|
الهلال بين ( ارباح الرئيس ) و ( وافراح الجمهور ) بسم الله الرحمن الرحيم السلام عليكم ورحمة الله وبركاته اخواني ليسمح لي موقعنا الكبير ان اوجه رساله لرئيس الهلال ابو فيصل وسأنتقده رغم ان اعماله في النادي كبيره جدا قد لم يفعلها احد قبله ولن اذكر ما فعله بمرافق النادي من مشاريع وتحسينات لدرجه ان النادي الان يعتبر تحفه من تحف مدينة الرياض لكن هذا الامر لا يكفي لاسعاد الجمهور الواسع في المملكه عزيزي - ابو فيصل الهلال كيان كبير جدا جدا ورؤساء الهلال السابقين والحاليين كان لهم الشرف بترأس الهلال لا العكس عزيزي - الهلال حقق بطولات كثيره قبل ترأسك وسوف يحقق ايضا بطولات بعدك ان شاءالله ولو يرأسه مشجع فلن يتوقف عن البطولات عزيزي - نحن سعدنا بقدومك وماحققه الهلال من بطولات في عهدك مقنعه ولكن ليست قانعه فالهلاليين يريدون المزيد من البطولات لان البطولات هو ديدنهم ووقودهم في الحياه عزيزي - اثناء ما كنت تلقي امسيات الشعر في الصالات كان الهلال يحقق البطوله تلو البطوله في المنصات عزيزي - وضع الهلال الحالي لا يسر بصراحه فالفريق يعاني ولا يوجد له بدلاء جيدين في بعض الخانات وايضا لا يجد لاعبين ممتازين في بعض الخانات الاساسيه عزيزي - دائما نسمع منك مقوله اننا ربحنا من عقد المدرب الفلاني وربحنا من عقد اللاعب الاجنبي الفلاني وربحنا من اعاره اللاعب المحلي الفلاني وان عقد رعايتنا هو الاكبر في الشرق الاوسط وانني سأتكفل بمبلغ كبير اثناء رئاستي وانه يوجد عضو شرف كبير داعم لي اثناء فترة رئاستي ورغم ذلك لا تستطيع تجلب لاعب محلي ممتاز في خانه يحتاجها الهلال والخانات التي يحتاج الهلال دعمها بلاعب اساسي واحتياطي كلا يعرفها عزيزي - اذا انت سعيد وفرح بهذه الارباح لماذا لا تحول هذه الارباح في شراء عقود لاعبين محليين ولن تخسر من جيبك ريال واحد في شراء عقد لاعب مادام انها مبالغ ارباح عزيزي - يجب ان تفرق بين شركه تجني الارباح وبين جمهور يريد الافراح عزيزي - للمثال فقط الامير محمد بن فيصل بعقد رعايه يعادل نصف عقد رعايه الهلال الحالي ومن دون ارباح في تعاقداته بل خسائر وهو ليس رجل اعمال مثلك فقد استلم الهلال وهو لا زال طالبا في الجامعه ولم يدعمه اثناء رئاسته سوى والده وبعض اعضاء الشرف القلال وحقق الهلال في عهده ثمان بطولات كانت كبيره وقويه وعرف كيف يروض بعض الناس في الوسط الرياضي ولاول مره نشاهد رئيس نادي يبكي وتظهر دموعه في الملعب انه الحب والعشق والاخلاص والغيره والتنافس عزيزي - اتمنى منك ان تأخذ نظره وانت مغمض العينين وتتذكر الهلاليين من شمال المملكه لجنوبها لغربها وشرقها ولوسطها وستجد انهم ينتظرون منك المفاجأت والعلم الطيب في المحافظه على استمراريه زعامه الهلال ودعمه ليكون قويا يضرب بيد من حديد لكل الانديه المحليه والخارجيه وتأكد ان الهلال بوضعه الحالي لن يحقق امانيك وامانينا لانه يحتاج الكثير عزيزي نحن الجماهير الهلالييه كرهنا كلمه اسمها ارباح ونريد منك ان تحول هذه الكلمه لافراح تحياتي |
يعني تتوقع شبيه الريح عآجبه هلالنآ هذآ الموسم !!!! الموسم المآضي الهلال قدم مستوى خُرآفي ومع ذلك صُرح رئيسنآ وقآل لم يعجبني الموسم ! وبالنسبه للآعبين المحليين ، آنا آشوف الآدارة معهآ حق لآن الآنديه الآخرى وخآصه اللي يفآوضهآ الهلال تزيد مبآلغ خيآليه ولنآ آكبر دليل في يآسر الشهرآني و بلغيث ! إن شاء الله في فترة ينآير يكون في تقييم من الآجآنب ونرى تغييرآت كثيرة ويعود هلالنآ كما عهدنآه قبل إنطلآقه بطوله آسيآ ! |
عزيزي الناقد الصريح نحن جمهور الهلال نضع كل ثقتنا في الرئيس ......... أم مقارنته بغيره فهو غير مقبول فالاعبين تغيروا و المدرب تغير و الفرق الاخرى تطور مستواها و الزمن تغير فمن يوقع بـ 3مليون أمس اليوم يوقع بـ 7 مليون من الاعبين و أبو فيصل يعمل على خطين تحسين بيئة النادي و مكوناته و مواصلت حصد البطولات فلا يجب ولا نقبل التشكيك في عمله و لكل مجتهد نصيب فنحن لا نعمل وحدنا جميع الأندية تجاهد للحصول على البطولات لذلك لنكن واقعين فالحصول على بطولة الدوري هذا العام يعتبر إنجاز إن تحقق لم يسبقنا له ( ثلاث مرات متتابعة ) غير فريق واحد |
وعليكم السلام ورحمة الله مع بالغ الإحترام لك ولإنتقاداتك فإن ما تفعله الإدارة الحاليـة صار نموذج لإدارات الأندية الأخرى في تطبيق العمل الإداري المحترف وكلنا نذكر كيف أن الجماهير كانت تتمنى لاعب عالمي له اسمه ومستواه وهذا يتطلب ضخ مالي كبير وكلنا يذكر كيف كثرت مواضيع المقترحات بالمنتدى بشراء لاعبين صغار ليلعبوا للهلال نستفيد من جهة فنية وكذلك إذا تم تسويقهم وأتتهم عروض فالأرباح سترجع للنادي في بناء المنشآت والتجهيزات للفريق خاصة مع انعدام الخصخصة وضيق الموارد وأيضاً لظروف مرت بها الكرة السعودية أول العقد الماضي من مزايدات في أسعار العقود وفساد مالي صنعتها فيروسات صفراء (بل أقول أن زيادات الأسعار وارتفاعاتها (الوهمية) في بلادنا قد بدأت من مجال الرياضة ) وليس شرطاً أن تحصل على بطولات فالهلال يحصل على بطولات كما قلت من قديم - ولله الحمد - لكن الأساس أن يتغير منهج إدارة العمل ويكفي قبل فترة قريبة اجتماع الأندية الذي دعى إليه شبيه الرياح وامتداد العمل لأول الفئات السنية متمثلاً بالأولمبي وفي النهاية ما أكثر ما فرح الجمهور وما أكثر ما طالب الرئيس الجمهور بالحضور ولكن ........!!! كل ما نريده من شبيه الريح أن يطور العمل أكثر وأكثر وأن يضع له منهج واضح لمن بعده ، ويجعل الإختيارات والقرارات الفنية من رأس الهرم لأسفله وبشكل متسلسل وبعدها نرجو أن يمتد التطوير الإداري للفئات السنية فالفئات السنية تعاني من أكثر من عقد بعد أن أبدعت لثلاثة عقود ماضية والنتائج الحالية نراها الآن بشكل واضح وجلي وتأثيراتها على الفريق الأول تظهر بشكل كبير وسلبي ......... فخانات تشتكي ونواقص تؤثر على مستوى الفريق :rose: بالغ تقديري لك ولشخصك الكريم:rose: |
آآآآآآآآآآآآآآآآآآخ ياآخـوي والله محروق قلبـي على وضع الهـلآل ذحين هذي آخرتهـآإ نتعـآإدل قدآم الآتفـآإق ونفوز على نجـرآن بشق الآنفس والعله وآضحه من المـدرب وفـوق هـذآ الآدارهـ عـآرفه وسآكتـه ومخلينـه على رآحته يخبص على كيفه واللي قهرررررني آكثثثثر تصريح المدرب لما قـآل بعد نهاية المبـاراهـ تعـادلنـا آمـآإم فريق قووووووووي آي قـوووي آنتي وجهك وآضح آن محد مفهمه وقآيله مين يكـووووون الهـلآل ولآ ماكان قآل هالكـلآم :s3s: وآتمنى بعد مبـارآة الشعله مانشوف رقعة وجهه آقسسسسم بالله ماعاد فيني صبر لين شهر ينـاير :ranting: وقـدآم الآتحـآإد نستعين في نجومنـا فيصل آبو آثنين وسـآإمي الجـآإبـر آذآ يقدر يستـاذن من دورته التدريبيـه وآذآ مايقدر نجيب من المدربين المحليين عبداللطيف الحسيني ولآ عبدالعزيز الخـآإلدي ولآ خآلد القروني وربي آطلق من دوووول |
إقتباس:
أضيف عليه ان أرباح اللاعبين الأجانب اذا باعتهم الادارة يدل علي شغل رائع مؤ شروط جزائيه وديون علي النادي .. |
نقدك وعتبك صادر من عشقك للهلال لكن اعتقد ان هالجمله غير موفقه عزيزي - اثناء ما كنت تلقي امسيات الشعر في الصالات كان الهلال يحقق البطوله تلو البطوله في المنصات لااجد لها اضافه اوهدف |
مؤيد بشدة لجميع ماذكرته اخوي الناقد الصريح وبالنسبة للي مو عاجبهم الموضوع فعلا رئيسنا قدم كل شيء نموذجي ، وأصبح مثال يحتذى به في الأندية الخليجية فما بالك بالسعودية، ولكن كل هذا وش فائدته ، اذا مافيه مستوى ، ومافيه قدره على جلب لاعب محلي خصوصا (ظهير) ، وعلى بلاطه نقصد (ياسر الشهراني). اذا تبغى بطولة اسيا يابو فيصل ، أمّن الفريق بظهيرين على مستوى عالي الهلال حقوق البطولات الاسيوية بقوة اظهرته سابقا ، كانت لقوتهم الهجوميه ، هيبه أمام قوة الفرق الأخرى ماكان احد يجرؤ على الهجوم على مرمى الهلال ، لأنهم يخافون من الهجوم المرتد نتمنى يكون يناير غير ونشوف لاعبين محليين عليهم الكلام وبالنهاية ، هذه وجهة نظري والاختلاف بالوجهات لا يعني خلاف |
لكل عمل اخطاء ولكن هناك اولويات لابد منها ياسر الشهراني حتى ب15 مليون اشتره لانه لاعب صغير والفريق محتاجه ومحتاجين معاذ ايضا |
إقتباس:
مشكووووور أخوي على حرصك ومتابعتك |
اسمح لي انت كاتب ينقصدك الأدب في هذا الموضوع لن ادخل لك اي موضوع لك بعد اليوم وسوف اضع على اسمك تجاهل للعضو ابوفيصل استمر نحن جمهور الهلال الواعي بضروف كل مرحلة وتغيراتها ومتطلباتها نقدر عملك ويوجد للاسف بيننا مثل كاتب هذا المقال لا ينم للهلال او الأدب بصلة |
كنت اعتقد ان علة الهلال فقط في الاعلام المضاد والاتحاد السعودي لكن طلع بعض الجمهور اضر على الزعيم من منافسيه |
فعلا عبدالرحمن بن مساعد رئيس فاشل مو مهم تجيب بطولات مو مهم تطور النادي و تطور البنيه التحتيه وتعمل للنادي وليس لفترة رئاستك المحدوده مو مهم تجيب لاعبين دوليين وتبيعهم باعلى من اسعارهم وهو دليل نجاحهم الباهر مو مهم تكون رئيس واضح مع جمهورك واذا اخطأت تعترف وتقول نعم اخطأنا في هذا الموضوع المهم ان تجلب ياسر الشهراني فهذا هو النجاح الباهر اللي بتكون فيه رئيس اسطوري بلا بطولات بلا هم ترا الاعب السعودي هو اللي يستحق تدفع فيه ملايين حتى لو كان فاشل ومنتخبنا في تصنيفات متأخره جداً اما لاعبين دوليين بملايين اليورو واعمدة منتخباتهم و الانديه تحاول تتعاقد معهم بضعف مبلغك فهذا دليل قاطع على فشلك يا شبيه الريح ********** الآن فقط عرفت ليش ابو فيصل يستخدم اسلوب السخريه في تعامله في الوسط الرياضي |
يبدو انك العام كنت راضي عن مستوى الهلال و الكل كان راضي , 95 بالمية من جماهير الهلال طالبت بهذا التغيير , كلهم يبغون مهاجمين ويبغون وسط حتى موضوع المطالبه بأيمانا وصلت لأكثر من مليون مشاهدة ورد , والحين لما صار مستوى الهلال ما يعجبكم حطيتوها بالرئيس , عجبي من بعض الناس , ابو فيصل يعمل ويدفع حتى وهو في اجازته كان يعمل من اجل الهلال و جماهيره , اكيد مستوى الهلال هالموسم ما يطمن بس يجي احد ويقول وش سويت يا ابو فيصل و تسوي مقارنات مع رؤساء كان في وقتهم يكفي عشان تصرف على النادي عشرة مليون وتقارنها بصرف الوقت الحالي , اسمحلي بقولك انك ما تفهم شي , انا (واعوذ بالله من كلمة انا) كتبت موضوع عن مستوى الهلال اعتقد انه كان بالجولة الثامنه وقلت انه ما يطمن لكن ما حطيتها بأبو فيصل , رئيسنا يضرب فيه المثل بالاخلاص لنادية وكل نادي يتمنى انه يكون عندهم لو نصف ابوفيصل وكلامك عزيزي وعزيزي فيها تقليل كبير لجهد رئيس نادينا , اما كلمة ارباح فهو يقصد اننا الحمدلله تحصلنا على لاعبين كبار , وان فيه نوادي مستعده تدفع زياده عشان تتعاقد معهم هذا معنا كلمة ارباح اللي ما فهمتها , وللمعلوميه ترى مافيه الا نيفز هو اللي ربحنا منه مع ان اللاعب نفسه هو اللي طلب الرحيل مثله مثل رادوي , و بالاخير احب اقولك اني احترم رايك لكن النقد الصريح لا يكون بالتقليل من نجاحات الاخرين ونسيان ما قدموه للنادي وخاصةً ابو فيصل فهو نقل النادي نقلة لا تحلم فيها لا انت ولاانا ولا جميعا الجماهير الهلاليه و لا كل الاندية السعودية , اقل شي انتظر حتى فترة الانتقالات الشتوية وبعدين انتقد , لكن قبل تنتقد افهم هالجملة (المجتهد يُحتمل ان يصيب او يخطي) فلا تتوقع ان كل شي يعمله رئيسنا راح يكون صح فهو لا يعلم الغيب |
عزيزي الناقد: كلامك نابع عن حب وغيره وخوف على مسيرة النادي خلال السنوات القادمة ،عبد الرحمن بن مساعد عمل عمل جبار ولكن العمل بدأ يتلاش وياخوفي أن يختفي مع أشباه المدربين؟؟الذين يضيعون عمل السنوات الماضية التى كنا هلالنا قاب قوسين او أعلى!! من التأهل للنهائي الاسيوي مع المدرب جرتيس الذي صنع هلال العشرين تمريرة !!الذي صنع اللعب عن طريق الاطراف بالعابد وولهاميسون!!الذي صنع التسديد من خارج المنطقة بتياقو نفيز والشلهوب !!الذي صنع التكنيك والتكتيك العالي للفريق الذي صنع الانضباط بالنادي وفي التمارين !!الذي صنع أمسك هذا لايجيك هذا..........!!!!! ذهاب جريتس سبب ربك كبيرة في عمل الامير عبد الرحمن بن مساعد وخبر تعاقد مع المغرب قصم ظهر طويل العمر!! حقيقه مرة ولكن كم تمنيت لوطال موضوعك وتطرقت لــــــ((عزيزي سامي الجابر)) عزيزي سامي الجابر أنت من راهنت على نجاح اللاعب وليد الجيزان!!وفشل عزيزي سامي الجابر أنت من راهنت على نجاح اللاعب أحمد علي!!وفشل عزيزي سامي الجابر أنت من راهنت على نجاح اللاعب يحي كعبي!!وفشل عزيزي سامي الجابر أنت من راهنت على نجاح المدرب كالديرون!!وفشل عزيزي سامي الجابر أنت من راهنت على نجاح المدرب دول!!وفشل عزيزي سامي الجابر أنت من أتى بسعد الحارثي وتراهن على نجاح !!(يعني تبي تقنعني بأنه سوف بيكون أفضل من ياسر)!! لكن وسوف يفشل لو توضبونه وتدخلونه صناعية الخليج !الحقيقة مره ((نحتاج مهاجمين بنفس سرعة عبد القادر كيتا ومامادو نياج للاعبين السد القطر ))كم أحسد السد على هذا الثنائي سامي كم أحبك وكم ارهن (أنا) بأنك مدرب المرحلة القادمة ولكن تكفي ركز ركز ركز بس شوي عندما يستشيرك الامير عبد الرحمن بن مساعد لأن رأيك يشكل 99.99% !!الحقيقه مرة |
| الوقت المعتمد في المنتدى بتوقيت جرينتش +3.
الوقت الان » 12:46 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd