القرية فيها حالة ما يعلم فيها إلا الله من الفوضى والشيء اللي مطفشنا هو الفاصوليا اللي بهذلتنا..
رمينا في الأرض بذور بطيخ طلع لنا فاصوليا
رمينا بذور عنب طلع لنا فاصوليا
رمينا بذور الأفيون :s2: طلع لنا فاصوليا
رمينا بذور جزر "إذا كان لها بذور" وبرضه طلع لنا فاصوليا
حتى صرنا نخاف ندوس بقوة على الأرض لا تطلع لنا فاصوليا ما ندري وش فيها ما تتوحم إلا على فاصوليا..!!

إلا أنه مع مرور الأيام جت بعثة من شعب الإسكيمو وقالوا يا جماعة الخير ترا الفاصوليا هذه أنتم لا تريدونها ولكن احنا نحتاجها عشان ناكلها.. تعرفون الفاصوليا تجيب الدفا وترطب المفاصل وتبعد الروماتيزم..

انبسطنا واعطيناهم من ذا الفاصوليا اللي ازعجتنا وملت الأرض على غير فايدة؛ وصارت قريتنا من الدول المُصدرة للفاصوليا وبحمد الله وتجي فلوس كثير وهنا المشكلة..

طبعاً إدارياً وقانونياً الإسكيمو ذول ما راح يتعاملون معنا بل راح يتعاملون مع عريفة القرية ويسلمونه الفلوس ومرعي ما صدق أخذ الفلوس وحطها كلها في جيبه..!!
ما اهتمينا من الشغلة في البداية لأن الفاصوليا هذه صراحة ما كنا نتعب في تحصيلها ولهذا السبب ما كنا نحس بوجودها من عدمه فقلنا خل الرجال ينفع ويستنفع :s2:

حاولنا نمشي أمور القرية ولكن الوضع ما يساعد.. فقريتنا فقيرة ما فيها لا أشجار ولا ثروة حيوانية ولا مصانع ولا أي مصيبة.. وكل ما حاولنا نزرع شيء يا ذا الفاصوليا تطلع لنا.. فبعد كم سنة الوضع بؤس وحالتنا حالة بينما مرعي كانت حساباته البنكية وصلت إلى أرقام فلكية.. فلا هو سوا لنا استثمار يشغل أهل القرية ولا هو قام بتوزيع فلوس الفاصوليا علينا..!!

والفلوس هذه ما أعطى أحد منها غير زيد وعبيد
وزيد هذا صار المطوع حق المسجد بعد ما طردوني من الإمامة :cry: لأني كنت أطول في الصلاة وبعض الأحيان أقرأ سورة البقرة وآل عمران في ركعة ومرعي ما يحب التطويل

أما عبيد هذا فإنسان وصولي مصلحجي على قول أهل جدة يعني يتبع مصلحته.. وطبعاً مصلحته هي مع مرعي اللي جالس يعبي كرشه من اللحم والدجاج؛ فكان عبيد كل يوم يطلع علينا وهات يا مدح في مرعي.. مرعي راح مرعي جا مرعي طلع مرعي نزل مرعي استقبل مرعي ودع..:s2: وعبيد هذا على قلة عقله وعدم معرفته بالأمور الإدارية مع ذلك حطه مرعي وزير شؤون الفاصوليا

بعد كم سنة وصل الوضع في القرية إلى حال لا تطاق وقمنا أنا ومجموعة نبغى نتفاهم مع مرعي على الوضع فلازم ينتبه للقرية والكائنات الحية الموجودة فيه اللي اسمها بشر..!!
المفاجأة عندما تقابلنا معه طلع لنا بكلام كثير نصه ما فهمناه والنص الباقي فهمنا منه أنه يقول أن الفاصوليا هذه حلاله وأن الفتات اللي يعطيه لنا لازم نحب خشمه وصنادحه عليه لأنه تفضل علينا به..!!
طبعاً في ناس ما رضوا بالكلام هذا وردوا عليه على طول: يا مرعي اتقي الله.. إذا كان ربي مسلطك على بعض الناس بالقوة فلسنا سواء.. لأن أغلبيتنا ما قدرت تسيطر عليهم بل هم رضوا بك عريفة عليهم بشرط إنك تحكم بالدين

الكلام هذا ما عجب مرعي فحبس بعضنا وهدد البقية وقال يا ويلكم ويا سواد ليلكم لو حرضتم باقي أهل القرية علي..

ولأني سوسة :s2: ما ارتاح قمت أنا وبعض أصحابي ورحنا لـ "زيد" المطوع الجديد اللي مسك مكاني وشرحنا له حيثيات الموضوع وأنه لازم ينصح مرعي ويرده عن ظلمه فزعل "زيد" واستشاط غضباً :s2: وقال: يعني أنتوا تظنون أني لا أنصح ولي الأمر سراً..؟؟ عليكم بالسمع والطاعة ولو أخذ مالك وضرب ظهرك..
طبعاً الكلام هذا ممكن يمشي على أي أحد ثاني ولكن لأني أنا مطوع قديم ما قدر يضحك علي مطوعنا الجديد بالحديث ذا فقلت:
طيب النبي صلى الله عليه وسلم ما قال في حياته إلا هذا الحديث يعني..؟؟ في أحاديث كثير تتكلم عن الأخذ على يدي الظالم وأحاديث تتكلم عن العدل بين الرعية وأحاديث تتكلم عن شناعة الغلول وأحاديث تتكلم عن قطع يد السارق.. فأنت هدمت الإسلام كله وما أبقيت إلا حديث اسمع وأطع..!!!!
رد "زيد":
- أنت حاقد ورافضي :s2: كلب.. اخسأ لن تعدو قدرك.. تريد الافتئات (يا رب كاتبها صح ) على ولي الأمر..؟؟

ما حبيت أطول معه في الكلام لأني أعرف أنه ياخذ راتب من عند مرعي وخفت يبلغ عني فأروح دار أبو سفيان :s2: على قول اخوانا القحاطين :smilie47::s2: فلميت كرامتي وطلعت مع أصحابي

بعدها بديت اشتغل وسوسة s121s في شباب القرية ولكن ياذا الغباء فيهم.. كل ما أقول لهم ترا مرعي سارق فلوسكم يقولون لا ما نصدق
ترا مرعي حرامي يقولون لا بالعكس هو أطيب إنسان في العالم ولكن المشكلة في بطانة السوء :s2: زيد وعبيد وهو - مرعي - مسكين ما يدري عن اللي حاصل في القرية ومشغول..
يا جماعة الخير مرعي لا هو عنده تجارة ولا عنده وظيفة ولا هو طالب في المدرسة ولا في الجامعة عشان نقول عنده دوام وأذية.. من الساعة احدعش الليل إلى احدعش الظهر نايم أو راقد.. ومن احدعش الظهر إلى احدعش الليل راقد أو نايم.. يعني مشغول طويل العمر في ايش عنا إلا إذا كان النوم شغل..؟؟
ثم(ن) بطانية السوء هذه مو هو اللي اختارها..؟؟ وبطانية السوء لحاف للرجل السوء..:s2:

فأخذوا يردون علي بنفس الكلام بأني رافضي أريد فتنة ويقولون احمد ربك ترانا أحسن من الصومال :s2: وأنت تريد قريتنا تصير فتن وغارات وسلب ونهب <<< يحسبونا مازلنا نعيش في القرون الوسطى ومتأثرين بأفلام الغرب الأمريكي والأفلام المصرية القديمة اللي تجيب العرب مو فاضين غير للسلب والنهب :ta:

يا جماعة الخير وش فتنة وسلب ونهب.. أنا ما قلت شيلوا مرعي وحطوا فلان ولا علان.. أنا جالس بس أنتقد الوضع عشان يتعدل والجميع يكون في خير وسعادة وعشان ينصلح الحال.. هل صار مجرد النقد الهادف فتنة وافتتات مدري وشو على مرعي وأشكاله..!! حسبي الله على اللي ما نيب قايل :s2:

المهم أنا تركت القرية هذه وجيت بلادكم مملكة الإنسانية :smilie47::s2: وأخذت الجنسية وصرت مواطن صالح عشان أريح راسي من المشاكل ومن مرعي والفاصوليا والبطيخ

ما يستفاد من القصة..
بلاش..:s2: